ლუქსორი

ქალაქი ლუქსორი الأقصر ლუქსორის ტაძარი ქვეყანა ეგვიპტეეგვიპტე კოორდ. 25.683333,32.6525°41′00″ ჩ. გ. 32°39′00″ ა. გ. ფართობი 416 კმ² კმ² მოსახლეობა 376,022 კაცი (2008) დროის სარტყელი UTC+2,ზაფხულშიUTC+3

ლუქსორი (არაბ.: الأقصر ) — ქალაქი ზემო (სამხრეთ) ეგვიპტეში. ტაძრების ნანგრევების კომპლექსით კარნაკთან, ლუქსორის ტაძრითა და მონუმენტებით, ასევე ნილოსის დასავლეთ სანაპიროს სამეფო სამარხებით (მეფეთა და დედოფალთა ხეობების ჩათვლით), მას ხშირად მსოფლიოს უდიდეს ღია ცის ქვეშ მუზეუმს უწოდებენ.

ლუქსორი საუკეთესო ბაზაა ზემო ეგვიპტის ტურებისთვის და პოპულარული მისამართია დამსვენებლებისთვის, როგორც თავად ქალაქი, ასევე ნილოსის კრუიზების საწყისი ან საბოლოო წერტილი. ეს არის ასევე იტორიული ქალაქი თებეს ადგილსამყოფელი. ქალაქის მოსახლეობა ამჟამად დაახ. 200.000-ია.

ოთხი ათასი წლის ქალაქი

იმჟამად ცნობილი, როგორც ვასეტი, ძვ. ეგვიპტელებისთვის ძვ.წ. მე-2, 1-ელ ათასწლეულებში უბრწყინვალესი ქალაქი იყო. მისი მნახველებისთვის ის იმ დროისთვის ცნობილი სამყაროს ცენტრი იყო. სასახლეთა უბანი, დება - სახელი, რომელიც ბერძნებმა თებაი-დ, შემდგომში კი თებედ გადააკეთეს - განუმეორებელი ფუფუნების, იმპერიული ავტორიტეტის, განათლებისა და სიბრძნის, რელიგიისა და პოლიტიკური ძალაუფლების, ხელოვნებისა და გრანდიოზული გეგმების ეპიცენტრი იყო.

თებემ პოლიტიკური ძალაუფლების კულმინაციას ძვ.წ. მე-2 ათასწლეულის შუა საუკუნეებში მიაღწია და მისი ექსტრავაგანტული სიმდიდრე ახალი სამეფოს ფარაონების მიერ იყო მოპოვებული შესაძლოა მათ მიერ განოხორციელებული ექსპედიციების შედეგად სამხრეთის კუშის უკიდეგანო მიწებზე (დღევანდელი ჩრდ. სუდანი) და ჩრდილოეთით ქანაანში, ფინიკიასა და სირიაში. თუტმოს III პირველი ფარაონი იყო, რომელმაც იმ დროს შორეულ ევფრატს მიაღწია მესოპოტამიაში.

იმჟამად მსოფლიოს არც ერთ სხვა ქალაქს არ ძალუძდა შედრებოდა ვასეტს სამხედრო ძლიერებითა და სილამაზით. ძველი ქალაქის სასახლეებისა და საცხოვრებელი უბნების ძირითადი ნაწილის გათხრები ჯერაც არაა სათანადოდ წარმოებული, თუმცა ყველაფერი მიუთითებს იმაზე, რომ ვირწმუნოთ ამ ქალაქის სიმშვენიერეზე დღემდე მოღწეული ძველ ეგვიპტური ნახატებით, რომელიც ნილოსის ამ სამოთხის სახლებს, ბაღებს, მინდვრებს, სასახლეებსა და ნადიმებს ასახავს.

ღირსშესანიშნაობანი

• აღმოსავლეთ სანაპირო
  • ლუქსორის ტაძარი
  • კარნაკის ტაძარი
  • ლუქსორის მუზეუმი
  • მუმიფიკაციის მუზეუმი
  • სასტუმრო ზამთრის სასახლე (ლუქსორი)l

• დასავლეთ სანაპირო
  • მეფეთა ველი
  • დედოფალთა ველი
  • მედინეთ ჰაბუ (რამზეს III-ის მემორიალური ტაძარი)
  • რამესეუმი (რამზეს II-ის მემორიალური ტაძარი)
  • დეირ ალ-მედინა (მუშათა სოფელი)
  • დიდგვაროვანთა სამარხები
  • დეირ ელ-ბაჰრი (ჰაცეფსუთის ტაძარი)
  • მალკატა (ამენოფის III-ის სასახლე)
  • მემნონის კოლოსი (ამენოფის III-ის ტაძარი)

კლიმატი

წლიური ამინდი — Luxor
თვე	იან	თებ	მარ	აპრ	მაი	ივნ	ივლ	აგვ	სექ	ოქტ	ნოე	დეკ	წელი
საშუალო მაღალი °C (°F)	23.0 (73)	25.4 (78)	27.4 (81)	35.0 (95)	39.2 (103)	41.4 (107)	41.1 (106)	40.4 (105)	38.8 (102)	35.3 (96)	28.9 (84)	24.4 (76)	33.4 (92)
საშუალო დაბალი °C (°F)	5.4 (42)	7.1 (45)	10.4 (51)	16.0 (61)	20.2 (68)	22.6 (73)	23.6 (74)	23.2 (74)	21.3 (70)	17.3 (63)	11.6 (53)	7.1 (45)	15.5 (60)
ნალექი მმ (დიუმი)	0 (0)	0 (0)	0 (0)	0 (0)	0 (0)	0 (0)	0 (0)	0 (0)	0 (0)	1 (0)	0 (0)	0 (0)	1 (0)
წყარო: Climate Charts 2009-09-11

დაძმობილებული ქალაქები

• კაზანლიკი, ბულგარეთი
• ბალტიმორი, მერილენდი, აშშ

ფოტო გალერია

• 

  ლუქსორი

• 

  ლუქსორის ქუჩა

• 

  ფარაონის ქანდაკება ლუქსორის მუზეუმში.

• 

  ლუქსორის პანორამა

ინტერნეტ რესურსები

ვიკისაწყობში^? არის გვერდი თემაზე:

ლუქსორი

• Theban Mapping Project: website devoted to the Valley of the Kings and other sites in the Theban Necropolis
• Luxor World Heritage Site in panographies - 360 degree interactive imaging