შინაარსზე გადასვლა

კორჩის ოლქი

მასალა ვიკიპედიიდან — თავისუფალი ენციკლოპედია
ოლქი
კორჩის ოლქი
დროშა გერბი

ქვეყანა ალბანეთის დროშა ალბანეთი
ადმ. ცენტრი კორჩა
შიდა დაყოფა დევოლის რაიონი, Kolonjë District, Korçë District და Pogradec District
კოორდინატები 40°35′00″ ჩ. გ. 20°40′00″ ა. გ. / 40.58333° ჩ. გ. 20.66667° ა. გ. / 40.58333; 20.66667
ფართობი 3711.0 კმ²
მოსახლეობა 220 357[1]
სასაათო სარტყელი UTC+1[1]
ოფიციალური საიტი http://www.korcaregion.com/
კორჩის ოლქი — ალბანეთი
კორჩის ოლქი

კორჩის ოლქი (ალბ. Qarku Korçë) — ოლქი ალბანეთის რესპუბლიკის სამხრეთ ნაწილში. ფართობით იგი პირველ ადგილს იკავებს ქვეყნის 12 ოლქს შორის, მოსახლეობის რაოდენობით კი მეშვიდეა. ჩრდილო-აღმოსავლეთით ესაზღვრება მაკედონია, სამხრეთ-აღმოსავლეთით საბერძნეთი, ჩრდილო-დასავლეთით ელბასანის, დასავლეთით ბერატის, სამხრეთ-დასავლეთით კი გიროკასტრის ოლქები. დაყოფილია ექვს მუნიციპალიტეტად: კორჩა, დევოლი, კოლონია, მალიკი, პოგრადეცი და პუსტეცი. მუნიციპალიტეტები საერთო ჯამში 37 ადმინისტრაციულ ერთეულს აერთიანებენ.[2]

გეოგრაფია[რედაქტირება | წყაროს რედაქტირება]

ოლქის ფართობი 3 711 კმ²-ია. მოიცავს სამხრეთ-აღმოსავლეთ ალბანეთს. ოლქის ისტორიული, ეკონომიკური და ადმინისტრაციული ცენტრია ქალაქი კორჩა. სიდიდით მეორე ქალაქია ოჰრიდის ტბაზე მდებარე პოგრადეცი. ოლქის მთელი ტერიტორია მთითაა დაფარული. უმაღლესი წერტილია გრამოსი, ზღვის დონიდან 2523 მ-ზე. კორჩაში სათავეს იღებს ცენტრალური და სამხრეთ ალბანეთის მნიშვნელოვანი მდინარეები: შკუმბინი, დევოლი და ოსუმი.

დაცული ტერიტორიები[რედაქტირება | წყაროს რედაქტირება]

ალბანეთის ტურიზმისა და გარემოს დაცვის სამინისტრო უამრავ ბუნებრივ ობიექტს და დაცულ ტერიტორიას იცავს კორჩის ოლქში.[3] ოჰრიდ-პრესპას ტერიტორიასთან ერთად, რომელიც 2014 წელს იუნესკომ ბიოსფერულ ნაკრძალად გამოაცხადა. მორავიის მთებში განლაგებული დრენოვა-სინიკას დაცული ტერიტორია (ყოფილი დრენოვას ეროვნული პარკი) და პრესპას ეროვნული პარკი ოლქის უდიდეს ბუნებრივ ღირსშესანიშნაობებს წარმოადგენს. მათ ალბანეთის დაცული ტერიტორების ეროვნული სააგენტო მფარველობს.

დემოგრაფია[რედაქტირება | წყაროს რედაქტირება]

2021 წლის მონაცემებით, კორჩის ოლქში ცხოვრობს 202 193 ადამიანი.[4] 2011 წლის ბოლო ეროვნული აღწერის მიხედვით, კორჩის ეთნიკურ ჯგუფებში შედიან ალბანელები, ბერძნები, მაკედონელები, მონტენეგროელები, სომხები, ბოშები, ეგვიპტელები. რაც შეეხება რელიგიას, ოლქში მცხოვრებთა უმრავლესობა მუსლიმია. არსებობს მართლმადიდებელ ქრისტიანთა მნიშვნელოვანი უმცირესობაც.

პოლიტიკა[რედაქტირება | წყაროს რედაქტირება]

კორჩის ოლქის საბჭო (ალბ. Këshilli i Qarkut) 71 წევრისგან შედგება.

2009-2013 წლებში ალბანეთის პარლამენტის 140 წევრიდან 12 კორჩის ოლქს წარმოადგენდა.

რელიგია კორჩის ოლქში (2011 წლის აღწერა)
რელიგია პროცენტი
მუსლიმი
  
58.98%
მართლმადიდებელი
  
16.25%
უპასუხოდ
  
10.25%
მორწმუნე კონფესიის გარეშე
  
8.38%
ათეისტი
  
3.61%
ბექთაში
  
2.07%
კათოლიკე
  
1.13%
ევანგელისტი
  
0.08%
ქრისტიანი
  
0.06%
სხვა
  
0.01%

იხილეთ აგრეთვე[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 GeoNames — 2005.
  2. Law nr. 115/2014 გვ. 6372–6373. ციტირების თარიღი: 25 თებერვალი, 2022
  3. Databazë e Burimeve Turistike–Qarku Korçë. ალბანეთის ტურიზმის და გარემოს დაცვის სამინისტრო. ციტირების თარიღი: 22 სექტემბერი, 2020
  4. Population on 1st January by prefecture and sex. ალბანეთის სტატისტიკის ინსტიტუტი (INSTAT) (7 მაისი, 2021).[მკვდარი ბმული]