იზა გიგოშვილი

მასალა ვიკიპედიიდან — თავისუფალი ენციკლოპედია
Jump to navigation Jump to search
იზა გიგოშვილი
დაბ. თარიღი იზა გიგოშვილი
16 თებერვალი, 1938
თბილისი, საქართველოს სსრ
გარდ. თარიღი 2003
საქმიანობა მსახიობი

იზა შალვას ასული გიგოშვილი (დ. 16 თებერვალი, 1938, თბილისი — გ. 2003) — ქართველი მსახიობი. საქართველოს სახალხო არტისტი (1981). 1979 წელს მიენიჭა სსრკ სახელმწიფო პრემია.

ბიოგრაფია[რედაქტირება | წყაროს რედაქტირება]

1963 წელს დაამთავრა საქართველოს რუსთაველის სახელობის თეატრალური ინსტიტუტის სამსახიობო ფაკულტეტი. 1963–1967 იყო თბილისის რუსთაველის სახელობის თეატრის მსახიობი, 1967–1969მარჯანიშვილის სახელობის თეატრისა, 1969-იდან კვლავ რუსთაველის თეატრშია. 1997 წელს დააარსა სამეფო უბნის თეატრი.

გიგოშვილის თამაში გამოირჩევა სინატიფით, პლასტიკით, მოხდენილობითა და გარდასახვის უნარით; შექმნა მომხიბლავი და გულწრფელობით აღსავსე თავგანწირულ, შეუპოვარ ქალთა სახეები: ძაბული (კ. გამსახურდიას „მთვარის მოტაცება"), კაბილა (ა. დე მიუსეს „სიყვარული სახუმარო არ არის"), ჰერმია (უ. შექსპირის „ზაფხულის ღამის სიზმარი"), ქსენია (ბ. ლავრენიოვის „რღვევა"), ნატო (ა. ჩხაიძის „ხიდი"), გრუშე ვაჩნაძე (ბ. ბრეხტის „კავკასიური ცარცის წრე"), ზიტა (გ. ლესინგის „ნათან ბრძენი"), შუშანიკი (ი. ცურტაველის „შუშანიკის მარტვილობა"), თამარი (კ. გოლდონის „მშვენიერი ქართველი ქალი") და სხვა.

რესურსები ინტერნეტში[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]

  • ცუცქირიძე შ., ენციკლოპედია „საქართველო“, გვ.615-616, თბ., 1997