ჯეიმზ II (ინგლისი)

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ჯეიმზ II

ჯეიმზ II / VII სტიუარტი (ინგლ. James II and VII Stuart; დ. 14 ოქტომბერი 1633, სენტ-ჯეიმზის სასახლე, ლონდონი — გ. 16 სექტემბერი 1701, სენ-ჟერმენი, საფრანგეთი) — ინგლისის, შოტლანდიისა (ჯეიმზ VII-ის სახელით) და ირლანდიის მეფე 1685-1688 წლებში. ჩარლზ I-ის ვაჟი. იგი ბრიტანეთის ბოლო კათოლიკე მეფე იყო. ატარებდა კათოლიკური ეკლესიის პოზიციების განმტკიცების პოლიტიკას. 1685 წელს დაშალა პარლამენტი და ერთპიროვნულად დაიწყო სახელმწიფოს მართვა. 1687 წელს გამოსცა „დეკლარაცია სჯულთშემწყნარებლობის შესახებ“, რომლითაც კათოლიკობა სახელმწიფო რელიგიად უნდა გადაქცეულიყო. მისმა პოლიტიკამ ოპოზიციის გაძლიერება გამოიწვია. ოპოზიციონერებმა ტახტზე მოიწვიეს ჯეიმზ II-ის სიძე ნიდერლანდის შტატჰალტერი უილიამ III ორანელი (1650-1702 წწ.), რომლის ჩამოსვლის შემდეგ, 1688 წლის დეკემბერში ჯეიმზ II საზღვარგარეთ გაიქცა.

ლიტერატურა[რედაქტირება]