აუგსბურგი

აუგსბურგი
	გერბი
ქვეყანა	გერმანია
მხარე	ბავარია
კოორდ.	48°22′00″ ჩ. გ. 10°54′00″ ა. გ. /
ფართობი	146.93 კმ²
ზღვის დონიდან	446-561 მ
მოსახლეობა	264 708 კაცი (2010)
სიმჭიდროვე	1 802 კაცი/კმ²
დროის სარტყელი	UTC+1, ზაფხულში UTC+2
საფოსტო ინდექსი	45801-45899
ოფიციალური ვებ-გვერდი	http://www.augsburg.de/

აუგსბურგი (გერმ. Augsburg) — საუნივერსიტეტო ქალაქი გერმანიაში, ბავარიის მხარეში. შვაბიის დედაქალაქი. იგი მდებარეობს ალპების მთისწინეთში, მდინარეების ლეხისა და ვერტახის (დუნაის აუზი) შესართავთან. 2010 წლის მონაცემებით, მისი მოსახლეობა 264 708 კაცს შეადგენს. ქალაქი მოსახლეობის რაოდენობის მიხედვით მესამეა ბავარიაში მიუნხენისა და ნიურნბერგის შემდეგ.

ისტორია [რედაქტირება]

ქალაქი დაარსდა ძვ.წ. 15 წელს რომაული სამხედრო ბანაკის ადგილას. VIს-დან იგი იყო ეპოსკოპოსის რეზიდენცია. 1276წ. მოიპოვა თავისუფალი საიმპერიო ქალაქის უფლებები. XV-XVI ს.ს. აუგსბურგი წარმოადგენდა გერმანიის აღორძინების კერას, მნიშვნელოვან სავაჭრო-საფინანსო ცენტრს და სხვ. 1534-1538 წ.წ. ქალაქი მოიცვა რეფორმაციამ, ხოლო 1555 წ. აქ დაიდო აუგსბურგის რელიგიური ზავი. ფაშისტური გერმანიის პერიოდში აუგსბურგი იყო მნიშვნელოვანი სამხედრო-სამრეწველო ცენტრი. კერძოდ, აქ მდებარეობდა ცნობილი "მესერშმიტის" ქარხნები. 1945-49 წ.წ. აუგსბურგი ამერიკის საოკუპაციო ზონაში შედიოდა.

არქიტექტურა [რედაქტირება]

აუგსბურგის არქიტექტურულ ძეგლთაგან აღსანიშნავია XIს-ის რომანული ტაძარი, რომელიც 1326-1431 წ.წ. ნაწილობრივ გადაკეთდა გოთური სტილის ტაძრად. ქალაქში მდებარეობს აღორძინების ხანის მნიშვნელოვანი ნნაგებობანი. კერძოდ, ბანკირ ფუგერების კაპელა (1509-1517 წ.წ.), ი. ფუგერის სახლი (1512-1515წ.წ.), რატუშა (1615-1620 წ.წ), ხელოსანთა დასახლება "ფუგერაი" (1516-23წ.წ.), რომელიც შედგება რეგულარული სისტემით განლაგებული 53 ტიპობრივი ორსართულიანი სახლისგან და სხვ.