მოლდავეთის საბჭოთა სოციალისტური რესპუბლიკა

მასალა ვიკიპედიიდან — თავისუფალი ენციკლოპედია
Jump to navigation Jump to search

მოლდავეთის საბჭოთა სოციალისტური რესპუბლიკა
მოლდ. Република Советикэ Сочиалистэ Молдовеняскэ

Flag of Romania.svg
 
Flag of Moldavian Autonomous Soviet Socialist Republic.svg
2 აგვისტო 194027 აგვისტო 1991 Flag of Moldova.svg
Flag of Moldavian SSR.svg COA Moldavian SSR.png
დროშა გერბი
ჰიმნი
მოლდავეთის სსრ ჰიმნი
Soviet Union - Moldavian SSR.svg
მოლდავეთის სსრ (წითლად) საბჭოთა კავშირის შემადგენლობაში
დედაქალაქი კიშინიოვი
ენა მოლდავური, რუსული
რელიგია ათეიზმი
ფართობი 33.843 კმ²
მოსახლეობა 4.337.600 (1989 წლისთვის)
მმართველობის ფორმა სოციალისტური რესპუბლიკა

მოლდავეთის საბჭოთა სოციალისტური რესპუბლიკა (მოლდ. Република Советикэ Сочиалистэ Молдовеняскэ, რუმ. Republica Sovietică Socialistă Moldovenească, რუს. Молда́вская Сове́тская Социалисти́ческая Респу́блика) – საბჭოთა სოციალისტური რესპუბლიკების კავშირის მოკავშირე რესპუბლიკა 1940 წლიდან 1991 წლამდე. მასში შედიოდა მოლდავეთის ავტონომიური საბჭოთა სოციალისტური რესპუბლიკის ტერიტორიის ნახევარი, რომელიც 1940 წლამდე როგორც ავტონომიური რეგიონი უკრაინის საბჭოთა სოციალისტური რესპუბლიკის შემადგენლობაში იყო, ასევე ბესარაბიის უდიდესი ნაწილი, რომელიც 1940 წლიდან საბჭოთა კავშირის შემადგენლობაში შევიდა და უკრაინისა და მოლდავეთის საბჭოთა რესპუბლიკებს შორის გაიყო.

1991 წლის 27 აგვისტოს მოლდავეთის სსრ დამოუკიდებელი სახელმწიფო გახდა და ქვეყანას ეწოდა მოლდოვა.

მოსახლეობა[რედაქტირება | წყაროს რედაქტირება]

რუსიფიცირება[რედაქტირება | წყაროს რედაქტირება]

მოლდავეთის სსრ-ის მოსახლეობამ, რომელიც მეტწილად რუმინელებისგან შედგებოდა, საბჭოთა პერიოდში ძლიერი რუსიფიცირება განიცადა. ეს მოხერხდა რესპუბლიკაში დაახლ. 600.000 უკრაინელისა და დაახლ. 562.000 რუსის გადმოსახლებით. იმიგრაციის უძლიერი ტალღა მეორე მსოფლიო ომის შემდეგ წამოვიდა.

ურთიერთობები რუმინეთთან[რედაქტირება | წყაროს რედაქტირება]

საბჭოთა პერიოდში რესპუბლიკის მოსახლეობის დედაენა რუმინული გადაირქვა მოლდავურად, დამწერლობა ლათინურიდან გადავიდა კირილიცაზე. ამით მოსკოვი ცდილობდა მოლდავეთის სსრ-ის რუმინეთთან ურთიერთობების შეზღუდვას. ამ ორ პოლიტიკურ რეგიონზე გაპობილ რუმინელი მოსახლეობისთვის, გახლეჩილი ოჯახების წევრებისთვის ერთმანეთთან მიმოსვლა ნებადართული არ იყო და მათი მიმოწერა მკაცრ ცენზურას ექვემდებარებოდა.

1989-1990 წლებში 45 წლის შემდეგ ამ ორ ქვეყანას შორის ურთიერთობები აღდგა.