ლაპეენრანტა

ლაპეენრანტა
Lappeenranta
ქალაქი და; მუნიციპალიტეტი
	ლაპეენრანტა; Lappeenranta
	გერბი
ქვეყანა	ფინეთი
გუბერნია	სამხრეთი ფინეთი
რეგიონი	სამხრეთი კარელია
კოორდინატები	61°03′30″ ჩ. გ. 28°11′10″ ა. გ. / 61.05833° ჩ. გ. 28.18611° ა. გ.
მმართველი	კიმო იარვა
დაარსდა	1649
ადრეული სახელები	ლაპვედენრანტა
ფართობი	1756 კმ²
ოფიციალური ენა	ფინური ენა\|ფინური
მოსახლეობა	72 391 კაცი (2013)
სიმჭიდროვე	50.5 კაცი/კმ²
სასაათო სარტყელი	UTC+2, ზაფხულში UTC+3
საფოსტო ინდექსი	53100
ოფიციალური საიტი	lappeenranta.fi
	ლაპეენრანტა ვიკისაწყობში

ლაპეენრანტა^[1] (ფინ. Lappeenranta), ასევე ვილმანსტრანდი (შვედ. Villmanstrand) — ქალაქი და მუნიციპალიტეტი ფინეთში, აღმოსავლეთი ფინეთის გუბერნიაში, სამხრეთ კარელიის ადმინისტრაციული, ეკონომიკური და კულტურული ცენტრი. მდებარეობს ისტორიული პროვინცია კარელიის დასავლეთ ნაწილში, საიმას ტბის სამხრეთ სანაპიროსთან, რუსეთ-ფინეთის საზღვრის მახლობლად. 2013 წლის მონაცემებით ქალაქის მოსახლეობა 72 391 ადამიანს შეადგენდა, ამ მონაცემებით იგი ფინეთის ქალაქებს შორის 30-ე ადგილზეა.

ისტორია

ლაპეენრანტის მოსახლეობის წინაპრები ჯერ კიდევ გამყინვარების პერიოდის დასასრულიდან დასახლდნენ დღევანდელი საიმას ტბის ნაპირებზე. მათ ააშენეს საკუთარი სახლები სილიან სანაპირო ზოლზე. რკინის ხანის დასაწყისში ლაპეენრანტის მუნიციპალიტეტის ტერიტორიაზე, დღევანდელი რამდენიმე სოფლის ადგილას, უკვე არსებობდა მუდმივი დასახლებები. ნაპოვნია ძველიკარელიური და შუა საუკუნეების სამარხები.

XVI საუკუნეში დასახლება ფიჭვის ფისისა და კუპრის ვაჭრობის ერთ-ერთი ცენტრი იყო.