Merriweather Post Pavilion — ამერიკული ინდი როკ ჯგუფ Animal Collective-ის მერვე სტუდიური ალბომი, რომელიც გამოიცა 2009 წლის იანვარში. ალბომის სახელი აღებულია კოლუმბიაში, მერილენდში მდებარე საკონცერტო არენის სახელწოდებიდან. მისი ხანგრძლივობა თითქმის 55 წუთია და ჯგუფის ყველაზე ხანგრძლივი ალბომია სადებიუტო Spirit They're Gone, Spirit They've Vanished-ის შემდეგ. თავდაპირველად გეგმაში იყო ალბომის გამოსვლი შემდეგ Merriweather Post Pavilion-ზე კონცერტის გამართვა, თუმცა ეს იდეა არ განხორციელდა. ალბომი ჩაიწერა გიტრისტის, Deakin-ის გარეშე, რომელმაც პირადი მიზეზების გამო გადაწყვიტა შეესვენა ჯგუფისგან.
ალბომმა დადებითი გამოხმაურება მიიღო კრიტიკოსებისგან. Metacritic-ზე მისი საშუალო ქულა, 36 მიმოხილვაზე დაყრდნობით, იყო 89. მიუხედავად იმისა, რომ ალბომი იანვარში გამოვიდა, ის თავიდანვე დაასახელეს 2009 წლის ერთ-ერთ საუკეთესო ალბომად.
კრიტიკოსები წერდნენ, რომ ეს იყო Animal collective-ის ყველაზე ადვილად მოსასმენი ალბომი, მათ წინა უფრო ავანგარდულ ნამუშევრებთან შედარებით. Pitchfork Media-მ ალბომს მიანიჭა 9.6 ქულა 10-დან, მოგვიანებით კი დაასახელა 2009 წლის საუკეთესო ალბომად და ასევე შეიყვანა 2000-იანი წლების 200 საუკეთესო ალბომის სიაში მე-14 ადგილზე.[12] 2009 წლის საუკეთესო ალბომად Merriweather Post Pavilion ასევე დაასახელეს ჟურნალმა Clash[13], Spin Magazine-მა[14], Entertainment Weekly-მ[15] და KEXP-მა. Rolling Stone-ის სიაში ის 14-ე ადგილზე მოხვდა.[16]
ალბომის გარეკანზე გამოსახულია ოპტიკური ილუზია, რომელიც დაფუძნებულია იაპონელი ფსიქოლოგის აკიიოში კიტაიოკას ნაშრომებზე. მისი დათვალიერებისას ადამიანს ეჩვენება, თითქოს ნახატი ტალღისებურად მოძრაობს.