ჭიჭიკო ბეგალიშვილი

მასალა ვიკიპედიიდან — თავისუფალი ენციკლოპედია
Jump to navigation Jump to search
Confusion.svg არ უნდა აგვერიოს შემდეგ მნიშვნელობა(ებ)ში: ალექსანდრე ბეგალიშვილი.

ალექსანდრე (ჭიჭიკო) ბეგალიშვილი (დ. 2 ოქტომბერი, 1910 — გ. 1982) — ქართველი მსახიობი, საქართველოს დამსახურებული არტისტი (1965).

დაიბადა ქუთაისში 1910 წელს, დაამთავრა ქუთაისის მუშა-ახალგაზრდობის სკოლა 1928 წელს.

1928 წელს სწავლობდა ქუთაისის თეატრთან არსებულ თეატრალურ სტუდიაში. 1933 წელს ამავე თეატრის მსახიობი, ხოლო 1942 წელს მარჯანიშვილის სახელობის თეატრის მსახიობი. მის მიერ შესრულებული როლებიდან აღსანიშნავია: ამირანი, სერაფიონ ბრეგაძე (დ. კლდიაშვილის "უბედურება", "სამანიშვილის დედინაცვალი"); პაჭუტია (მ. გოგოლაშვილის "გულსუნდა"); თავადი გუბაზი (ვ. კანდელაკის "მაია წყნეთელი"); ხახული, ვატა (პ. კაკაბაძის "კოლმეურნის ქორწინება"), ვარლამ სარჯველაძე (რ. თაბუკაშვილის "რაიკომის მდივანი"); ყოჩაღი აშუღი (ლ. გოთუას "მეფე ერეკლე"), ხაფიჩია (პ. სამსონაძის "სალტე"); სოსანა (ავქ. ცაგარლის "რაც გინახავს, ვეღარ ნახავ"); სპირიდონ მცირიშვილი, გერვასი (შ. დადიანის "ნინოშვილის გურია", "ნაპერწკლიდან"); ტუხა, მუხრან ბატონი (ს. შანშიაშვილის "გიორგი სააკაძე"); ლუილაჟი (ნ. ზარხის "ჯოი სტრიტი"); რადისტი, მოცეკვავე (ე. ტოლერის "ჰოპლა, ჩვენ ვცოცხლობთ"), მეფე (ლოპე დე ვეგას "ცხვრის წყარო"). ივანე (ა. ოსტროვსკის "უმზითვო"), რაბინი (კ. გუცკოვის "ურიელ აკოსტა"), ბიონდელო (უ. შექსპირის "ჭირვეულის მორჯულება") და სხვა. 1959 წელს მუშაობდა კინოთეატრ "ოქტომბრის" დირექტორად.

რესურსები ინტერნეტში[რედაქტირება | წყაროს რედაქტირება]