ბერლინის გეოგრაფიული საზოგადოება (გერმ.Gesellschaft für Erdkunde zu Berlin) — გეოგრაფიული საზოგადოება, რომელიც დაარსდა 1828 წელს. მსოფლიოს ერთ-ერთი უძველესი გეოგრაფიული საზოგადოება. ჩამოყალიბდა XVIII-XIX საუკუნეში მოღვაწე ცნობილი მოაზროვნეების კარლ რიტერისა და ალექსანდერ ფონ ჰუმბოლდტის მიერ, რომლებიც გარდა ამისა, გვევლინებიან თანამედროვე გეოგრაფიის ფუძემდებლებად.
ბერლინის გეოგრაფიული საზოგადოების ძირითადი მიზანია გეოგრაფიული ცოდნის გავრცელება. საზოგადოება გამოსცემს სამეცნიერო ჟურნალს „Die Erde“ (დედამიწა), რომელიც გამოდის შორეული 1853 წლიდან. ამასთანავე საზოგადოება აფინანსებს ახალგაზრდა მეცნიერებს.
