ალბანეთის ხელოვნების უნივერსიტეტი

ალბანეთის ხელოვნების უნივერსიტეტი
	Universiteti i Arteve
	ლათ. Art Academiae
დაფუძნდა	1966
ტიპი	საჯარო
თანამშრომელი	64
რექტორი	კაშტრიოტ ჩაუში
პრორექტორი	ერალდ ბაკალი
სტუდენტი	დაახლოებით 1 200
ქალაქი	ტირანა
ქვეყანა	ალბანეთი
კამპუსი	საქალაქო
ფერები	წითელი და შავი
კავშირები	ალბანეთის ეროვნული თეატრი, ; ალბანეთის ეროვნული ოპერა, ; ალბანეთის სახვითი ხელოვნების გალერეა, ; ხელოვნების ინსტიტუტების ევროპული ლიგა, ; კონსერვატორიების ევროპული ასოციაცია
	uart.edu.al

ალბანეთის ხელოვნების უნივერსიტეტი^[2] (ალბ. Universiteti i Arteve; ძველი სახელწოდება — ალბანეთის ხელოვნების აკადემია) — ხელოვნების განხრით მთავარი საგანმანათლებლო დაწესებულება ტირანაში, ალბანეთი.

ისტორია[რედაქტირება | წყაროს რედაქტირება]

ალბანეთის ხელოვნების უნივერსიტეტი დაარსდა 1966 წელს, როგორც ხელოვნების საშუალო ინსტიტუტი და გაერთიანდა ხელოვნების სამ დაწესებულებასთან: ტირანას სახელმწიფო კონსერვატორია, სახვითი ხელოვნების საშუალო სკოლა და სამსახიობო სკოლა „Aleksდაer Moisiu“. ხელოვნების აკადემიას შეეძლო კლასიკურ მუსიკასა და ბალეტში რუსული ტრადიციით სარგებლობა, ვინაიდან, კომუნიზმის პერიოდში, ალბანეთს და რუსეთს ახლო ურთიერთობა აკავშირებდათ. უნივერსიტეტი კვლავ ინარჩუნებს კავშირს რუსეთის კლასიკური მუსიკის და ბალეტის სკოლასთან. 1991 წელს, ხელოვნების საშუალო ინსტიტუტს, უნივერსიტეტის სტატუსი მიენიჭა და ხელოვნების აკადემია ეწოდა. 2009 წლის 12 ოქტომბერს, ალბანეთის პრეზიდენტმა — ბამირ ტოპმა, ალბანეთის ხელოვნების აკადემია „დიდი მაგისტრის“ ორდენით დააჯილდოვა^[3].

2011 წლის 23 მარტს, ალბანეთის მინისტრთა საბჭოს გადაწყვეტილებით, ხელოვნების აკადემიას, ალბანეთის ხელოვნების უნივერსიტეტი ეწოდა, რომელმაც საქმიანობა 2011/2012 სასწავლო წელს დაიწყო.

საქმიანობა[რედაქტირება | წყაროს რედაქტირება]

ალბანეთის ხელოვნების უნივერსიტეტს, სამი ძირითადი ფაკულტეტი აქვს:

მუსიკის ფაკულტეტი. მოიცავს მუსიკათმცოდნეობას, დირიჟორობას, კომპოზიციას, ფორტეპიანოს, ვიოლინოს, ალტს, ჩელოს, კონტრაბასს, გიტარას, ფლეიტას, ჰობოის, კლარნეტს, ტრომბონს, საყვირს, აკორდეონს, ფაგოტს, ბუკს, ტუბას და პედაგოგიკას. აქვს ორი აკადემიური განყოფილება:
- მუსიკათმცოდნეობის/ კომპოზიციის/ სადირიჟორო განყოფილება
- საშემსრულებლო განყოფილება
ვიზუალური ხელოვნების ფაკულტეტი. მოიცავს ფერწერას, გრაფიკას, ტექსტილს და მოდის დიზაინს, მულტიმედიას, გამოყენებით დიზაინს, სკულპტურას და კერამიკულ ხელოვნებას. აქვს ორი განყოფილება:
- ფერწერის განყოფილება
- სკულპტურის განყოფილება
დრამის ფაკულტეტი. მოიცავს რეჟისურას ფილმებსა და ტელევიზიებში, მსახიობობას, სასცენო დიზაინს, კოსტიუმოგრაფიას და ქორეოგრაფიას. აქვს ორი განყოფილება:
- სამსახიობო განყოფილება
- რეჟისურის/ სცენის/ დიზაინის/ ქორეოგრაფიის/ ხელოვნების თეორიის განყოფილება

უნივერსიტეტის კურსდამთავრებულები, ცნობილნი გახდნენ ცეკვაში, მუსიკაში, თეატრში, ფილმებსა და ტელევიზიაში, როგორც ალბანეთში, ისე საზღვარგარეთ. სასწავლო პერსონალი და უნივერსიტეტის პარტნიორები, მუსიკათმცოდნეები, ინსტრუმენტებზე დამკვრელები, მხატვრები, მოქანდაკეები, თეატრის, კინოს და ტელევიზიის რეჟისორები, სასცენო დიზაინერები და ქორეოგრაფები არიან.

დირექტორები/რექტორები[რედაქტირება | წყაროს რედაქტირება]

ალბანეთის ხელოვნების უნივერსიტეტს, დაარსებიდან 1991 წლამდე, დირექტორები ხელმძღვანელობდნენ. 1997 წლიდან დღემდე, დირექტრის ფუნქციას რექტორები ასრულებენ.

ხელოვნების უნივერსიტეტის დირექტორები/რექტორები
1966 –1969	ვილსონ კილიცა (1932 – ), მხატვარი, (ხელოვნების საშუალო ინსტიტუტის დირექტორი)
1969 –1973	თეფიკ ჩაუში (-), მწერალი, (ხელოვნების საშუალო ინსტიტუტის დირექტორი)
1973 –1978	ლილი ჟამო (-), (ხელოვნების საშუალო ინსტიტუტის დირექტორი)
1978 –1981	იბრაჰიმ მადჰი (-), ვიოლინოს პროფესორი, (ხელოვნების საშუალო ინსტიტუტის დირექტორი)
1981 –1988	კრისტო ჯორგი (-), კინო-რეჟისორი, (ხელოვნების საშუალო ინსტიტუტის დირექტორი)
1988 –1991	იაკუფ მატო (1934 –2005), (ხელოვნების საშუალო ინსტიტუტის დირექტორი)
1991 –1992	ფატმირ ჰისი (-), მუსიკოსი, (ხელოვნების აკადემიის დირექტორი)
1992 –1995	ბუიარ კაპეჰიუ (1944 – ), კინო-რეჟისორი და მსახიობი (ხელოვნების აკადემიის დირექტორი)
1995 –1997	გიერგ ჟეი (1926 –2010), მწერალი, (ხელოვნების აკადემიის დირექტორი)
1997 –2008	კაშტროიტ ჩაუში (1954 – ), მსახიობი, დრამის პროფესორი (ხელოვნების აკადემიის რექტორი)
2008 –2016	პეტრიტ მალაი (1961 – ), მსახიობი, დრამის პროფესორი (ხელოვნების აკადემიის რექტორი, ხელოვნების უნივერსიტეტის რექტორი)
2016 –	კაშტროიტ ჩაუში (1954 – ), მსახიობი, დრამის პროფესორი (ხელოვნების უნივერსიტეტის რექტორი)