ჟიკჟიკობა ღამე

ჟიკჟიკობა ღამე
ავტორი	მიხო მოსულიშვილი
პერსონაჟები	ოლა, ილა, ილიკო
პრემიერა	2009-2010
პრემიერის ადგილი	თბილსი
ენა	ქართული
თემა	პიესა ომის შემდეგ იძულებით მიტოვებულ სოფლებზეა, ომში უსაფლაოდ დაკარგულ მიცვალებულებზე და საქართველოს უახლესი ისტორიის, ოკუპაციის შემდეგ დარჩენილ ტკივილზე
ჟანრი	მენიპეა
მოქმედების ადგილი	არჩანდის სასაფლაო

ჟიკჟიკობა ღამე (მენიპეა ერთ სცენად) — პიესა, ჟანრობრივად სევდიანი დრამა, დაწერილი 2009-2010 წლებში მიხო მოსულიშვილის მიერ.

პიესის ეპიგრაფი

ამ პიესას წინ უძღვის ვაჟა-ფშაველას სტრიქონები პოემიდან „ალუდა ქეთელაური“:

„დაბნელდა, წყალნი ტირიან, კალთა გვეხურვის ღამისა; დროა ვარსკვლავთა ჟიკჟიკის, მცვრევა ბალახზედ ნამისა, მკვდართ სულთ საფლავით გამოსვლის, დრო მათ სიმღერის წყნარისა. “

სინოპსისი

პიესა ომის შემდეგ იძულებით მიტოვებულ სოფლებზეა, ომში უსაფლაოდ დაკარგულ მიცვალებულებზე და საქართველოს უახლესი ისტორიის, ოკუპაციის შემდეგ დარჩენილ ტკივილზე.

აღდგომის ღამეს თავისი პაპა-ბებიის სასაფლაოზე, მეუღლისა და დედის თანხლებით მისულ ილიკოს გარდაცვლილი ბებია ოლა და პაპა ილა გამოეცხადებიან.

შინაარსი

აღდგომის ღამეს, რომელსაც ჟიკჟიკობა ღამეს ეძახიან იქაურები, ილიკო დედამისთან და მეუღლესან ერთად გადის თავისი პაპა-ბებიის სასაფლაოზე. მას ესმის წინაპრების ლაპარაკი, რაც მისთვის ისაა, რასაც სამშობლო ჰქვია.

პერსონაჟები

• ოლა — გარდაცვლილი ბებია.
• ილა — გარდაცვლილი პაპა.
• ილიკო — ჯერ ცოცხალი შვილიშვილი.

დადგმები

• რადიოთეატრი, რეჟისორი ზურაბ კანდელაკი, ხმის ოპერატორი ბაკო ხვიჩია, 2018
• ნოდარ დუმბაძის სახელობის მოზარდ მაყურებელთა თეატრი, რეჟისორი და ინსცენირების ავტორი ეკატერინე კატო შარიქაძე, 2024 წლის 9 მარტი

გამოცემები

• 2010 წლის 16-24 აპრილი — „ლიტერატურული გაზეთი“, #24, გვერდები 6-7
• 2010 წ. — წიგნში „თითქმის პიკასო და ცოტა ბოსხი, მარჯვნიდან“. ISBN 978-99940-60-87-0

რესურსები ინტერნეტში

• მიხო მოსულიშვილი "ჟიკჟიკობა ღამე" (რადიოთეატრი)
• „ჟიკჟიკობა ღამე“
• „ჟიკჟიკობა ღამე“ მოზარდ მაყურებელთა თეატრში