მერაბ თავაძე

მერაბ თავაძე (დ. 29 ივლისი, 1942, თბილისი) — ქართველი მსახიობი, რეჟისორი, სცენარისტი. თბილისის საპატიო მოქალაქე (2017).

სწავლობდა შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტზე, ხოლო 1979 წელს დაამთავრა ამავე ინსტიტუტის კინოსარეჟისორო ფაკულტეტი.

1996 წლიდან „სამეფო უბნის თეატრის“ დამფუძნებელი და სამხატვრო ხელმძღვანელი. კინოკომპანია „იბერია-ფილმის“ პრეზიდენტი. დამდგმელი რეჟისორია ფილმების: „მთის ნოველა“ (1979), „მე დავბრუნდები“ (1982), „ბრავო, ალბერ ლოლიშ!“ (1987), „ხვეული კიბით“ (2001); სცენარის ავტორია ფილმების: „მე დავბრუნდები“ (1982), „ხვეული კიბით“ (2001); გადაღებულია ფილმებში: „თოჯინები იცინიან“ (რეზიკო, 1962), „ზღვის ბილიკი“ (დათო, 1962), „დრო იწურება განთიადისას“ (ტონი გარსი, 1965), „პიერი მილიციის თანამშრომელი“ (ანზორი, 1965), „მყუდრო სავანე“ (გივი, 1975), „ორშაბათი ჩვეულებრივი დღეა“ (გელაშვილი, 1984).

მერაბ თავაძის მეუღლე იყო მსახიობი იზა გიგოშვილი; მათი შვილია მსახიობი და რეჟისორი ნიკა თავაძე.

ჯილდოები

• 1979 — საქართველოს სსრ დამსახურებული არტისტი
• 1982 — საქართველოს სსრ სახალხო არტისტი
• 2017 — თბილისის საპატიო მოქალაქე

რესურსები ინტერნეტში

• მერაბ თავაძე — საქართველოს ბიოგრაფიული ლექსიკონი