დიდი ყელეთის კოშკი

მასალა ვიკიპედიიდან — თავისუფალი ენციკლოპედია
Jump to navigation Jump to search

დიდი ყელეთის კოშკი — არქიტექტურული ძეგლი ხაშურის მუნიციპალიტეტის სოფელ დიდ ყელეთში. მდებარეობს სოფლის სამხრეთ-დასავლეთით 400-500 მეტრზე, ლაღიჯვრის ეკლესიასთან ახლოს. სტილისტური ნიშნებით თარიღდება გვიანდელი ფეოდალური ხანით.

ძეგლი ნაგებია ქვიშაქვით. შემორჩენილია სამხრეთ კედელი, სამხრეთ-დასავლეთ კუთხე დაახლოებით 3 მეტრის სიმაღლეზე, აღმოსავლეთ კედლის ნაწილი და ჩრდილოეთ კედლის 1,3 მეტრი სიმაღლის დასავლეთ მონაკვეთი. მიწით ამოვსებული პირველი სართულის სამხრეთ კედელში ერთი სწორკუთხა ნიში ყოფილა, დასავლეთ კედელში - ორი. მეორე სართულის შემორჩენილ დასავლეთ ნაწილში ორი თაღოვანი სარკმლის ნაშთია. სამხრეთ კედელში შემორჩენილია სარკმლის წირთხლის აგურით ნაწყობი ნაწილები.

ლიტერატურა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

  • საქართველოს გერბი საქართველოს კულტურული მემკვიდრეობის ძეგლი რ/ნ 17696