ჯაყისწყალი

ჯაყისწყალი თურქ. Derindere çay
ქვეყანა	საქართველო  თურქეთი
ტერიტორიული ერთეულები	სამცხე-ჯავახეთის მხარე არტაანის პროვინცია
სათავე	ერუშეთის მთიანეთი 41°22′22″ ჩ. გ. 43°00′24″ ა. გ.
სათავის მდებარეობა	თურქეთი
სათავის სიმაღლე	2775 მ
შესართავი	ფოცხოვისწყალი 41°31′00″ ჩ. გ. 42°47′49″ ა. გ.
შესართავის მდებარეობა	საქართველო
სიგრძე	26 კმ
აუზის ფართობი	126 კმ²
მდინარის სისტემა	ფოცხოვისწყალი → მტკვარი → კასპიის ზღვა
წყლის ხარჯი (საშ.)	1,5 მ³/წმ
— სათავე, — შესართავი

ჯაყისწყალი (თურქ. Derindere çay) — მდინარე საქართველოში, ახალციხის მუნიციპალიტეტში. წარმოადგენს ფოცხოვისწყლის მარჯვენა შენაკადს. სათავე აქვს თურქეთში, არტაანის პროვინციის პოსოფის რაიონში, ერუშეთის მთიანეთის დასავლეთ ნაწილში, ზღვის დონიდან 2775 მ სიმაღლეზე. სიგრძე 26 კმ, აუზის ფართობი 126 კმ². საზრდოობს თოვლის, წვიმისა და მიწისქვეშა წყლით. წყალდიდობა იცის გაზაფხულზე, წყალმცირობა — ზამთარში. საშუალო წლიური ხარჯი 1,5 მ³/წმ.

ჯაყისწყლის მარჯვენა ნაპირზე მდებარეობდა შუა საუკუნეების ციხესიმაგრე ჯაყის ციხე. მდინარე ჯაყისწყალი განიხილება როგორც სასაზღვრო მდინარე საქართველოსა და თურქეთს შორის.

აღსნიშნავია, რომ ბუნებრივი პირობების ზემოქმედების შედეგად, ჯაყისწყალმა შეიცვალა კალაპოტი, რის შედეგადაც ორ მონაკვეთზე შეცვლილი კალაპოტის პირვანდელ მდგომარეობაში მოყვანის მიზნით მასზე სამუშაოები განხორციელდა. მდინარის ბუნებრივი კალაპოტის აღდგენა მოხდა 1973 წლის საზღვრის რედემარკაციის მასალების მიხედვით.