ანარ ქერიმოვი
| ანარ ქერიმოვი Anar Kərimov | |
 | |
| აზერბაიჯანის რესპუბლიკის კულტურის მინისტრი | |
|---|---|
| თანამდებობაზე ყოფნის დრო | |
| 5 იანვარი 2021 – დღეისათვის | |
| პრეზიდენტი | ილჰამ ალიევი |
| წინამორბედი | აბულფაზ ყარაევი |
იუნესკოში აზერბაიჯანის რესპუბლიკის მუდმივი წარმომადგენელი | |
| თანამდებობაზე ყოფნის დრო | |
| 23 მაისი 2014 – 20 ივნისი 2020 | |
| დაბადებული | 3 ივნისი, 1977 ფუზულის რაიონი, აზერბაიჯანის სსრ |
| შვილები | 3 |
| განათლება | ბაქოს სახელმწიფო უნივერსიტეტი (1998) აზერბაიაჯნის რესპუბლიკის პრეზიდენტთან არსებული სახელმწიფოს მართვის აკადემია(2003) |
ანარ გაბილ ოღლუ ქერიმოვი (აზერ. Anar Qabiloğlu Kərimov; დ. 3 ივნისი, 1977, ფუზულის რაიონი) — 2021 წლის 5 იანვრიდან აზერბაიჯანის რესპუბლიკის კულტურის მინისტრი.[1]
ბიოგრაფია[რედაქტირება | წყაროს რედაქტირება]
ანარ ქერიმოვი დაიბადა 1977 წლის 3 ივნისს ფუზულიში. 1998 წელს დაამთავრა ბაქოს სახელმწიფო უნივერსიტეტის აღმოსავლეთმცოდნეობის ფაკულტეტი ბაკალავრის ხარისხით არაბული ენისა და ფილოლოგიის სპეციალობით. 2003 წელს დაამთავრა აზერბაიჯანის რესპუბლიკის პრეზიდენტთან არსებული სახელმწიფოს მართვის აკადემიის საერთაშორისო ურთიერთობების ფაკულტეტი მაგისტრის ხარისხით საერთაშორისო ურთიერთობებისა და დიპლომატიის სპეციალობით. ანარ ქერიმოვი მონაწილობას იღებდა დიპლომატიურ კურსებზე ერაყში (ალ მუსტანსირის უნივერსიტეტი), ეგვიპტეში (დიპლომატიური კვლევების ინსტიტუტი), ავსტრიაში (ვენის დიპლომატიური აკადემია), იტალიაში (სან-რემოს საერთაშორისო ჰუმანიტარული სამართლის ინსტიტუტი), პოლონეთში (წითელი ჯვრის საერთაშორისო კომიტეტი).[2]
კარიერა[რედაქტირება | წყაროს რედაქტირება]
დიპლომატიური კარიერა 2000 წელს ატაშეს რანგში დაიწყო, აზერბაიჯანის რესპუბლიკის საგარეო საქმეთა სამინისტროს ადამიანის უფლებების, დემოკრატიზაციისა და ჰუმანიტარული საკითხების მართვის განყოფილებაში მესამე მდივნად.
2004 – 2008 წლებში მუშაობდა მესამე და მეორე მდივნად აზერბაიჯანის რესპუბლიკის საელჩოში ბელგიის სამეფოსა და ევროკავშირში.
2008 – 2009 წლებში აზერბაიჯანის რესპუბლიკის საგარეო საქმეთა სამინისტროში ჰუმანიტარულ და სოციალურ საკითხთა პირველი მდივნის მოვალეობას ასრულებდა.
2010 – 2014 წლებში იყო მრჩეველი, დროებითი რწმუნებული იუნესკოში აზერბაიჯანის რესპუბლიკის მუდმივ წარმომადგენლობაში. 2014 წლის 23 მაისს აზერბაიჯანის რესპუბლიკის პრეზიდენტის განკარგულებით ანარ ქერიმოვი იუნესკოში აზერბაიჯანის მუდმივ წარმომადგენლად დაინიშნა.[3]
2019 წლის 9 ივნისს საგანგებო და სრულუფლებიანი ელჩის დიპლომატიური რანგი მიენიჭა.[4]
2020 წელს გამოხმობილ იქნა იუნესკოში აზერბაიჯანის რესპუბლიკის მუდმივი წარმომადგენლის თანამდებობიდან.
2020 წლის 20 ივნისს აზერბაიჯანის კულტურის მინისტრის პირველ მოადგილედ დაინიშნა,[5] ხოლო აზერბაიჯანის რესპუბლიკის პრეზიდენტის 20 ივნისის განკარგულებით ანარ ქერიმოვს კულტურის მინისტრის მოვალოების შესრულება დაევალა.[6]
2021 წლის 5 იანვარს აზერბაიჯანის რესპუბლიკის კულტურის მინისტრად დაინიშნა.
ფლობს რუსულ, ინგლისურ, არაბულ და ფრანგულ ენებს.[1][7]
სქოლიო[რედაქტირება | წყაროს რედაქტირება]
- ↑ 1.0 1.1 Президент Азербайджана назначил нового министра культуры. ციტირების თარიღი: 2021-01-05.
- ↑ Struktur və əməkdaşlar — Kərimov Anar Qabil oğlu az. აზერბაიჯანის კულტურის სამინისტრო. ციტირების თარიღი: 24.05.2021
- ↑ Анар Керимов назначен постоянным представителем Азербайджана при ЮНЕСКО.
- ↑ Кто он — новый министр культуры Азербайджана?
- ↑ Назначен временный глава министерства культуры Азербайджана. ციტირების თარიღი: 2021-01-05.
- ↑ Заместитель министра культуры представлен коллективу.
- ↑ APA.az. (2021-01-05) Anar Karimov appointed Azerbaijan's Minister of Culture. ციტირების თარიღი: 2021-01-05.