მითრიდატე I

მითრიდატე I
მიჰრდატი
იბერიის მეფე
მმართ. წლები:	30–35
შვილები:	მითრიდატე ფარსმან I

მითრიდატე I — ქართლის (იბერიის) მეფე (I ს. დასაწყისი – 30-იანი წლები). იხსენიებს რომაელი ისტორიკოსი დიონ კასიოსი 35 წელს სომხეთის სამეფო ტახტისთვის ატეხილ ბრძოლასთან დაკავშირებით. სომხეთის მეფის არტაშესის (18-34) გარდაცვალების შემდეგ რომაელები და პართიელები სომხეთში საკუთარი კანდიდატის გამეფებას ცდილობდნენ. რომის იმპერატორმა ტიბერიუსმა თავის მოკავშირეს, ქართლის მეფე მითრიდატე I-ს სთხოვა შეჭრილიყო სომხეთში და დაეკავებინა იგი. მითრიდატე I-მა დაიპყრო სომხეთი და რომაელთა ნებართვით იქ თავისი ვაჟი მითრიდატე გაამეფა.

მითრიდატე I-ის შესახებ ისტორიოგრაფიაში არსებობს რამდენიმე მოსაზრება:

1. დიონ კასიოსის მითრიდატე არის ლეონტი მროველის ადერკი (გ. მელიქიშვილი),
2. პ. ინგოროყვა წარმართი მეფეების სიაში მას საერთოდ არ იხსენიებს,
3. მითრიდატე არის ლეონტი მროველის მეფე ქართამი (ს. გორგაძე),
4. ადერკი, ქართამი და მითრიდატე სამი სხვადასხვა, ერთმანეთისგან დამოუკიდებელი პიროვნებაა, რომელთაგან პირველი მეფობდა ძვ. წ. II ს.-ის I ნახევარში, მეორე – ძვ. წ. II ს.-ის 60-იან წლებში, მესამე კი – ახ. წ. I ს.-ის 30-იან წლებში (გ. მელიქიშვილი).

ლიტერატურა

• მელიქიშვილი გ., ქართული საბჭოთა ენციკლოპედია, ტ. 6, თბ., 1983. — გვ. 683.
• მარიამ ლორთქიფანიძე, როინ მეტრეველი (2007). საქართველოს მეფეები. საქართველოს პარლამენტის ეროვნული ბიბლიოთეკა, წიგნსაცავის განყოფილება, K 281.358/3, თბილისი: გამომცემლობა „ნეკერი“, გვ. 24. ISBN 99928-58-36-2.