ილია ბატონიშვილი

სხვა მნიშვნელობებისთვის იხილეთ ილია.

ილია ბატონიშვილი (გრუზინსკი)

ილია ბატონიშვილი (ბაგრატიონი) (დ. 1790, თბილისი — გ. 1854, მოსკოვი) — მეფე გიორგი XII-ის ძე. 1808 დედასთან, დედოფალ მარიამთან ერთად ადმინისტრაციული წესით რუსეთში გადაასახლეს. სწავლობდა პაჟთა კორპუსში. 1812-1823 წლებში მსახურობდა რუსეთის არმიაში. მონაწილეობდა 1812 წლის ომში ნაპოლეონის არმიის წინააღმდეგ. 1823 წელს პოლკოვნიკის წოდებით გადადგა სამხედრო სამსახურიდან. დასახლდა მოსკოვში.

1843 წლის 18 ივნისს, საქართველოს სამეფო ოჯახის წევრებს (ფარნაოზი ერეკლეს ძე; გიორგის ძეები: თეიმურაზი, მიხეილი, ილია, ოქროპირი, ერეკლე; იულონის ძეები: ლუარსაბი და დიმიტრი; იოანეს შვილიშვილი - იოანე; ბაგრატ გიორგის ძის შვილები: დავითი და ალექსანდრე; კონსტანტინე დავითის ძე; იმერეთის მეფის გიორგი ალექსანდრეს ძის შვილები: ალექსანდრე და დიმიტრი), რუსეთის იმპერატორის ბრძანებით „უვადო“ პენსიაზე დაემატათ „შთამომავლობითი“ პენსიაც^[1].

აქ 1844 ფრანგულიდან ქართულად თარგმნა ინგლისელი ფილოსოფოსის ს. კლარკის (1675-1729) მიმოწერა გერმანელ ფილოსოფოს გ. ლაიბნიცთან (1646-1716): „ბაასი ორთა უჩინებულესთა ფილოსოფთა ევროპიისათა კლარკ და ლეიბნიცისა“.

ოჯახი[რედაქტირება | წყაროს რედაქტირება]

ილია ბატონიშვილი დაქორწინდა მოსკოვში 1827 წელს, ანასტასია გრიგორიევნა ობოლენსკაიაზე. მას და ანასტასიას ეყოლათ 13 შვილი:

სურათი	სახელი	სიცოცხლის წლები	ოჯახი
Princess Anna Ilynichna Gruzinskaya.jpg	ანა გრუზინსკაია	1828 - 5 ოქტომბერი, 1905	დაქორწინებული იყო გენერალ დავით ჭავჭავაძეზე (1817-1884), რომლისგანაც ეყოლა ვაჟი არჩილ გრუზინსკი (1869-1913)
Princess Varvara Ilynichna Gruzinskaya -1.jpg	ბარბარე გრუზინსკაია	1831 - 18 მარტი, 1884	დაქორწინებული იყო ილია ორბელიანზე (1818–1853), რომლისგანაც ეყოლა ორი ვაჟი: გიორგი გრუზინსკი (1853–1924) და დიმიტრი გრუზინსკი (დაიბადა 1853)
Princess Gayana Ilynichna Gruzinskaya.jpg	გაიანე გრუზინსკაია	1832 - 5 ივნისი, 1903
Prince Grigory I. Gruzinsky.jpg	გრიგოლ გრუზინსკი	15 ნოემბერი, 1833 - 18 სექტემბერი, 1899	1864 წელს ცოლად შეირთო ოლგა ფროლოვა (1844-1902), რომლისგანაც ეყოლა 7 ვაჟი: ალექსანდრე გრუზინსკი (1867–1917), ილია გრუზინსკი (1867–1947), პეტრე გრუზინსკი (1868–1922), ანასტასია გრუზინსკაია (1871–1956), ელისაბედ გრუზინსკაია (1873–1901), თამარ გრუზინსკაია (1874–1898) და ნინა გრუზინსკი (1876–1895)
Prince Gruzinsky COA (B&W).jpg	პეტრე გრუზინსკი	1833/1836 - 17 სექტემბერი, 1855
Prince Gruzinsky COA (B&W).jpg	ელისაბედ გრუზინსკი	6 მარტი, 1836 - 1890	დაქორწინდა 1857 წელს არკადი ბაშმაკოვზე
Prince Dimitri I. Gruzinsky.jpg	დიმიტრი გრუზინსკი	1839 - 7 იანვარი, 1860
Princess Olga Ilynichna Gruzinskaya.jpg	ოლღა გრუზინსკაია (გულბათი)	1840 - 18 ივლისი, 1913
Princess Vera Ilynichna Gruzinskaya.jpg	ვერა გრუზინსკაია	1842–1861	დაქორწინდა 1860 წელს ნიკოლოზ სვიატოპოლმისკიზე
Prince Nikolay I. Gruzinsky.jpg	ნიკოლოზ გრუზინსკი	7 აგვისტო, 1844 - 24 ოქტომბერი, 1916	დაქორწინდა 1868 წელს მარია მიხაილოვნა კატენინაზე, რომლისგანაც ეყოლა ექვსი შვილი: მარია გრუზინსკაია (1869–1901), ნადეჟდა გრუზინსკაია (1871–1907), ილია გრუზინსკი (1874–1879), ანასტასია გრუზინსკაია (1880–1936), მიხეილ გრუზინსკი (1886–1917) და ოლგა გრუზინსკაია (გარდაიცვალა 1902)
Princess Aleksandra Ilynichna Gruzinskaya in Italian costume.jpg	ალექსანდრა გრუზინსკაია	გარდაიცვალა 24 სექტემბერი, 1909
Princess Ekaterina Ilynichna Gruzinskaya.jpg	ეკატერინე გრუზინსკაია	გარდაიცვალა 1888
Prince Gruzinsky COA (B&W).jpg	ნადეჟდა გრუზინსკაია	1847-1930	დაქორწინებული იყო მიხეილ ალექსანდროვიჩ პერევიზე