ქონდარა არყი

ქონდარა არყი
	; საერთო ხედი
მეცნიერული კლასიფიკაცია
სამეფო:	მცენარეები
განყოფილება:	ყვავილოვანი მცენარეები
კლასი:	ორლებნიანები
რიგი:	წიფლისნაირნი
ოჯახი:	არყისებრნი
გვარი:	არყი
სახეობა:	ქონდარა არყი
ლათინური სახელი
	Betula nana L., 1753
სინონიმები
	Alnus nana (L.) Clairv., 1811; Chamaebetula nana (L.) Opiz, 1855; Betula nana var. genuina Regel, 1861, nom. inval.; Betula littelliana Tucker, 1843; Chamaebetula acutifolia Opiz, 1855;
დაცვის სტატუსი
	ყველაზე ნაკლები საფრთხის ქვეშ; IUCN 3.1 Least Concern : 194495
ITIS	19479
NCBI	216990
EOL	1149387
IPNI	301322-2
TPL	kew-21505

ქონდარა არყი^[1] (ლათ. Betula nana) — მცენარე არყისებრთა ოჯახისა. დაბალი, 20–70 სმ სიმაღლის ბუჩქია, იშვიათად აღწევს 1,5 მეტრს. ფოთლები მომრგვალო, მოკლეყუნწიანი, ბლაგვად დაკბილული, 2 სმ-მდე სიგანის და ტყავისებრია, ქვემო მხარეს ხშირი და ზოგჯერ გამოშვერილი ძარღვების ქსელით.^[2]

გავრცელებულია კანადის არქტიკულ არქიპელაგზე — ბაფინის მიწიდან აღმოსავლეთით, გრენლანდიაში, ისლანდიაში, შოტლანდიაში, ჩრდილოეთი ინგლისში, შპიცბერგენზე, სკანდინავიის ნახევარკუნძულზე, ბალტიის ზღვის რეგიონში, რუსეთის ევროპული ნაწილის ჩრდილოეთ და ცენტრალურ რაიონებში, დასავლეთ ციმბირში, აღმოსავლეთით აღწევს მდინარეების ენისეისა და ლენის წყალგამყოფამდე. ცენტალურ ევროპაში სამხრეთით ეშვება ჩრდილოეთ ალპებამდე და ვრცელდება ავსტრიიდან საფრანგეთამდე, აღწევს კარპატების მაღალმთიანეთშიც — პოლონეთიდან და ჩეხეთ-სლოვაკეთიდან სამხრეთით რუმინეთამდე.^[3] არქტიკულ და ცივ ოლქებში ქონდარა არყი ქმნის ფართო რაყებს. ტყის ზონაში იზრდება ჭაობებში.^[2]