ფრენა უკასროდ

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ფრენა უკასროდ
FRENA UKASROD.jpg
„ფრენა უკასროდ“, ყდა, 2011
ავტორი მიხო მოსულიშვილი
ენა ქართული
სერია ახალი ქართული პროზა
თემა ქართველი ემიგრანტების ცხოვრება გერმანიაში
ჟანრი პოსტმოდერნისტული, პიკარესკული რომანი
გამომცემელი „სულაკაური“, „გუმბათი-2007“
გამოცემის თარიღი 2001 და 2011
გვერდი 212
წინამორბედი უჟამო ჟამის რაინდი, 1998
მომდევნო „ბენდელა“ (დოკუმენტური რომანი), 2003
ISBN 99928–914–2–4 და 978-9941-0-3160-1

ფრენა უკასროდ — ქართველი მწერლის, ლიტერატურული პრემია „გალას“ ლაურეატის, მიხო მოსულიშვილის თაღლითური, იგივე პიკარესკული რომანი, პოსტმოდერნისტულად ორგანიზებული, არასწორხაზოვანი თხრობით და ქალაქური ჟარგონის გამოყენებით.

სათაური[რედაქტირება]

რომანის სათაური „ფრენა უკასროდ“ იოჰან ვოლფგანგ ფონ გოეთეს „ფაუსტის“ პერიფრაზია: დოქტორ ფაუსტს ცაში გასაფრენად აუერბახის სარდაფის ღვინის კასრი სჭირდებოდა, ჩვენს გმირებს კი ასეთივე გაფრენისთვის მარიხუანით შეკეთებული ამერიკული „ჯოინტიც“[1] ჰყოფნით.

თხრობა[რედაქტირება]

რომანს საფუძვლად უდევს ქართველი ემიგრანტების ცხოვრება გერმანიასა და ევროპის სხვა ქვეყნებში. ავტორის ირონიული ხედვით გამორჩეული, ჟანრულად რთული და, მიუხედავად ამისა, წასაკითხად იოლი და ხალისიანი თხრობა, რომელითაც ნაწარმოები დაყოფილია არა "თავებად", არამედ "მოყოლილებად", ასახავს ქართველი ემიგრანტის ცხოვრებას გერმანიის ლტოლვილთა ბანაკებში.

შინაარსი[რედაქტირება]

რომანის მოქმედება ხდება მეოცე და ოცდამეერთე საუკუნეების გასაყარზე. გერმანიაში მოგზაურობისას პერსონაჟები ხვდებიან თავიანთი დიდი ქართველი წინაპრების სულებს, რომლებიც ამავე ადგილებში მოღვაწეობდნენ (გრიგოლ რობაქიძე, კონსტანტინე გამსახურდია, დავით გურამიშვილი). ვაიმარში კი გოეთესა და შილერის სკულპტურები ცოცხლდებიან, რომანის გმირებს, ქართველ და ნიგერიელ ნარკო-ვაჭრებს ეკამათებიან, და იმავე კამათში მონაწილეობას ღებულობს ნიგერიელი ღმერთების მამამთავარი, ოლოკუნი[2]! (ნარკომაფიის იერარქიულ კიბეზე ასვლისას ქართველ ემიგრანტებს მფარველებად მოევლინებიან უაღრესად მომხიბვლელი, თვითმყოფადი, ოდნავ სასაცილო და საშიში ნიგერიელი არამზადები).

საბოლოოდ, ინტერნაციონალური არამზადების ჯგუფის მოღვაწეობა მარცხით მთავრდება — რომანტიზირებულ ავაზაკობას წინ აღუდგება გერმანული სასამართლო მანქანა და „აზულიანტებს“ თავ-თავიანთ ქვეყნებში გააძევებენ. როგორც ირკვევა, არც გერმანიაა წარმოჩენილი რომანში იდეალურ სამყაროდ, ვინაიდან არამზადებს გერმანიაში თავიანთი შავ-ბნელი საქმეების თანამზრახველები ჰყავთ და, გარდა ამისა, არც დასავლური ცივილიზაციაა ისეთი რამ, რისი მორყევაც შეუძლებელია.

პერსონაჟები[რედაქტირება]

  • პუპა (პავლე) კოღუაშვილი
  • დიტო (დიმიტრი) ქინქლაძე
  • კახა ბურნაძე
  • ბოზო ანჩიბუა ოდუდუვუა
  • საფა ჩუკუ ჩუკუ
  • ანანკე ორო კააიია
  • მარიშკა „პალმით“
  • ვილლი ზაბელიკუსი
  • ოტტო ფონ ურიანი
  • კრისტინ შვერდტლაინი

რომანის გამოცემები[რედაქტირება]

  • 2001 წ. — ბაკურ სულაკაურის გამომცემლობა[3].
  • 2011 წ. — გამომცემლობა „გუმბათი-2007“[4]
  • 2012 წ. — ელექტრონული გამომცემლობა „ლითერასი“[5]
  • 2013 წ. — „საბა“ ელექტრონული წიგნების სახლი, გამომცემლობა „მიმოსი“[6]

სქოლიო[რედაქტირება]

  1. http://en.wikipedia.org/wiki/Joint_%28cannabis%29
  2. http://en.wikipedia.org/wiki/Olokun
  3. Mixo Mosulišvili (2001), Pʻrena ukasrod, Tʻbilisi: Bakur Sulakauris gamomcʻemloba, ISBN 9992891424, OCLC 50646027, 9992891424, http://openlibrary.org/books/OL3660238M/Pʻrena_ukasrod
  4. Mixo Mosulišvili (2011), Pʻrena ukasrod, Tbilisi, Georgia: Gumbati-2007, http://openlibrary.org/books/OL24988617M/Pʻrena_ukasrod
  5. „ლითერასი“
  6. https://saba.com.ge/books/details/605

რესურსები ინტერნეტში[რედაქტირება]