ფანტასტიკური ოთხეული

მასალა ვიკიპედიიდან — თავისუფალი ენციკლოპედია
Jump to navigation Jump to search
ფანტასტიკური ოთხეული

„ფანტასტიკური ოთხეულის“ პრომო-გრაფიკა, #509 (მარტი 2004)
მაიკ ვიერინგო და კარლ კესელი
გამომცემელი Marvel Comics
პირველი გამოჩენა „ფანტასტიკური ოთხეული“ #1
შემქმნელი სტენ ლი (მწერალი)
ჯეკ კირბი (მხატვარი)
სიუჟეტური ინფორმაცია
ბაზა
წევრები

ფანტასტიკური ოთხეული (ინგლ. Fantastic Four) — გამოგონილი სუპერგმირული გუნდი Marvel Comics-ის მიერ გამოცემული ამერიკული კომიქსებიდან. იგი პირველად გამოჩნდა ამავე სახელწოდების კომიქსის პირველ ნომერში (ნოემბერი, 1961). ეს იყო მწერალ/თანასცენარისტ სტენ ლის და მხატვარ/თანასცენარისტ ჯეკ კირბის მიერ შექმნილი პირველი სუპერგმირული გუნდი.

გუნდში შედის ოთხი წევრი. ყოველი მათგანი ფლობს ზებუნებრივ ძალებს, რომლებიც მიღებული იქნა კოსმოსში დასხივების შემდეგ. ესენი არიან: მისტერ ფანტასტიკი (რიდ რიჩარდსი), გენიოსი მეცნიერი და გუნდის ლიდერი, რომელიც საკუთარ სხეულს საოცარ სიგრძეს და ფორმას ანიჭებს; უჩინარი ქალი (სიუზენ „სიუ“ შტორმი, რომელიც შემდგომში რიდის მეუღლე გახდა), რომელიც უხილავი ხდება და ავრცელებს ენერგიის უხილავ ველებს; ადამიანი ჩირაღდანი (ჯონი შტორმი), სიუს უმცროსი ძმა, რომელიც ქმნის ალს, მასში იმალება და დაფრინავს; საგანი (ბენ გრიმი), მათი ბუზღუნა, მაგრამ კეთილმოსურნე მეგობარი, კოლეჯის პერიოდში ცნობილი ფეხბურთელი და რიდის თანაკლასელი, ისევე, როგორც კარგი პილოტი, რომელიც მის ხორცში ქვის მსგავსი მასალის არსებობის გამო ფლობს დიდ სუპერგმირულ ძალას და შეუპოვრობას.

ჯგუფი, 1961 წელს წარდგენის შემდეგ, ჩამოყალიბდა, როგორც არაფუნქციონებადი, მაგრამ მოსიყვარული კოლექტივი. განსხვავებით იმ დროის კომიქსებში ტიპიური პერსონაჟებისგან, ცნობადობის მიზნით, მისი წევრები ანონიმურობას გაურბოდნენ. გუნდის მტრები არიან ბოროტი მონარქი დოქტორ დუმი, გალაქტუსი, ზღვის უფლისწული ნამორი, ვერცხლისფერი სერფერი და სკრალები

გუნდის შესახებ გადაღებულია რამდენიმე ანიმაციური ტელესერიალი და ოთხი მხატვრული ფილმი.

გუნდის წევრები[რედაქტირება | წყაროს რედაქტირება]

  • მისტერ ფანტასტიკი (რიდ რიჩარდსი): გუნდის ხელმძღვანელი. რეზინის მსგავსად შეუძლია განიცადოს დეფორმირება და გაიწელოს.
  • უჩინარი ქალი (სიუზი შტორმი): მაგნიტური ძალების მართვის უნარით. ამ ძალების გამოყენებით შეუძლია იფრინოს ან უჩინარი გახდეს, ხოლო საჭიროების შემთხვევაში მაგნიტური ძალით დაარტყას სამიზნეს.
  • ადამიანი ჩირაღდანი (ჯონი შტორმი): განსაკუთრებულ შემთხვევებში ცეცხლის ალში ეხვევა და შეუძლია იფრინოს დიდი სიჩქარით ან თავად წარმოქმნას ცეცხლის ალი და გამოუშვას იგი ხელებიდან.
  • საგანი (ბენ გრიმი): ყველა კოსმონავტმა საოცარი ძალა მიიღო, მაგრამ ბენ გრიმს საოცარ ძალასთან ერთად დიდი სიმახინჯეც ერგო – იგი ქვისსახიან ურჩხულად იქცა, რომელიც ასეთი დიდი ტრავმის შემდეგ თავის მეგობრებთან ერთად მაინც განაგრძობს ბრძოლას ბოროტების წინააღმდეგ.

რესურსები ინტერნეტში[რედაქტირება | წყაროს რედაქტირება]