ნოდარ ჩაჩანიძე
| ნოდარ ჩაჩანიძე | |
|---|---|
| დაბადების თარიღი |
27 ოქტომბერი, 1929 ჭიათურა, საქართველოს სსრ, სსრკ |
| გარდაცვალების თარიღი | 1998 |
ნოდარ ჩაჩანიძე (დ. 27 ოქტომბერი, 1929, ჭიათურა — გ. 1998) — ქართველი თეატრისა და კინოს მსახიობი, საქართველოს სსრ-ის სახალხო არტისტი (1979), ჭიათურის საპატიო მოქალაქე.
ბიოგრაფია
[რედაქტირება | წყაროს რედაქტირება]1954 წელს დაამთავრა რუსთაველის სახელობის სახელმწიფო თეატრალური ინსტიტუტი. 1955-1957 წლებში იყო საქართველოს ფილარმონიის მსახიობი. 1957 წლიდან ა. წერეთლის სახელობის ჭიათურის სახელმწიფო დრამატული თეატრის მსახიობია. თეატრში შესრულებული აქვს სხვადასხვა ხასიათის როლები. მათ შორის გამოირჩევა: საბა (გ. ხუხაშვილის „ცხოვრება კაცისა“), ხარიტონი (პ. კაკაბაძის „კოლმეურნის ქორწინება“), კირილე, ოტია ქამუშაძე (დ. კლდიაშვილის „სამანიშვილის დედინაცვალი“, „ქამუშაძის გაჭირვება“), ჟამთაბერი (გ. ჯაფარიძის „ჟამთაბერის ასული“), გოროდნიჩი (გოგოლის „რევიზორი“), ნოდარი (ა. ბელიაშვილის „შვიდკაცა“), გიორგი (რ. თაბუკაშვილის „რაიკომის მდივანი“) და სხვა. გადაღებულია ფილმებში: „სამანიშვილის დედინაცვალი“ (კირილე), „ბათა ქექია“ (ბათა) და სხვა.
საქართველოს პრეზიდენტის 1997 წლის 13 ოქტომბრის №572 ბრძანებულებით, თეატრალური ხელოვნების განვითარების საქმეში შეტანილი დიდი წვლილისათვის, ნოდარ ჩაჩანიძე ღირსების მედლით დაჯილდოვდა.[1]
ნოდარ ჩაჩანიძე გარდაიცვალა 1998 წელს. 2000 წლის 27 ოქტომბერს, მისი დაბადების დღეს, ჭიათურის თეატრის წინ, სკვერში, მსახიობის თეთრ მარმარილოში გამოკვეთილი ბიუსტი დაიდგა მისი სახელისა და ღვაწლის უკვდავსაყოფად.
ფილმოგრაფია
[რედაქტირება | წყაროს რედაქტირება]- 1977 — „სამანიშვილის დედინაცვალი“ — კირილე (რეჟ. ელდარ შენგელაია)
- 1978 — „ბათა ქექია“ — ბათა (რეჟ. ლეილა გორდელაძე)
- 1981 — „გამოაღეთ ფანჯრები“ — (რეჟ. დევი აბაშიძე)
ჯილდოები და აღიარება
[რედაქტირება | წყაროს რედაქტირება]- 1967 — საქართველოს სსრ-ის დამსახურებული არტისტი
- 1979 — საქართველოს სსრ-ის სახალხო არტისტი[2]
- 1980 — საქართველოს თეატრალური საზოგადოების პრემია მამაკაცის როლის საუკეთესოდ შესრულებისათვის (საბა იაშვილის როლი სპექტაკლში „დაბრუნება“)
- 1997 — ღირსების მედალი
- 1997 — ჭიათურის საპატიო მოქალაქე
რესურსები ინტერნეტში
[რედაქტირება | წყაროს რედაქტირება]- ნოდარ ჩაჩანიძე — საქართველოს ბიოგრაფიული ლექსიკონი
- ნოდარ ჩაჩანიძე — ეროვნული ფილმოგრაფია
- ნოდარ ჩაჩანიძე — კინოფილმების ინტერნეტ მონაცემთა ბაზა (ინგლისური)
სქოლიო
[რედაქტირება | წყაროს რედაქტირება]- ↑ საქართველოს პრეზიდენტის ბრძანებულება №572. 1997 წლის 13 ოქტომბერი
- ↑ საქართველოს სსრ-ის უმაღლესი საბჭოს უწყებები. 1979. №11. გვ. 8
- დაბადებული 27 ოქტომბერი
- დაბადებული 1929
- გარდაცვლილი 1998
- ჭიათურის მუნიციპალიტეტში დაბადებულები
- საქართველოს სახელმწიფო თეატრალური ინსტიტუტის კურსდამთავრებულები
- ქართველი მსახიობები
- საქართველოს ღირსების მედლით დაჯილდოებულები
- საქართველოს სსრ-ის დამსახურებული არტისტები
- საქართველოს სსრ-ის სახალხო არტისტები
- ჭიათურის საპატიო მოქალაქეები