ვარადერო

მასალა ვიკიპედიიდან — თავისუფალი ენციკლოპედია
ქალაქი
ვარადერო
Varadero
ქვეყანა კუბის დროშა კუბა
პროვინცია მატანსასი
კოორდინატები 23°08′22″ ჩ. გ. 81°17′10″ დ. გ. / 23.13944° ჩ. გ. 81.28611° დ. გ. / 23.13944; -81.28611
დაარსდა 5 დეკემბერი, 1887
ფართობი 32 კმ²
ცენტრის სიმაღლე 4
მოსახლეობა 20,000 კაცი (2004)
სიმჭიდროვე 771.3 კაცი/კმ²
სასაათო სარტყელი UTC-5
ვარადერო — კუბა
ვარადერო

ვარადერო (ესპ. Varadero) — საკურორტო მნიშვნელობის ქალაქი კუბაში, მატანსასის პროვინციაში. წარმოადგენს კარიბის ზღვის აუზის ერთ-ერთ უმსხვილეს საკურორტო ზონას. ქალაქს ეწოდება აგრეთვე პლაია-ასული, რაც ესპანურად „ცისფერ პლაჟს“ ნიშნავს. ვარადერო მდებარეობს იკაკოსის ნახევარკუნძულზე, კარდენასის ყურესა და ფლორიდის სრუტეს შორის. ქვეყნის დედაქალაქ ჰავანიდან მდებარეობს აღმოსავლეთით 140 კილომეტრში, ვია-ბლანკას გზატკეცილის აღმოსავლეთ დაბოლოებაზე. ნახევარკუნძულის უდიდესი სიგანე მხოლოდ 2,5 კილომეტრია, რომლის ჩრდილო-აღმოსავლეთ დაბოლოებაზე წარმოდგენილია ნაკრძალი და პირველყოფილი ტყეები პლაჟებთან ერთად. იკაკოსის პარკის ფართობია 3,12 კმ², შეიქმნა 1974 წელს. ნახევარკუნძულის დასავლეთ ნაწილში არის აეროპორტი. პირველად ვარადერო მოიხსენიება 1555 წელს. 1872 წლიდან მოქმედებს როგორც კურორტი. XX საუკუნის 30-იანი წლებიდან დაიწყო ქალაქის ინტენსიური განვითარება. სანაპირო თეთრი ფერის ქვიშის პლაჟია. 1870-იან წლებში პირველად მოინახულეს როგორც კურორტი, ხოლო 1915 წელს აშენდა პირველი სასტუმროები. კურორტს არაერთი ცნობილი ადამიანი სტუმრობდა, მათ შორის იყო მაგალითად ალ კაპონე.[1] ფართობი 32 კმ².[2] 2004 წლის აღწერის მონაცემებით ვარადეროში ცხოვრობდა 20,000 ადამიანი.

იხილეთ აგრეთვე[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Varadero. http://www.netssa.com/varadero.html
  2. Statoids. (July 2003)Municipios of Cuba. ციტირების თარიღი: 2007-10-07.