უილიამ მორის დეივისი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
უილიამ მორის დეივისი
William Morris Davis.jpg
დაბ. თარიღი 12 თებერვალი 1850(1850-02-12)[1] [2] [3]
დაბ. ადგილი ფილადელფია[4]
გარდ. თარიღი 5 თებერვალი 1934(1934-02-05)[4] [1] [2] [3] (83 წელი)
გარდ. ადგილი პასადენა
მოქალაქეობა აშშ
სამეცნიერო სფერო გეოლოგია
მუშაობის ადგილი აშშ-ის გეოლოგიური სამსახური
ალმა-მატერი ჰარვარდის უნივერსიტეტი
ჯილდოები პენროუზის მედალი, შეელეს პრემია, ვეგას მედალი, სამეფო გეოგრაფიული საზოგადოების ოქროს მედალი, ჰეიდენის მემორიალური გეოლოგიური პრემია და კალუმის გეოგრაფიული მედალი

უილიამ მორის დეივისი (ინგლ. William Morris Davis; დ. 12 თებერვალი 1850, ფილადელფია — გ. 5 თებერვალი 1934, პასადენა) — ამერიკელი გეოგრაფი და გეოლოგი. გეომორფოლოგიის ერთ-ერთი ფუძემდებელი.

1870 წლიდან მუშაობა დაიწყო არგენტინის მეტეოროლოგიურ ობსერვატორიაში. 1879 წელს დაამთავრა ჰარვარდის უნივერსიტეტი. 1876 წლიდან მუშაობდა იმავე უნივერსიტეტში (1890 წლიდან პროფესორი). ამერიკის გეოგრაფთა ასოციაციის დამაარსებელი (1904) და ამერიკის გეოლოგიური საზოგადოების პრეზიდენტი (1911), მრავალი გეოლოგიური და გეოგრაფიული საზოგადოების, მ.შ. რუსეთის გეოგრაფიული საზოგადოების საპატიო წევრი.

1890-1915 წლებში მუშაობდა აშშ-ის გეოლოგიურ სამსახურში; ჩაატარა გეოლოგიური კვლევითი მუშაობა აშშ-ის სხვადასხვა რაიონსა და სამხრეთ ამერიკის და დასავლეთ ევროპის მრავალ ქვეყანაში. 1903 წელს იმოგზაურა თურქესტანის უდაბნოს რაიონებში. 1890 წელს შეიმუშავა მოძღვრება გეოგრაფიულ ციკლებზე. გამოყო: ნორმალური (მდინარეულ-ეროზიული), მყინვარული, კარსტული, უდაბნოსა და ზღვიური ციკლები. დეივისის შეხედულებამ გეოგრაფიულ ციკლთა შესახებ დიდი როლი ითამაშა გეომორფოლოგიის განვითარებაში. უილიამ მორის დეივისმა შექმნა გეომორფოლოგიური სკოლა და მრავალი ნაშრომი მიუძღვნა ფიზიკურ გეოგრაფიული სწავლების საკითხებს; შეიმუშავა ბლოკდიაგრამებითა და რელიეფის მოდელებით რელიეფის გამოსახვის ახალი ხერხები. ავტორია ტერმინისა პენეპლენი (1889).

თხზულებები[რედაქტირება | წყაროს რედაქტირება]

  • Physical geography, Boston — L., 1899;
  • A journey across Turkestan, Wash., 1905 (Pumpelly's Explorations in Turkestan); Grudzüge der Physiogeographie, 2 Aufl., Bd 1—2, Lpz., 1915—17 (совм. с G. Braun);
  • Die erklärende Beschreibung der Landformen deutsch bearb. von A. Rühl, 2 Aufl., Lpz., 1924.

რესურსები ინტერნეტში[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 data.bnf.fr: პლატფორმა ღია მონაცემები — 2011.
  2. 2.0 2.1 Comité des travaux historiques et scientifiques — 1834.
  3. 3.0 3.1 Encyclopædia Britannica
  4. 4.0 4.1 Дейвис Уильям Моррис // Большая советская энциклопедия: [в 30 т.] / под ред. А. М. Прохоров — 3-е изд. — Москва: Советская энциклопедия, 1969.