ლუის ბუნიუელი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ლუის ბუნიუელი
Luis Buñuel
Luis Buñuel.JPG
დაბ. სახელი Luis Buñuel Portolés
დაბ. ადგილი კალანდა, არაგონი, ესპანეთი
დაბ. თარიღი 22 თებერვალი, 1900
გარდ. თარიღი 29 ივლისი, 1983
მეხიკო, მექსიკა
საქმიანობა კინორეჟისორი, სცენარისტი
წლები 1929-1977
მეუღლე(ები) ჟანა ბუნიუელი (1925-1983)
სხვა ჯილდოები
კანის კინოფესტივალის ჯილდო საუკეთესო რეჟისორი

1951 — დავიწყებულები
ოქროს პალმის რტო

1961 — ვირიდიანა

ლუის ბუნიუელი (ესპ. Luis Buñuel; დ. 22 თებერვალი, 1900 — გ. 29 ივლისი, 1983) — ესპანელი კინორეჟისორი, მოღვაწეობდა ესპანეთში, მექსიკასა და საფრანგეთში. ბუნიუელი სიურრეალისტი კინორეჟისორი იყო. მისი ცნობილი სცენები და ფილმები სიურრეალისტურიაა, მას უფრო დიდხანს და მეტად სჯეროდა სიურრეალიზმისა ვიდრე სხვა სიურრეალისტებს.

ბიოგრაფია[რედაქტირება]

დაიბადა არაგონის ქალაქ კალანდაში (ტერუელის პროვინცია). 1907-1915 წლებში სწავლობდა იეზუიტურ კოლეჯში სარაგოსაში, 1917 წელს კი მადრიდის უნივერსიტეტში, სადაც დაუმეგობრდა სალვადორ დალისა და ფედერიკო გარსია ლორკას.

1924-1927 წლებში პარიზში იღებდა მონაწილეობას "ავანგარდულ" მოძრაობაში, მუშაობდა რეჟისორ ჟან ეპშტეინის ასისტენტად. 1934 წელს იგი დაქორწინდა ჟანა რაკარზე, პარიზში და მათი ქორწინება ბუნუელის ცხოვრების განმავლობაში გრძელდებოდა. ბუნუელს მასთან შეეძინა შვილები: კინოპროდიუსერი რაფაელ ბუნუელი და ხუან ლუის ბუნუელი. 1939 წელს გადავიდა იქნა აშშ-ში, იყო მემონტაჟე ჰოლივუდში, თანამედროვე ხელოვნების მუზეუმის კინოგანყოფილების თანამშრომელი ნიუ-იორკში.

1946 წელს გადავიდა მექსიკაში, სადაც გაიცნო პროდიუსერი ოსკარ დანსიჟე. მასთან ერთად გადაიღო ფილმი „დიდი კაზინო". სამი წლის შემდეგ იგი იღებს მექსიკურ მოქალაქეობას. ბუნუელის მექსიკური პერიოდის ბოლო ფილმი იყო „სიმეონ მეუდაბნოე".

საფრანგეთში გადასვლის შემდეგ ბუნუელი იწყებს თანამშრომლობას პროდიუსერ სერჟ ზილბერმანთან. საფრანგეთში მუშაობის პერიოდში მან შექმნა მისი ყველაზე ცნობილი სიურრეალისტური სურათები: „ბურჟუაზიის მოკრძალებული ხიბლი", „თავისუფლების ფანტომი" და „ეს ბუნდოვანი სურვილის ობიექტი".

1977 წელს მან გადაწყვიტა დაეწერა ავტობიოგრაფია, რომელიც მოიცავს ბუნუელის საინტერესო ცხოვრებას, მეგობრებსა და მის ოჯახს. ბუნუელის ყველაზე ცნობილ გამონათქვამად ითვლება 1960 წელს მიშელ მანცეაუხთან ინტერვიუში ნათქვამი: „მე კვლავ მადლობელი ვარ ღმერთის, ათეისტის“. გარდაიცვალა მეხიკოში 1983 წელს.

ლუის ბუნიუელის ბიუსტი

რჩეული ფილმოგრაფია[რედაქტირება]

რესურსები ინტერნეტში[რედაქტირება]