პუნოს რეგიონი

თავისუფალი ქართულენოვანი ენციკლოპედია ვიკიპედიიდან
(გადამისამართდა გვერდიდან პუნო (რეგიონი))
გადასვლა: ნავიგაცია, ძიება
პუნოს რეგიონი
Titicaca-isola.jpg
პუნოს რეგიონის მდებარეობა პერუში
იხილეთ ასევე პერუს სხვა რეგიონები
პრეზიდენტი ერნან ფუენტესი
დედაქალაქი პუნო
უდიდესი ქალაქი ხულიაკა
ფართობი 66 997 კმ²
მოსახლეობა
მოსახლეობა
  - სულ
  - სიმჭიდროვე

1 245 508
18.6/კმ²
დაყოფა 13 პროვინცია და 107 რაიონი
სიმაღლე
  - დაბალი
  - მაღალი

820 მ (ლან-ლაკუნი)
4525 მ (სან ანტონიო დე ესკუილაჩე)
განედი
გრძედი
13°00'06"-დან 17°08'54"-მდე; S
71°08'24"-დან 68°50'52"-მსწ; W
მთავარი ბუნებრივი რესურსები ქვეყანაში ცხვრის,ალპაკას და ლამას ყველაზე დიდი მწარმოებელი,
სიღარიბე 78%
ქვეყნის მშპ 2.2%
კოდები
სატელეფონო კოდი 051
ISO 3166-2 PE-PE-PUN
UBIGEO 21
ვებ-საიტი
http://www.regionpuno.gob.pe


პუნორეგიონი პერუში. ქვეყნის სამხრეთ-აღმოსავლეთ ნაწილში. აღმოსავლეთით მას ესაზღვრება ბოლივია, ჩრდილოეთით – მადრე-დე-დიოსის რეგიონი, დასავლეთით – კუსკოს და არეკიპას რეგიონები, სამხრეთ-დასავლეთით – მოკეგას რეგიონი და სამხრეთით ტაკნას რეგიონი. დედაქალაქი – პუნო, რომელიც გეოგრაფიულად მდებარეობს ალტიპლანოს მთიანეთში, ტიტიკაკას ტბის სიახლოვეს.

გეოგრაფია[რედაქტირება]

პუნოს რეგიონი განლაგებულია კოლაოს პლატოზე. ტიტიკაკას, მსოფლიოში ზღვის დონიდან ყველაზე მაღლა მდებარე სანაოსნო ტბის დასავლეთი ნაწილი, სწორედ პუნოს რეგიონს ეკუთვნის. რეგიონის ტერიტორიის 70%-ს ანდების მთები იკავებს, ხოლო დანარჩენს, ამაზონის ტყეები.

კლიმატი ცივი და მშრალია, ოთხთვიანი წვიმების სეზონით. მეორე მხრივ, ტყეებში კლიმატი საკმაოდ თბილია. რეგიონის წყლის რესურსებს შეადგენს ტიტიკაკას ტბა, 50 ლაგუნა და 300-მდე მდინარე. არის აგრეთვე მნიშვნელოვანი პოტენციალის მქონე მიწისქვეშა წყლები.

ტურიზმი[რედაქტირება]

პუნოს რეგიონში ტურიზმი საკმაოდ მძლავრადაა განვითარებული. არსებობს უამრავი ტურ-ოპერატორი და სასტუმრო, დაწყებული დაბალი და დამთავრებული უმაღლესი კლასით.

ადმინისტრაციული დაყოფა[რედაქტირება]

რეგიონი დაყოფილია 13 პროვინციად, რომლებიც თავის მხრივ შედგება 107 რაიონისაგან. ეს პროვინციები თავიანთ დედაქალაქებითურთ შემდეგია:

ისტორია[რედაქტირება]

ადრეულ ხანაში, კოლაოს პლატო დასახლებული იყო აიმარას ხალხებით, კეჩუას ხალხი აქ მოგვიანებით დასახლდა. აიმარას კულტურა, რომელიც ასევე ცნობილია, როგორც პუტინა, პრე-ესპანური რეგიონის ყველაზე მეტად გავლენიანი კულტურა იყო.

მეფის-ნაცვალობის პერიოდში, პუნოზე გადიოდა ერთადერთი გზა ბოლივიაში მოსახვედრად. 1870 წელს, გაიხსნა პუნო-არეკიპას რკინიგზა, რამაც საშუალება მისცა ტიტიკაკას ტბაზე ნაოსნობის დაწყებას. 2007 წელს, რეგიონში ჩამოვარდა მეტეორი, რომელმაც დააზიანა დარიშხანის საბადო, რამაც ადგილობრივების მოწამვლა გამოიწვია.

მიმდინარე მოვლენები[რედაქტირება]

2008 წლის მარტში, რეგიონის პრეზიდენტმა ერნან ფუენტესმა განაცხადა, რომ ის ეძებს გზას პერუს შემადგენლობიდან გამოსასვლელად და დამოუკიდებელი სახელმწიფოს ჩამოსაყალიბებლად. პერუს პრემიერ-მინისტრმა, ხორხე დელ კასტილიომ ეს ფაქტი შეაფასა, როგორც „გარედან წაქეზებული“. ამასთან, მთავრობამ ოფიციალურ განცხადებაში ფუენტესი დაადანაშაულა, რომ ის შეკრულია ვენესუელის პრეზიდენტ უგო ჩავესთან და ბოლივიის პრეზიდენტ ევო მორალესთან.