ლევან ჭოლაძე
| ლევან ჭოლაძე | |
|---|---|
 | |
| დაბადების თარიღი | 9 აპრილი, 1978 |
| დაბადების ადგილი | თბილისი, საქართველოს სსრ |
| მოქალაქეობა |
 საქართველო |
| განათლება | თბილისის სახელმწიფო უნივერსიტეტი |
| ეროვნება | ქართველი |
| რელიგია | მართლმადიდებელი ქრისტიანი |
| საქმიანობა | შრი-ლანკის დემოკრატიული სოციალისტური რესპუბლიკის საპატიო კონსული საქართველოში |
| მეუღლე/ები | ელენე ბაზიერაშვილი |
| შვილ(ებ)ი |
ვახტანგ ჭოლაძე ნიკოლოზ ჭოლაძე ეკატერინე ჭოლაძე |
| ჯილდოები |
"ღირსების მედალი" "ტყიბულის საპატიო მოქალაქე" |
ლევან ჭოლაძე (დ. 9 აპრილი, 1978, თბილისი, საქართველო) — ქართველი სახელმწიფო და პოლიტიკური მოღვაწე, დიპლომატი, საქართველოს კონტროლის პალატის თავმჯდომარე (2007-08) და საქართველოს ეროვნული უშიშროების საბჭოს მდივანი (2005).
განათლება
[რედაქტირება | წყაროს რედაქტირება]- 2000 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო სამართლისა და საერთაშორისო ურთიერთობების ფაკულტეტი, საერთაშორისო სამართლის სპეციალობით და მიენიჭა იურისტის კვალიფიკაცია.
- 2002 წელს გაიარა ნიდერლანდების სამეფო აკადემიის საერთაშორისო უსაფრთხოების კურსი.
- 2003 წლის ზაფხულში სწავლობდა ლიდსის (დიდი ბრიტანეთი) უნივერსიტეტის ქ. იორკის წმ. ჯონის სახელობის კოლეჯში.
- 2003 წელს სწავლობდა ნატო-ს თავდაცვის კოლეჯში (ქ. რომი).
სამუშაო გამოცდილება
[რედაქტირება | წყაროს რედაქტირება]- 1996-1998 წლებში მუშაობდა საქართველოს პროკურატურის სისტემაში.
- 1998 წლიდან მუშაობდა საქართველოს თავდაცვის სამინისტროში: საერთაშორისო სამართლებრივი სამმართველოს უფროს იურისკონსულტად; საერთაშორისო სამართლებრივი სამმართველოს განყოფილების უფროსად; საერთაშორისო სამართლებრივი სამმართველოს უფროსის მოადგილედ; საერთაშორისო სამართლებრივი სამმართველოს უფროსად; თავდაცვის პოლიტიკისა და საერთაშორისო ურთიერთოებების დეპარტამენტის უფროსის მოადგილედ;
- 2004 წლის თებერვლიდან ეკავა საქართველოს თავდაცვის მინისტრის აპარატის უფროსის თანამდებობა.
- 2004 წლის ივნისში დაინიშნა საქართველოს ეროვნული უშიშროების საბჭოს აპარატის სახელმწიფო და საზოგადოებრივი უსაფრთხოების დეპარტამენტის დირექტორად.
- 2004 წლის 6 ოქტომბერს დაინიშნა საქართველოს ეროვნული უშიშროების საბჭოს მდივნის მოადგილედ
- 2005 წლის 20 მაისს დაინიშნა საქართველოს ეროვნული უშიშროების საბჭოს მდივნის პირველ მოადგილედ.
- 2005 წლის 19 ოქტომბერს დაეკისრა საქართველოს პრეზიდენტის თანაშემწის ეროვნული უშიშროების საკითხებში – ეროვნული უშიშროების საბჭოს მდივნის მოვალეობის შესრულება.
- 2005 წლის 18 ნოემბერიდან 2005 წლის 23 დეკემბრამდე ეკავა საქართველოს პრეზიდენტის თანაშემწის ეროვნული უშიშროების საკითხებში – ეროვნული უშიშროების საბჭოს მდივნის თანამდებობა.
- 2005 წლის 29 დეკემბერს დაინიშნა საქართველოს საგარეო საქმეთა მინისტრის მოადგილედ.
- 2007 წლის 11 მაისიდან 2008 წლის 11 ივლისამდე იყო საქართველოს კონტროლის პალატის თავმჯდომარე.
- 2008 წლის 10 ნოემბრიდან 2011 წლის 16 მაისამდე საქართველოს სოფლის მეურნეობის მინისტრის პირველი მოადგილე.
- 2011 წლის მაისიდან 2013 წლის ივნისის ჩათვლით შპს "იბერია კაპიტალ ინვესტი"-ს დამფუძნებელი/პარტნიორი.
- 2013 წლის ივლისიდან 2016 წლის 20 თებერვლამდე საქართველოს ინდუსტრიული ჯგუფის გენერალური დირექტორი[1].
- 2014 წლის ივნისიდან შრი-ლანკას დემოკრატიული სოციალისტური რესპუბლიკის საპატიო კონსული საქართველოში.
სხვა ცნობები
[რედაქტირება | წყაროს რედაქტირება]- დაჯილდოებულია ღირსების მედლით.
- ქ. ტყიბულის საპატიო მოქალაქე.
- მინიჭებული აქვს საგანგებო და სრულუფლებიანი ელჩის დიპლომატიური რანგი და ნამდვილი სახელმწიფო მრჩევლის საკლასო ჩინი.
- არის “ეროვნული უშიშროების საბჭოს შესახებ” საქართველოს ორგანული კანონის თანაავტორი.
- 2004 წლიდან ხელმძღვანელობდა “საქართველოს ეროვნული უსაფრთხოების კონცეფციისა” და “საქართველოს ეროვნული ანტიკორუფციული სტრატეგიის” შემმუშავებელ სამუშაო ჯგუფებს.
სქოლიო
[რედაქტირება | წყაროს რედაქტირება]| წინამორბედი: ზურაბ სოსელია |
საქართველოს კონტროლის პალატის თავმჯდომარე 2007 – 2008 |
შემდეგი: ლევან ბეჟაშვილი |
| წინამორბედი: გელა ბეჟუაშვილი |
საქართველოს ეროვნული უშიშროების საბჭოს მდივანი 2005 ოქტომბერი-დეკემბერი |
შემდეგი: კონსტანტინე კემულარია |