დონბას არენა

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
დონბას არენა
დონბას არენა (ლოგო).png
მდებარეობა დონეცკი, უკრაინა
კოორდინატები 48°01′15″ ჩ. გ. 37°48′35″ ა. გ. / 48.02083° ჩ. გ. 37.80972° ა. გ. / 48.02083; 37.80972
აშენდა 2006-2009
გაიხსნა 29 აგვისტო, 2009
ოპერატორი დონბას არენა
საფარი ბალახი
კონსტრუქციის ღირებულება 3,175
არქიტექტორი არუპსპორტი
ტევადობა 51,504
გუნდები
„შახტარი“ დონეცკი

დონბას არენა (უკრ. Донбас Арена) — საფეხბურთო სტადიონი უკრაინაში, ქალაქ დონეცკში. სტადიონი გაიხსნა 2009 წლის 29 აგვისტოს. მდებარეობს ლენინის პარკში. იტევს 51,504 მაყურებელს. სტადიონი მასპინძლობს დონეცკის „შახტარის“ საშინაო მატჩებს.

სტადიონს მშენებლობაზე დაიხარჯა 250 აშშ დოლარი, 30 მილიონი კი მის ირგვლივ პარკის და სხვა ობიექტების ასაშენებლად.

სტადიონის სახელი მიღებულია ორი სიტყვის შემოკლებით: დონეცკის ბასეინი – დონბასი.

მშენებლობა და დიზაინი[რედაქტირება | წყაროს რედაქტირება]

დონბას არენა 2007 წლის აგვისტოში

მშენებლობა დაიწყო 2006 წლის 27 ივნისს. მთავარი კონტრაქტორი იყო თურქული კომპანია ENKA. სტადიონის მშენებლობა დასრულდა 2009 წელს და ამავე წელს გაიხსნა. სტადიონის მშენებლობაში დაახლოებით 1600 სპეციალისტი იღებდა მონაწილეობას, ძირითადად თურქები.

სტადიონის დიზაინი შექმნა კომპანია არუპსპორტმა. არუპსპორტის მიერაა დაპროექტებული შემდეგი სტადიონებიც: მანჩესტერ სიტის სტადიონი (მანჩესტერი, ინგლისი), ალიანც არენა (მიუნხენი, გერმანია), პეკინის ეროვნული სტადიონი (პეკინი, ჩინეთი).

დონბას არენა მფრინავ თეფშს წააგავს. მისი ნაპირები შიგნითაა შეზნექილი და შემინულია, გადახურულია ტრიბუნების ნაწილი. სახურავი ისეა მოწყობილი, რომ დღისით მზის სინათლემ სტადიონი გაანათოს. ღამით მუშაობს შიდა და გარე სპეციალური დეკორაციული განათებებით.

გახსნა[რედაქტირება | წყაროს რედაქტირება]

სტადიონი ოფიციალურად 2009 წლის 29 აგვისტოს გაიხსნა. ამავე დღეს უკრაინაში აღინიშნება მაღაროელების დღე და ქალაქ დონეცკის დღე. ქალაქი მდებარეობს სამთო მრეწველობის რეგიონში და თარიღიც სიმბოლურად იქნა შერჩეული. ამასთანაა დაკავშირებული სტადიონის მფლობელი გუნდის დონეცკის „შახტარის“ სახელწოდებაც (დონეცკის ქვანახშირის მაღაროელები).

სტადიონზე პირველი მატჩი გამართა დონეცკი „შახტარმა“ კიევის „ობოლონის“ წინააღმდეგ და 4-0 იმარჯვა (უკრაინის პრემიერ ლიგა 2009-2010).

ევრო 2012[რედაქტირება | წყაროს რედაქტირება]

დონბას არენა ერთ-ერთი სტადიონია, რომელიც 2012 წლის ევროპის საფეხბურთო ჩემპიონატის მატჩებს მასპინძლობდა, მათ შორის D ჯგუფის, მეოთხედფინალისა და ნახევარფინალის თამაშებს.

მატჩები, რომლებსაც დონბას არენამ უმასპინძლა:

თარიღი დრო ანგარიში ეტაპი
2012-06-11 20.00 საფრანგეთის დროშა საფრანგეთი 1 – 1 ინგლისის დროშა ინგლისი ჯგუფი D
2012-06-15 20.00 უკრაინის დროშა უკრაინა 0 – 2 საფრანგეთის დროშა საფრანგეთი ჯგუფი D
2012-06-19 22.45 ინგლისის დროშა ინგლისი 1 – 0 უკრაინის დროშა უკრაინა ჯგუფი D
2012-06-23 22.45 ესპანეთის დროშა ესპანეთი 2 – 0 საფრანგეთის დროშა საფრანგეთი მეოთხედფინალი
2012-06-27 22.45 პორტუგალიის დროშა პორტუგალია 0 – 0 (პენ: 2-4) ესპანეთის დროშა ესპანეთი ნახევარფინალი

გალერეა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

Commons-logo.svg
ვიკისაწყობში? არის გვერდი თემაზე: