Red Hot Chili Peppers

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Red Hot Chili Peppers
Rhcp2011.jpg
ბიოგრაფია
წარმოშობა ლოს-ანჯელესი,
კალიფორნია, აშშ
ჟანრ(ებ)ი როკი,
ალტერნატიული როკი,
ფანკ-როკი
აქტიური 1983-დღემდე
ლეიბლ(ებ)ი EMI, Warner Bros.
ასოციაციები What Is This?
Jane's Addiction
Ataxia
მარს ვოლტა
საიტი ოფიციალური საიტი
წევრები
ენტონი კიდისი
ფლი
ჯოშ კლინჰოფერი
ჩედ სმითი
ყოფილი წევრები
ჰილელ სლოვაკი
ჯეკ აირონსი
კლიფ მარტინესი
ჯეკ შერმანი
დ.ჰ. პელიგრო
დეუეინ მაკნაიტი
ჯესი ტობიასი
ერიკ მარშალი
დეივ ნავარო
ჯონ ფრუშანტე

Red Hot Chili Peppers — ამერიკული როკ-ჯგუფი, რომელიც ჩამოყალიბდა ლოს-ანჯელესში, 1983 წელს. ამჟამად მასში შედიან - ენტონი კიდისი (ვოკალი), ფლი (ბას გიტარა), ჩედ სმითი (დასარტყმელი საკრავები) და ჯოშ კლინჰოფერი (გიტარა). ჯგუფის მუსიკალური სტილი მოიცავს ფანკს სხვა მუსიკალური ჟანრების ელემენტებით, როგორიც არის პანკ-როკი და ფსიქოდელიური როკი.

Red Hot Chili Peppers-ის თავდაპირველ შემადგენლობაში ასევე შედიოდნენ ჰილელ სლოვაკი (გიტარა) და ჯეკ აირონსი (დასარტყმელი საკრავები). სლოვაკი გარდაიცვალა ჰეროინის ჭარბად მოხმარების შედეგად, 1988 წელს. ამას მოჰყვა ჯგუფიდან აირონსის წასვლაც.[1] თავდაპირველად ჯგუფს დაემატა დ.ჰ. პელიგრო (Dead Kennedys), რომელმაც შეცვალა აირონსი. სლოვაკს ჩაენაცვლა ჯონ ფრუშანტე. მოგვიანებით პელიგრომ დატოვა კოლექტივი, თუმცა ფრუშანტეს მონაწილეობით ჩაიწერა ალბომები Mother's Milk (1989), Blood Sugar Sex Magik (1991), Californication (1999), By the Way (2002) და Stadium Arcadium (2006).

Blood Sugar Sex Magik, ჯგუფის პირველი კომერციული წარმატება, გაიყიდა 15 მილიონი ასლის ოდენობით. ფრუშანტემ კოლექტივი დატოვა 1992 წელს, მისი მხარდამჭერი ტურნეს პერიოდში. ამ დროს იგი აქტიურად იყო გატაცებული ჰეროინით. მას შემდეგ, რაც გიტარისტ არიკ მარშალის დახმარებით ტურნე დასრულებული იქნა, ალბომის One Hot Minute (1995) ჩასაწერად ჯგუფში მოვიდა დეივ ნავარო (Jane's Addiction). მიუხედავად კომერციული წარმატებისა, წინა ალბომის პოპულარობა მას წილად არ ხვდა. 1998 წელს ფრუშანტე, რომელიც განიკურნა ნარკოტიკული დამოკიდებულებისგან, დაუბრუნდა ჯგუფს. ჩაიწერა ახალი სტუდიური დისკი, Californication (1999), რომელიც გაიყიდა 15 მილიონი ასლის ოდენობით და იქცა Red Hot Chili Peppers-ის ახალ კომერციულ წარმატებად. სამი წლის შემდეგ მას მოჰყვა წარმატებული By the Way (2002). 2006 წელს გამოვიდა ორმაგი ალბომი Stadium Arcadium - ჯგუფისათვის პირველი ალბომი, რომელიც ამერიკის ჩარტებში #1 ადგილზე მოხვდა. მსოფლიო ტურნეს შემდეგ ჯგუფის წევრები საკუთარ პროექტებზე ზრუნავდნენ. ფრუშანტემ განაცხადა, რომ ჯგუფს ტოვებდა სოლო-კარიერაზე ყურადღების გასამახვილებლად.[2] იგი შეცვალა ჯოშ კლინჰოფერმა, რომელიც ტურნეს Stadium Arcadium და ფრუშანტეს სოლო პროექტებზე დამატებითი მუსიკოსის სახით ჩნდებოდა.[3] მეათე სტუდიური ალბომი I'm With You გამოიცა 2011 წლის 30 აგვისტოს და არის Red Hot Chili Peppers-ის პირველი ჩანაწერი კლინჰოფერის მონაწილეობით.

Red Hot Chili Peppers-ს მიღებული აქვს 7 გრემის ჯილდო. მსოფლიო მასშტაბით გაყიდულია მისი 60 მილიონი ჩანაწერი. ბილბორდის ცხელ ასეულში სხვადასხვა დროს მოხვედრილი იყო მისი 8 სინგლი (3 სინგლი - 10-ეულში). მეინსტრიმული როკის ჩარტში წარმოდგენილი იყო ჯგუფის ხუთი #1 სინგლი, ხოლო 11 სინგლი მოხვდა თანამედროვე როკ-ჩარტის სათავეში.

დისკოგრაფია[რედაქტირება]

Searchtool-80%.png მთავარი სტატია : Red Hot Chili Peppers-ის დისკოგრაფია.

სქოლიო[რედაქტირება]

  1. Kiedis და Slomans 2004
  2. John Frusciante Explains His Departure from Red Hot Chili Peppers. Undercover.com.au (2010-01-29). წაკითხვის თარიღი: 2010-09-10.
  3. GRAMMY Camper Nick Arnold Interview With Red Hot Chili Peppers' Drummer Chad Smith. Grammycampblog.blogspot.com (2010-02-08). წაკითხვის თარიღი: 2010-09-10.

რესურსები ინტერნეტში[რედაქტირება]

გამოიყენეთ {{Red Hot Chili Peppers|მდგომარეობა=collapsed}}, რათა ეს თარგი აკეცილი (დამალული) გამოჩნდეს.
გამოიყენეთ {{Red Hot Chili Peppers|მდგომარეობა=expanded}}, რათა ეს თარგი გაშლილი (სრულად ხილვადი) გამოჩნდეს.
გამოიყენეთ {{Red Hot Chili Peppers|მდგომარეობა=autocollapse}}, რათა ეს თარგი აკეცილი (დამალული) გამოჩნდეს მხოლოდ იმ შემთხვევისთვის, როცა ამავე გვერდზე ამ ტიპის სხვა თარგიც არის განთავსებული (ეს ხშირად ნაგულისხმევი სტატუსია).