უკრაინის საბჭოთა სოციალისტური რესპუბლიკა

Українська Радянська Соціалістична Республіка
Украинская Советская Социалистическая Республика

(დროშა) (გერბი)
სახელმწიფო ენა	ოფიციალურად არც ერთი; დე ფაქტო რუსულს უპირატესობა ენიჭებოდა უკრაინულთან შედარებით.
დედაქალაქი	1918–34 ხარკოვი 1934–91 კიევი
ფართობი	603.700 კმ²
მოსახლეობა (1989)	51.706.746
სიმჭიდროვე	85,6 ად./კმ²
სასაათო სარტყელი	UTC + 2

უკრაინის საბჭოთა სოციალისტური რესპუბლიკა, უსსრ (უკრ. Українська Радянська Соціалістична Республіка, УРСР), უკრაინა, შეიქმნა 1917 წლის 25 დეკემბერს. სსრკ-ის შექმნის შემდეგ, 1922 წლის 30 დეკემბერს, შევიდა მის შემადგენლობაში როგორც მოკავშირე რესპუბლიკა.

მდებარეობდა სსრკ ევროპის ნაწილის სამხრეთ-დასავლეთში. რესპუბლიკის დასავლეთით და სამხრეთ-დასავლეთით გადიოდა სსრკ სახელმწიფო საზღვარი სოციალისტურ ქვეყნებთან: პოლონეთთან, ჩეხოსლოვაკიასთან, უნგრეთთან, რუმინეთთან. ჩრდილოეთით ესაზღვრებოდა ბელორუსიის სსრ, აღმოსავლეთით და ჩრდილო-აღმოსავლეთით — რსფსრ, სამხრეთ-დასავლეთით - მოლდავეთის სსრ; სამხრეთით აკრავს შავი და აზოვის ზღვები. უკრაინის საბჭოთა სოციალისტური რესპუბლიკას ფართობის მიხედვით III (რსფსრ და ყაზახეთის სსრ შემდეგ) და მოსახლეობის მიხედვით II (რსფსრ შემდეგ) ადგილი ეჭირა მოკავშირე რესპუბლიკათა შორის. ფართობი 603,7 ათ. კმ², მოსახლეობა 50,5 მლნ. კაცი (1983 მონაცემებით). დედაქალაქი — კიევი. რესპუბლიკაში 25 ოლქი, 479 რაიონი, 417 ქალაქი და 908 დაბა იყო.