ნანდუსებრნი

ნანდუსებრნი
დარვინის ნანდუ (Pterocnemia pennata)
მეცნიერული კლასიფიკაცია
სამეფო:  ცხოველები ტიპი:  ქორდიანები კლასი:  ფრინველები რიგი:  ნანდუსნაირნი ოჯახი:  ნანდუსებრნი
ლათინური სახელი
Rheidae (Bonaparte, 1853)
სისტემატიკა ვიკისახეობებში სურათები ვიკისაწყობში ITIS   174377 NCBI   8793 EOL   8666 FW   49734

ნანდუსებრნი (ლათ. Rheidae) — ფრინველთა ოჯახი ნანდუსნაირთა რიგისა. მოიცავს ერთი თანამედროვე გვარის ორ სახეობას, რომლებიც გავრცელებულნი არიან სამხრეთ ამერიკაში, კერძოდ არგენტინაში, ჩილეში, პარაგვაიში, ურუგვაიში, ბრაზილიასა და ბოლივიაში, მცირედ — პერუშიც. მათი სიმაღლე საშუალოდ 1,4–1,5 მ-მდე, ხოლო წონა 30–50 კგ-მდეა. ბინადრობენ როგორც დაბლობებზე, ასევე მაღალ მთაში, მათ შორის ანდებში. აღწევენ ზღვის დონიდან 4500 მ-მდე. ფორმით სირაქლემებს წააგვანან. პოლიგამები არიან. ცხოვრობენ ჯგუფებად, სადაც ერთი მამალი და 5–7 დედალია. დებენ 15–40 კვერცხს. იკვებებიან მცენარეებით, მათი ფესვებითა და ნაყოფით, თესლით, მწერებითა და მცირე ხერხემლიანებით.

გვარები

• Rhea — ნანდუ
• † Heterorhea
• † Hinasuri

ლიტერატურა

• Наумов С. П. Зоология позвоночных. — М.: Просвещение, 1982. — 464 с.
• Josep del Hoyo et al. Handbook of the Birds of the World, Band 1 (Ostrich to Ducks). Lynx Edicions, 1992. — ISBN 84-87334-10-5.