Slant Magazine

მასალა ვიკიპედიიდან — თავისუფალი ენციკლოპედია
Jump to navigation Jump to search
Slant Magazine
Slant Magazine - logo.png
საიტი slantmagazine.com
საიტის ტიპი ჟურნალი
რეგისტრაცია არა
ხელმისაწვდომი ენა ინგლისური
მფლობელი Slant Magazine LLC
შემქნელი ედ გონსალესი და სალ სინკმანი
გაეშვა 2001
ამჟამინდელი სტატუსი აქტიური

Slant Magazine — გასართობი თემატიკის ინგლისურენოვანი ელექტრონული ჟურნალი, რომელიც ბაზირებულია ნიუ-იორკში და აქვეყნებს ფილმების, თეატრალური დადგმების, ვიდეო თამაშების და მუსიკალური რელიზების მიმოხილვებს, ასევე ინტერვიუებს მათ შემქმნელებთან. საიტი აშუქებს სხვადასხვა კინოფესტივალებს, როგორიცაა „ნიუ-იორკის კინოფესტივალი“.

ისტორია[რედაქტირება | წყაროს რედაქტირება]

საიტი შეიქმნა 2001 წელს. 2010 წლის 21 იანვარს საიტმა განაახლა მუშაობა და საკუთარი თავი ჩართო გასართობ ბლოგში The House Next Door, რომელიც დააარსა The New York Times-ის და New York Press-ის ყოფილმა ავტორმა მეტ ზოლერ სეიტზმა (ინგლ. Matt Zoller Seitz) და რომელსაც მხარში უდგას ჟურნალ Time Out-ის კინოკრიტიკოსი კეიტ ულიხი (ინგლ. Keith Uhlich), რომელიც მუშაობას აგრძელებს ბლოგის რედაქტორად.

ჟურნალის მუსიკალური სექცია თავდაპირველად თითქმის მთლიანად კონცენტრირებული იყო პოპ-მუსიკაზე, მაგრამ თანდათან ინტერესი გაჩნდა ინდი-ორიენტირებულ მუსიკაზე, მათ შორის კანტრის სტილის მუსიკაზეც. ერაყის ომის დაწყების შემდეგ, ჟურნალის შინაარსი გახდა უფრო პოლიტიკურად ორიენტირებული, საიტზე გაჩნდა პოლიტიკური დანაყოფი, მაგრამ ყურადღების ცენტრში მაინც დარჩა გართობა[1].

Slant Magazine მასმედიაში[რედაქტირება | წყაროს რედაქტირება]

ო. ა. სკოტმა New York Times Magazine-დან Slant-ს უწოდა „ხშირად ეკლიანი და პოპ-კულტურის მიუკერძოვებელი ანალიზის საცავი“[2]. Slant-ის გამოხმაურებები ინტერნეტში და მასმედიის საშუალებებში ხშირად იყო განხილვის და დისკუსიების წყარო: ედ გონსალესის მიმოხილვამ კევინ გეიჯის ფილმზე ქაოსი გამოიწვია დისკუსია, როდესაც როჯერ ებერტმა ფილმის განხილვისას გონსალესს ციტირება გაუკეთა გაზეთში Chicago Sun-Times[3], The New York Press ციტირებას უკეთებს Slant-ის მეორე ავტორს, კეიტ ულიხს, მაიკლ ბეის ფილმ კუნძულის მიმოხილვაში[4], და გონსალესს, რომელიც რეგულარულად წერს კინოს სფეროს შესახებ The Village Voice-ში და რომელიც სულ ცოტა ხნის წინ შეაქო The Village Voice-ის ყოფილმა კრიტიკოსმა ნათან ლიმ მისი ყურადღებიანი პოლიტიკისათვის და პოპ-კულტურისათვის ცოცხალ და საინტერესო ფორმაში.

KillerStartups.com, ინტერნეტ-საზოგადოება, რომელიც მიმოიხილავს ვებ-საიტებს შემსრულებლებისათვისაც და ინვესტორებისთვისაც, Slant-ს უწოდებენ „ინტერნეტში ახალი ამბების, კომენტარების, ინდის სამყაროში აზრების და კამათის, პოპ-მუსიკის და მეინსტრიმის გართობის ერთ-ერთ ყველაზე უფრო გავლენიან წყაროდ“[5].

2010 წლის 21 იანვარს ჟურნალმა MovieMaker-მა Slant Magazine-ის კუთვნილ ბლოგ The House Next Door-ს უწოდა, „MovieMaker-ისათვის 50-დან ერთ-ერთი საუკეთესო ბლოგი“[6].

რეიტინგების სისტემა[რედაქტირება | წყაროს რედაქტირება]

Slant Magazine იყენებს რეიტინგების ორ სხვადასხვა სისტემას:

  • ფილმებისათვის და სატელევიზიო პროგრამებისათვის ოთხვარსკვლავიანი ტრადიციული სისტემა.
  • ალბომები, DVD და ვიდეოთამაშები ფასდება ხუთვარსკვლავიანი სისტემის დახმარებით.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Politics | The House Next Door. Slantmagazine.com. წაკითხვის თარიღი: 2016-12-27.
  2. The New York Times: "Say 'Brian De Palma.' Let the Fighting Start."
  3. Roger Ebert. “Chicago Sun-Times: "Chaos" Review“, Rogerebert.suntimes.com, 2005-08-11. წაკითხვის თარიღი: 2016-12-27. 
  4. New York Press: "Supersonic Strap-On" (November 17, 2006). დაარქივებულია ორიგინალიდან - 2006-11-17.
  5. SlantMagazine.com – Indie Entertainment And Arts. KillerStartups.com. წაკითხვის თარიღი: 2016-12-27.
  6. MovieMaker: "50 Best Blogs for Moviemakers" (January 27, 2010). დაარქივებულია ორიგინალიდან - 2010-01-27.