დიდი პოლარული თოლია
| დიდი პოლარული თოლია | |||||||||||||||
|---|---|---|---|---|---|---|---|---|---|---|---|---|---|---|---|
_with_offspring,_Liefdefjord,_Svalbard.jpg) მოზრდილი და ბარტყი | |||||||||||||||
| მეცნიერული კლასიფიკაცია | |||||||||||||||
| |||||||||||||||
| ლათინური სახელი | |||||||||||||||
| Larus hyperboreus (Gunnerus, 1767) | |||||||||||||||
| დაცვის სტატუსი | |||||||||||||||
 IUCN 3.1 Least Concern : 22694343 | |||||||||||||||
| გავრცელების არეალი | |||||||||||||||
 გამრავლება მთელი წლის განმავლობაში გამრავლების პერიოდის გარდა | |||||||||||||||
| |||||||||||||||
დიდი პოლარული თოლია,[1] ბურგომისტრი[2] (ლათ. Larus hyperboreus) — ფრინველი თოლიასებრთა ოჯახისა.
მისი სხეულის სიგრძეა 62–68 სმ, მასა 2250 გ. მოზრდილ ფრინველებს (5–6 წელზე უფროსებს) ზურგი და ფრთების მფარავი ბუმბული მოცისფრო-რუხი აქვთ, დანარჩენი შებუმბვლა თეთრი; ახალგაზრდები მორუხო-მურები არიან, მოყვითალო და მუქი ფხაჭებით. ფეხები ვარდისფერია.
ბინადრობს ჩრდილოეთ ყინულოვანი ოკეანის ზღვების სანაპიროებზე, იშვიათად ტუნდრის ზღვისპირა ნაწილებში; ზამთარში მომთაბარეობს სამხრეთით.
ყოვლისმჭამელია; იკვებება კვერცხებით, ბარტყებითა და მოზრდილი ფრინველებით, თევზით, თევზის სარეწის ნარჩენებით, ზღვის გამონატანით, მძორით, ზღვის უხერხემლოებით, აგრეთვე კენკრით.
მონოგამური ფრინველია. ბუდობს ცალკეულ წყვილებად ან შეთხელებულ კოლონიებად (10–15 წყვილი), ჩვეულებრივ ფრინველთა ბაზრებთან ახლოს. ბუდე მცენარეული მასალისაგან აგებული ნაგებობაა, მიწიდან 20 მეტრამდე სიმაღლეზე. დედალი 2–3 კვერცხს დებს 48 საათის შუალედით. ინკუბაცია პირველივე კვერცხის დადებიდან იწყება და 27–30 დღე-ღამე გრძელდება, კრუხობს ორივე მშობელი. 45–50 დღის ასაკში ბარტყები ფრენის უნარს იძენენ.
ლიტერატურა
[რედაქტირება | წყაროს რედაქტირება]- Иваницкий В. В. БУРГОМИСТР // Большая российская энциклопедия. т. 4. — М., 2006. — стр. 355.
სქოლიო
[რედაქტირება | წყაროს რედაქტირება]- ↑ კუტუბიძე მ., ფრინველების ნომენკლატურული ტერმინოლოგია, თბ.: „მეცნიერება“, 1973. — გვ. 91, 116, 204.
- ↑ ფრინველების ნომენკლატურული ტერმინოლოგია, გვ. 91, 116.