კარუპანო

კარუპანო
	კარუპანოს სანტა როსა დე ლიმას ეკლესია
დროშა	გერბი
ქვეყანა	ვენესუელა
შტატი	სუკრე
კოორდ.	10°40′00″ ჩ. გ. 63°15′00″ დ. გ. /
ფართობი	203 კმ²
მოსახლეობა	173 877 კაცი (2010)
სიმჭიდროვე	856 კაცი/კმ²

კარუპანო (ესპ. Carúpano) — ქალაქი აღმოსავლეთ ვენესუელაში, სუკრეს შტატში. მდებარეობს კარიბის ზღვის სანაპიროზე, შტატის დედაქალაქ კუმანადან 120 კმ-ით აღმოსავლეთით.^[1] წარმოადგენს ბერმუდესის მუნიციპალიტეტის ცენტრს, რომლის მოსახლეობაც 2010 წლის მონაცემებით 173 877 ადამიანს შეადგენს.^[2]

ვენესულის განმათავისუფლებელმა, სიმონ ბოლივარმა 1814 წელს სწორედ კარუპანოში გამოსცა დეკრეტი მონობის გაუქმების თაობაზე.^[3]

XIX საუკუნის განმავლობაში კარუპანო იყო ევროპული მიგრაციის სამიზნე, ძირითადად სიცილიიდან და სარდინიიდან.

1962 წლის 4 მაისს, ქალაქი აიღეს რომულო ბეტანკურის მთავრობის წინააღმდეგ აჯანყებულმა სამხედრო ოფიცრებმა.

კოლონიური პერიოდიდან მოყოლებული, ქალაქის მთავარი საექსპორტო პროდუქტებია კაკაო, ყავა, შაქარი, ბამბა, ხე-ტყე და სპირტიანი სასმელები.

1997 წელს მომხდარმა მიწისძვრამ ქალაქი სერიოზულად დააზიანა, ისევე როგორც მთლიანად შტატის უდიდესი ნაწილი.^[4]^[5]

[რედაქტირება] იხილეთ აგრეთვე