ამერიკის გეოგრაფთა ასოციაცია

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
ამერიკის გეოგრაფთა ასოციაცია
250პქპქ
აბრევიატურა AAG
შეიქმნა 1904 წელი
ტიპი ორგანიზაცია და სწავლული საზოგადოება
შტაბ-ბინა ვაშინგტონი, აშშ
წევრები 10 000
ქვეყანა აშშ
კავშირები American Council of Learned Societies და Consortium of Social Science Associations[1]
www.aag.org

ამერიკის გეოგრაფთა ასოციაცია (ინგლ. Association of American Geographers; AAG) — არაკომერციული და საგანმანათლებლო საზოგადოება, რომელიც დაარსდა 1904 წლის 29 დეკემბერს აშშ-ის ქალაქ ფილადელფიაში. შტაბ-ბინა მდებარეობს ქალაქ ვაშინგტონში.[2] 1903 წლის ივნისში ამერიკელი გეოგრაფი უილიამ მორის დეივისი ქალაქ სენტ-ლუისში გამოვიდა მოხსენებით აშშ-ის მეცნიერული გეოგრაფიის მდგომარეობის შესახებ, აგრეთვე გამოვიდა წინადადებით ამერიკელ გეოგრაფთა გაერთიანების შექმნის შესახებ.

1948 წელს ასოციაცია შეუერთდა ამერიკის პროფესიონალ გეოგრაფთა საზოგადოებას.[3] ამერიკის გეოგრაფთა ასოციაცია აერთიანებს გეოგრაფებს აშშ-იდან და სხვა ქვეყნებიდან. ამჟამად ასოციაცია მსოფლიოს 60 ქვეყნიდან აერთიანებს 10 ათასზე მეტ ადამიანს. წარმოადგენს ჩრდილოეთ ამერიკის ერთ-ერთ ყველაზე დიდ გეოგრაფიულ ასოციაციას.

ამერიკის გეოგრაფთა ასოციაციას აქვს 60-ზე მეტი სპეციალური ჯგუფი, რომლებიც წარმოადგენენ ასოციაციის წევრთა ნებაყოფლობით გაერთიანებას და რომლებიც იყოფენ ინტერესებს რეგიონებისა და თემატიკის მიხედვით, ესენია: კარტოგრაფია, კულტურული და პოლიტიკური ეკოლოგია, კულტურის გეოგრაფია, ეკონომიკური ეოგრაფია, პოლიტიკური გეოგრაფია და სხვა. ამერიკის გეოგრაფთა ასოციაცია გამოსცემს ჟურნალებს, მათ შორის: The Annals of the Association of American Geographers-სა (1911 წლიდან) და The Professional Geographer-ს (1949 წლიდან).

აგა-ის პრეზიდენტების სია[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]