ზენდეია
| ზენდეია | |
|---|---|
 ზენდეია 2019 წელს, ფილმის „სპაიდერმენი: სახლიდან შორს“ პრემიერაზე | |
| დაბადების თარიღი |
1 სექტემბერი, 1996 ოკლენდი, კალიფორნია, აშშ |
| ეროვნება | ამერიკელი |
| მოქალაქეობა |
 აშშ |
| საქმიანობა |
|
| აქტიური | 2009-დღემდე |
| საიტი | zendaya.com |
| ხელმოწერა |
 |
ზენდეია მარი სტერმერ კოულმანი (/zənˈdeɪ.ə/ zən-DAY-ə;[1] ინგლ. Zendaya Coleman; დ. 1 სექტემბერი, 1996)[2] — ამერიკელი მსახიობი და მომღერალი, ცნობილი როგორც ზენდეია. მან სამოდელო კარიერა ბავშვობის ასაკში დაიწყო, იყო მოცეკვავე, სანამ Disney Channel-ის სატელევიზიო სერიალ „Shake It Up“-ში როკი ბლუს როლს ითამაშებდა. სერიალში მონაწილეობდა 2010 წლიდან 2013 წლამდე. 2013 წელს იგი „Dancing with the Stars“-ის მე-16 სეზონის მონაწილე იყო[3]. 2015 წლიდან 2018 წლამდე ამერიკულ კომედიურ სატელევიზიო სერიალში, „K.C. Undercover“-ში, კ. ს. კუპერის როლს ასრულებდა, ხოლო 2019 წელს მთავარი როლის შესრულება დაიწყო HBO-ს დრამატულ სერიალ „ეიფორია“-ში. იგი გადაღებულია რამდენიმე ფილმში, მათ შორისაა: 2017 წლის მიუზიკლი „დიდებული შოუმენი“, „ადამიანი ობობა: დაბრუნება“ (2017), „ადამიანი ობობა: სახლიდან შორს“ (2019), „დიუნი“ (2021).
ზენდეიამ თავისი მუსიკალური კარიერა სიმღერების ჩაწერით დაიწყო, მოგვიანებით მან გამოუშვა სინგლები: „Swag It Out“, და „Watch Me“. 2011 წელს იგი თანამშრომლობდა ამერიკელ მომღერალთან, მოდელთან და მსახიობთან ბელა თორნთან. 2012 წელს იგი გაწევრიანდა „Hollywood Records“-ში, ხოლო მოგვიანებით გამოუშვა სინგლი „Replay“, რომელმაც ამერიკაში „Billboard Hot 100“-ზე მე-40 ადგილი დაიკავა, ხოლო 2013 წელს, „Billboard 200“-ზე 51-ე ადგილზე გავიდა. მისი ჩაწერილი სიმღერა „Rewrite the Stars“ გამოყენებული იქნა ფილმის, „დიდებული შოუმენის“ საუნდტრეკად, რომელიც მოგვიანებით სინგლად გამოუშვეს.
მსახიობი მონაწილეობას იღებდა „Macy“-ს, „Mervyns“-ის, „Old Navy“-ის სარეკლამო კამპანიებში. მოგვიანებით, ზენდეია ამერიკელ მომღერალთან და მსახიობთან სელენა გომესთან ერთად სარეკლამო კამპანიაში გამოჩნდა.
ადრინდელი ცხოვრება[რედაქტირება | წყაროს რედაქტირება]
კოულმანი 1996 წლის 1 სექტემბერს ოაკლენდში, კალიფორნიაში დაიბადა. არის კლარა სთოერმერის და დევიდ კოულმანის ერთადერთი შვილი. მამის მხრიდან[4] მას ჰყავს 5 უფროსი ნახევარ და-ძმა. მამამისი აფრიკელ-ამერიკელია, ხოლო დედამისი ეთნიკური წარმომავლობით გერმანელი და შოტლანდიელია[5][4]. ზენდეია, როგორც შემსრულებელი, შექსპირის თეატრში, კალიფორნიაში აღიზარდა, სადაც დედამისი კლარა თეატრის მენეჯერი იყო. კოულმანმა თეატრის სტუდენტური კონსერვატორიის პროგრამაც გაიარა[6]. სანამ ოაკლენდის ხელოვნების სკოლაში სწავლობდა, რამდენიმე სასცენო სპეკტაკლში მიიღო მონაწილეობა[7], მათ შორისაა: „Once on This Island“ და „Caroline, or Change“.
8 წლის ასაკში გაწევრიანდა მოცეკვავეთა ჯგუფ „Future Shock Oakland“-ში, სადაც იგი სამი წლის[8][9][10] განმავლობაში სწავლობდა „ჰიპ-ჰოპს“ და „ჰულას“.
ზენდეია სწავლობდა ამერიკის თეატრის კონსერვატორიაში. სპექტაკლებში სადაც მას, მონაწილეობა აქვს მიღებული არის, უილიამ შექსპირის „რიჩარდ III“, „მეთორმეტე ღამე“ და „როგორც შენ მოგწონს“.[11]
პირადი ცხოვრება[რედაქტირება | წყაროს რედაქტირება]
ახალგაზრდა მსახიობი ლოს-ანჯელესში[12] ცხოვრობს, მისი სახლის ღირებულება 1,4 მილიონ აშშ დოლარს შეადგენს. არის ვეგეტარიანი[13], სინგლების ჩაწერისა და ფილმებსა თუ სერიალებში მონაწილეობის გარდა, თავისუფალ დროს უთმობს ტანსაცმლების დიზაინის შექმნასა და წიგნების წერას.
ფილმზე „ადამიანი ობობა: დაბრუნება“ მუშაობისას ზენდეიამ ინგლისელი მსახიობი ტომ ჰოლანდი გაიცნო და დაუმეგობრდა, რასაც დიდი გამოხმაურება მოყვა სოციალურ მედიაში. ცნობილი იყო, რომ 2021 წლისთვის ისინი ერთმანეთს ხვდებოდნენ[14].
რესურსები ინტერნეტში[რედაქტირება | წყაროს რედაქტირება]
შეგიძლიათ იხილოთ მედიაფაილები თემაზე „ზენდეია“ ვიკისაწყობში.- ზენდეია კინოფილმების ინტერნეტ-მონაცემთა ბაზაში
სქოლიო[რედაქტირება | წყაროს რედაქტირება]
- ↑ წარმოთქმა:
- "A Slate Show" with Stephen Colbert, Feat. Megan Thee Stallion, Tom Hanks and More. The Late Show with Stephen Colbert. March 13, 2021. Event occurs at 1:10. https://www.youtube.com/watch?v=FOvc7mjDQkU.
- Tom Holland, Zendaya & Jacob Batalon Answer the Web's Most Searched Questions. 25 ივნისი, 2019. https://www.youtube.com/watch?v=CA-e5eWB7eg.
- ↑ Phares, Heather. Zendaya Biography. AllMusic.com (Rovi). ციტირების თარიღი: June 8, 2016.
- ↑ Wimbley, Jessica. (March 31, 2013) "Dancing with the Stars": Zendaya Tops Competition at age 16. ციტირების თარიღი: August 2, 2017
- ↑ 4.0 4.1 Kim, Kristen Yoonsoo. (December 2015) REAL GOOD - The multitalented teenager began her career as a Disney star. But don't expect Zendaya to have a Miley moment anytime soon.. Complex magazine (Canada).
- ↑ Takeda, Allison. (June 9, 2015) Zendaya Gets to the Heart of Her Family Tree for Immigrant Heritage Month. Us Weekly.
- ↑ Field, Genevieve. (February 6, 2016) The Unstoppable Zendaya.
- ↑ Cohen, Bethany. (June 13, 2014) Zendaya: A Rising Star.
- ↑ name Cover Girl Interview July 8, 2011 დაარქივებული November 10, 2013, საიტზე Wayback Machine.
- ↑ About Zendaya. დაარქივებულია ორიგინალიდან — March 19, 2011. ციტირების თარიღი: February 9, 2011.
- ↑ Zendaya's Flashback Friday (Video) (January 27, 2012). დაარქივებულია ორიგინალიდან — აგვისტო 8, 2016. ციტირების თარიღი: June 21, 2016.
- ↑ Sampson, Mike (March 2016). Singer Zendaya Lands Lead Role in Marvel's 'Spider-Man' Movie. Screen Crush.
- ↑ Halberg, Morgan. Zendaya's New Home (March 30, 2017). ციტირების თარიღი: August 7, 2017.
- ↑ Loria, Joe (December 13, 2016). Zendaya goes Vegetarian. დაარქივებულია ორიგინალიდან — სექტემბერი 15, 2017. ციტირების თარიღი: August 7, 2017.
- ↑ A timeline of Zendaya and Tom Holland's relationship en (February 19, 2022). ციტირების თარიღი: February 3, 2023