მაიკლ სინკო
| მაიკლ სინკო | |
|---|---|
| საქმიანობა | მოდის დიზაინერი |
| დაბ. თარიღი | 27 აგვისტო, 1971 (52 წლის) |
| საცხოვრებელი |
დუბაი,  არაბთა გაერთიანებული საამიროები |
| ეროვნება | ფილიპინელი |
| www.michaelcinco.com | |
მაიკლ სინკო (დ. 7 აგვისტო, 1971, სამარის კუნძული, ფილიპინები) — ფილიპინელი მოდის დიზაინერი. 2003 წლიდან დაიწყო დუბაიში ტანსაცმლის საკუთარი ბრენდის გამოშვება . [1]
ადრეული წლები და განათლება[რედაქტირება | წყაროს რედაქტირება]
სინკო დაიბადა 1971 წლის 27 აგვისტოს ფილიპინების ცენტრალურ ნაწილში, კუნძულ სამარზე. პროვინციულმა აღზრდამ მდიდარი ფანტაზიის უნარით დააჯილდოვა. როგორც მოგვიანებით აღნიშნა, წარმოსახვებში მარლენ დიტრიხის, გრეის კელის, ჯოან კროუფორდისა და ოდრი ჰეპბერნის ზღაპრულ კინოგმირებს ხშირად ხედავდა საკუთარ დიზაინით შექმნილ სამოსში. [2]
მაიკლ სინკო ორი წლის განმავლობაში სწავლობდა სახვით ხელოვნებას ფილიპინების პრესტიჟულ დილიმანის უნივერსიტეტში. შემდეგ გადავიდა მანილას მოდის და ხელოვნების სკოლაში (Slims Fashion and Arts School).მოგვიანებით დამატებითი კურსები გაიარა ლონდონის სანტ მარტინის ცენტრალურ კოლეჯი.
კარიერა[რედაქტირება | წყაროს რედაქტირება]
1997 წელს მაიკლ სინკო დუბაიში გადავიდა და საბოლოოდ დააარსა საკუთარი მოდის ხაზი 2003 წელს. ”ახლო აღმოსავლეთში გადასვლა ჩემთვის დიდი ნახტომი იყო, რეგიონი მოდის სამოთხეა”, - იხსენებს ის. ”დუბაიში ჩემს პირველ სამსახურში ხელახლა შევქმენი ოდნავ დაბალანსებული მოდის სახლის იმიჯი და მოვახერხე მოდაში ახალი ნიუანსების შეტანა. ახლა სასიამოვნოა იმის ცოდნა, რომ დუბაის ელიტარული მოდის მიმდევრებმა საბოლოოდ აღიარეს ჩემი დიზაინით გატაცება."
2002 წელს მაიკლი პარიზში, შემდეგ ლონდონში გაემგზავრა, სადაც სწავლობდა ხელოვნებისა და დიზაინის ცენტრალურ კოლეჯში, სენ-მარტინში. შემდეგ წელს ის დაბრუნდა დუბაიში და დააარსა მაიკლ სინკოს ბრენდი.
დიზაინერი რეგულარულად იღებს შთაგონებას არქიტექტურული მახასიათებლებისგან. 2017 წლის მაღალი მოდის ტანსაცმლის კოლექციაში მან თავისი შემოდგომა - ზამთრის ჩვენებები მიუძღვნა ვერსალის სასახლეს, კოლექციაში ბაროკოს პანელების და დეკორატიულად მოხატული ჭერების დეტალების შეტანით.
მიკლ სინკოს საქორწილო მოდის მეფეს უწოდებენ. დიზაინერის კოლექციები გამოირჩევა ნაქარგების სიუხვით და ქალის სილამაზის უჩვეულო გამოსახვით. ის თავის შემოქმედებაში შესანიშნავად აერთიანებს აზიურ და ევროპულ სტილებს. თავად მაიკლი შთაგონებულია ოდრი ჰეპბერნით, ხოლო მისი საყვარელი დიზაინერები, კოკო შანელი და ჯონ გალიანო არიან.
ცნობილი კლიენტები[რედაქტირება | წყაროს რედაქტირება]
მაიკლ სინკოს ბრენდის მომხმარებლები არიან ისეთი ცნობილი ცნობილი ადამიანები, როგორებიც არიან ბიონსე, რიანა, ლედი გაგა, კერი ანდერვუდი, კაილი მინუოგი, ბრიტნი სპირსი, კრისტინა აგილერა, ელი გოლდინგი, ნიკოლ შერზინგერი, აიშვარია რაი, ფერგი ფერგუსონი, დიტა ვონ ტიზი, ბრენდი, ნორვუდი, ნაომი კემპბელი და სხვა.
ჯენიფერ ლოპესი ხშირად ატარებს მაიკლ სინკოს კაბებს,სცენური გამოსვლებით დაწყებული წითელი ხალიჩის წარმოდგენებით დამთავრებული.[3]
სოფია ვერგარას მაიკლ სინკოს შავი კაბა ეცვა 2013 წლის ოქროს გლობუსის დაჯილდოების ცერემონიალზე. იმავე წელს, პალომა ფეიტმა ჩაიცვა მაიკლ სინკოს კაბა ნიუ იორკის Met Gala- ზე დასწრების დროს.
მაიკლ სინკოს დიზაინით შექმნილი სამოსი ეცვათ fellow Filipino-ს და მის სამყაროს კონკურსის 2015 წლის გამარჯვებულ პია რომეროს. 2017 წლის მის სამყაროს კონკურსის გამარჯვებულს ირის მიტენარს.
ბოლივუდის სუპერვარსკვლავს აიშვარია რაის 2017 წელს კანის კინოფესტივალზე, მაიკლ სინკოს დიზაინით შექმნილი ლურჯი კაბა ეცვა. ვარსკვლავის ფოტო სწრაფად გავრცელდა სოციალურ ქსელებში, განსაკუთრებული პოპულარობა ინდური სოციალური ქსელების მომხმარებელთა შორის მოიპოვა, რომლებმაც მას "კონკიას კაბს" უწოდეს.
სინკომ შექმნა საქორწილო კაბა ავსტრიელი მომღერლისა და სვაროვსკის იმპერიის მემკვიდრის ვიქტორია სვაროვსკისთვის, როდესაც იგი 2017 წლის ივნისში იტალიაში ვერნერ მურცზე დაქორწინდა 1 მილიონ დოლარზე მეტი ღირებულების და 46 კილოგრამი წონის კაბას ამშვენებს რვამეტრიანი შლეიფი, რომელიც გაფორმებულია სვაროვსკის ოჯახის 500 000 კრისტალით. პატარძალს ქორწილში მაიკლ სინკოს ბრენდის კიდევ ერთი წითელი ფერის კაბა ეცვა. [4]
2018 წლის კანის კინოფესტივალზე, ბოლივუდის სუპერვარსკვლავი აიშვარია რაი წითელ ხალიჩაზე კვლავ ცნობილი დიზაინერის კაბით წარსდგა თაყვანისმცემელთა წინაშე.
მაიკლ სინკოს ვერცხლისფერი კაბა მოირგო 2018 წლის მის სამყარომ-მანუშ ჩილარმა, როდესაც 2018 წლის 19 ივნისს Femina Miss India 2018-ის ფინალში,საკუთარ თანამემამულეს გამარჯვებულის გვირგვინი გადასცა.
სქოლიო[რედაქტირება | წყაროს რედაქტირება]
- ↑ "Michael Cinco: From Samar to Dubai to Hollywood". Golden Globes.
- ↑ "Michael Cinco shares biggest lesson in fashion". ABS-CBN.
- ↑ Caole, Alixandra (2016-07-18). "JLo wears stunning Michael Cinco couture with 20-ft cape | Fashion and Beauty, Lifestyle Features, The Philippine Star". philstar.com. Retrieved 2017-06-23.
- ↑ Rushforth, Samantha Hamilton (2017-06-21). "Victoria Swarovski Weds In Michael Cinco Gown". Harpersbazaararabia.com. Retrieved 2017-06-23.