ააფსთა
ვიკიპედიიდან, თავისუფალი ქართულენოვანი ენციკლოპედიიდან
(გადამისამართდა გვერდიდან ბაკლანოვკა)
|
|
|
|---|---|
| დახასიათება | |
| სიგრძე | 35 კმ |
| აუზის ფართობი | 243 კმ² |
| წყლის ნაკადი | |
| სათავე | ბზიფის ქედი |
| ჩაედინება | შავი ზღვა |
| ქვეყნები | საქართველო |
ააფსთა (ძვ. ბაკლანოვკა) — მდინარე გუდაუთის მუნიციპალიტეტში. სიგრძე 35 კილომეტრს აღწევს, აუზის ფართობი — 243 კმ²-ს. სათავე აქვს ბზიფის ქედის აღმოსავლეთ ნაწილში ზღვის დონიდან 1445 მეტრ სიმაღლეზე და მის სამხრეთ კალთაზე მოედინება. ხეობა გამომუშავებულია ცარცულ და იურულ კირქვებში. ქვემო დინებაში გორაკ-ბორცვიან ზოლში გაედინება. შავ ზღვას ერთვის გუდაუთსა და ახალ ათონს შორის. საზრდოობს უმთავრესად წვიმის წყლით. ახასიათებს გაზაფხულის წყალდიდობა და ხშირი წყალმოვარდნა. მთავარი შენაკადია მდინარე დახვართა;
შუაწელში მარცხნივ ერთვის ხაბიუს მღვიმური ნაკადი. საშუალო წლიური ხარჯია 11,9 მ³/წმ.
[რედაქტირება] ლიტერატურა
- ქართული საბჭოთა ენციკლოპედია, ტ. 2, გვ. 159, თბ., 1977 წელი.
- ბერაძე თ., ენციკლოპედია „საქართველო“, ტ. 1, გვ. 9, თბ., 1997
