ქერუბიმი (ივრ. כְּרֻבִים, ხშირად გამოიყენება მრ. რ ქერუბიმები) — ბიბლიაში არაერთგზის მოხსენიებული ფრთოსანი არსება. ციურ სხეულთა შესახებ ბიბლიური წარმოდგენებით, უფალთან ყველაზე ახლომდგომნია. ქერუბიმებს ქრისტიანობაში მეორე ადგილი უკავიათ ანგელოზთა იერარქიაში სერაფიმების შემდეგ.
ბიბლიაში ქერუბიმი „ცეცხლოვანი ხმლით“ არის შეიარაღებული და სამოთხის კარს იცავს. ქერუბიმებს ვხვდებით თორაშიც (მოსეს ხუთწიგნეულში) ეზეკიელთან და ისაიასთან.
