კანაიმის ეროვნული პარკი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
კანაიმის ეროვნული პარკი

Parque Nacional Canaima

IUCN კატეგორია II (ეროვნული პარკი)
Kukenan Tepuy at Sunset.jpg
კანაიმის ეროვნული პარკი
Venezuela Republica.svg
მდებარეობა ბოლივარის შტატი
ქვეყანა ვენესუელის დროშა ვენესუელა
კოორდინატები 5°20′00″ ს. გ. 61°30′00″ დ. გ. / 5.33333° ს. გ. 61.50000° დ. გ. / -5.33333; -61.50000
ფართობი 30.000 კმ²
დაარსდა 12 ივნისი, 1962
ტეპუი
კანაიმის ეროვნული პარკი*
იუნესკოს მსოფლიო
მემკვიდრეობის ძეგლი

კანაიმის ლაგუნა
ქვეყანა ვენესუელის დროშა ვენესუელა, ბოლივარის შტატი
ტიპი ბუნებრივი
კრიტერიუმები vii, viii, ix, x
სია იუნესკოს სია
რეგიონი** სამხრეთი ამერიკა
კოორდინატები 5°20′00″ ს. გ. 61°30′00″ დ. გ. / 5.33333° ს. გ. 61.50000° დ. გ. / -5.33333; -61.50000
გაწევრიანების ისტორია
გაწევრიანება 1994  (მე-18 სესია)
ნომერი 701
* იხ. ინგლ. სახელი UNESCO-ს სიაში.
** იუნესკოს მიერ კლასიფიცირებული რეგიონი.

კანაიმის ეროვნული პარკი (ესპ.Parque Nacional Canaima) — 30 000 კვადრატული კილომეტრის მოცულობის პარკი ვენესუელის სამხრეთ-აღმოსავლეთ ნაწილში, ბრაზილიისა და გაიანის საზღვართან. პარკი მდებარეობს ბოლივარის შტატში. შედარებისათვის, მისი ფართობი თითქმის იგივეა, რაც მთლიანად გრან-საბანის რეგიონისა.

პარკი შეიქმნა 1962 წლის 12 ივნისს. სიდიდით პარკებს შორის ქვეყანაში მეორეა პარიმა-ტაპირაპეკოს პარკის შემდეგ. მისი ფართობი ბელგიის ფართობის ტოლია.

1994 წელს, იუნესკომ პარკი მსოფლიო მემკვიდრეობის სიაში შეიტანა, რადგან აქ მდებარეობს არაერთი ტეპუი – მაგიდის ზედაპირისმაგვარი გაბრტყელებული პიკის მქონე მწვერვალები, რომლებიც დამახასიათებელია მთელი ამ არეალისათვის.

ყველაზე ცნობილი ტეპუია რორაიმის მთა — ყველაზე მაღალი, მაგრამ ამავე დროს, მთასვლელთათვის ადვილად დასაპყრობი. ასევე აუიანტეპუი — რომელზეც გადმოედინება მსოფლიოს უმაღლესი ჩანჩქერი ანხელი. აღნიშნული მთები უძველესი ასაკისაა და მიეკუთვნება იმ პერიოდს, როდესაც სამხრეთ ამერიკა და აფრიკა ერთ სუპერკონტინენტს წარმოადგენდა.

პარკში ცხოვრობენ ადგილობრივი ინდიელები — პემონის ტომი, კარიბის ენათა ჯგუფიდან. პემონის ხალხს ამ მთებისადმი განსაკუთრებული დამოკიდებულება გააჩნია, მათ სჯერათ, რომ იქ სულები სახლობენ. პარკი შედარებით მოწყვეტილია გარესამყაროს, ქალაქთან მხოლოდ რამდენიმე პატარა გზა აკავშირებს. პარკის ტერიტორიაზე გადაადგილების და დათვალიერების საუკეთესო საშუალებას წარმოადგენს ვერტმფრენი. ასევე შესაძლებელია ფეხით ან კანოეთი მოძრაობა.

პემონის ინდიელებს პარკში გახსნილი აქვთ რამდენიმე საშუალო და მაღალი კლასის სასტუმრო, რომელთაც ძირითადად პარკის ევროპელი დამთვალიერებლები სტუმრობენ.

იხილეთ აგრეთვე[რედაქტირება]

რესურსები ინტერნეტში[რედაქტირება]

იუნესკოს დროშა მსოფლიო მემკვიდრეობა UNESCO, ობიექტი № 701
რუს.ინგლ.ფრ.