ნუნუ მაჭავარიანი
| ნუნუ მაჭავარიანი | |
|---|---|
| დაბადების თარიღი |
27 თებერვალი, 1898 თბილისი |
| გარდაცვალების თარიღი | 18 ოქტომბერი, 1975 (77 წლის) |
| პროფესია | მსახიობი |
ნუნუ მაჭავარიანი (დ. 27 თებერვალი, 1898, თბილისი — 18 ოქტომბერი, 1975) — ქართველი მსახიობი. საქართველოს დამსახურებული არტისტი (1955).
ბიოგრაფია
[რედაქტირება | წყაროს რედაქტირება]დაიბადა 1898 წლის 27 თებერვალს თბილისში. სწავლობდა თბილისის წმინდა ნინოს სახელობის სასწავლებელში, რომელიც არ დაუმთავრებია. 1913–15 წლებში სწავლობდა თბილისის სამხატვრო სასწავლებელში. 1915 წელს სწავლა განაგრძო კიევის უნივერსიტეტის იურიდიულ ფაკულტეტზე, რომლის სრული კურსი არ დაუმთავრებია. 1917 წელს დაბრუნდა თბილისში და სწავლობდა ქართული დრამატული საზოგადოების დრამატულ კურსებზე. 1920, 1924 და 1926–29 წლებში მუშაობდა ქუთაისის თეატრში, 1921 წელს – დუშეთის დრამწრის, 1922 წელს – ჭიათურის მუშათა, 1923 წელს – ბათუმის, 1925 წელს – თბილისის მუშათა თეატრებში. 1929–31 წლებში რუსთაველის თეატრის მსახიობია, ხოლო 1931–36 წლებში – მარჯანიშვილის თეატრის. 1937–55 წლებში მოღვაწეობდა ხულოს, თელავის, ახალციხის და გორის თეატრებში. 1955 წლიდან სიცოცხლის ბოლომდე კი მოღვაწეობდა ცხინვალის თეატრის მსახიობად. გადაღებულია მხატვრულ ფილმებში. ძირითადად თამაშობდა სახასიათო ეპიზოდურ როლებს.
ფილმოგრაფია
[რედაქტირება | წყაროს რედაქტირება]- 1945 — ჭირვეული მეზობლები
- 1955 — მაგდანას ლურჯა (თებრო)
- 1959 — წარსული ზაფხული
- 1959 — დღე უკანასკნელი, დღე პირველი (ბებია)
- 1961 — ერთი ცის ქვეშ
- 1961 — კეთილი ადამიანები (მობინადრე)
- 1962 — არდადეგებზე
- 1963 — პალიასტომი (ეპიზოდი)
- 1964 — ჯარისკაცის მამა (ეპიზოდი)
- 1966 — შეხვედრა მთაში
- 1967 — ცისკრის ზარები (მგზავრი ავტობუსში)
- 1967 — ვიღაცას ავტობუსზე აგვიანდება
- 1968 — არაჩვეულებრივი გამოფენა (ნუნუ მასწავლებელი)
- 1970 — დიდოსტატის მარჯვენა
- 1971 — მოიტაცეს თამარ ქალი (ეპიზოდი)
- 1971 — მყუდრო სავანე (ეპიზოდი)
- 1972 — გაზაფხულის საღამო (ეპიზოდი)
- 1972 — მშვიდობით, ინესა! (ეპიზოდი)
ჯილდოები და აღიარება
[რედაქტირება | წყაროს რედაქტირება]რესურსები ინტერნეტში
[რედაქტირება | წყაროს რედაქტირება]- ნუნუ მაჭავარიანი — საქართველოს ბიოგრაფიული ლექსიკონი
- ნუნუ მაჭავარიანი — ეროვნული ფილმოგრაფია
- დასჯას გადარჩენილი მსახიობი