ჰებე (მითოლოგია)
სტატიის 
ჰებე (ძვ. ბერძნ. Ἥβη) —- მარადიული სიჭაბუკის ქალღმერთი, უჭკნობი სინორჩის განსახიერება, ზევსის და ჰერას მშვენიერი ასეული; განიმედეს წინამძღოლია, მასთან ერთად აწვდის ღმერთებს ახალგაზრდობის შემანარჩუნებელ ნექტარს და ამბროზიას. როდესაც ჰერაკლე ცად აამაღლეს ცოლად ჰებე მისცეს. ორი შვილი აჩუქა ზევსის შვილს: ალექსანდრე და ანიკეტე, რომელთაც არაფრით უსახელებიათ სახელით მდიდარი მამა. ამ ქორწინებას კი ჰომეროსიც ადასტურებს. ტროის ომში ჰებე ჰერას ეტლს აწყობს.
ჰებეს ტაძარში თუ შეასწრებდა, მონა თავისუფლებას იღებდა. ეს ძალა გაჰყვა ჰებეს რომშიც, სადაც მას იუვენტას ეძახდნენ. ჰებეს კულტით ცნობილი არიან ათენი, ფლეიუსი, (პელოპონესი) და სიკიონი, სადაც განიმედას და დიას უწოდებდნენ, ისევე რომი. ჰებე-იუვენტასი არა ოდენ უჭკნობი ძალის განსახიერებაა, არამედ უჭკნობი სახელმწიფოს დღეკეთილობისაც.
ხელოვნებაში[რედაქტირება]
- ხელოვნებაში ჰებეს იდეალია ანტონიო კანოვას მარმარილოს ქანდაკი. მშვენებით სრული ქალწული წელს ზემოთ შიშველია, ხელთ ოქროს ფიალა უჭირავს, მეორე ხელით ამბროსიით სავსე ჭურჭელი აუწევია და მსუბუქად ჩამოდის მაღლიდან ძირს.
