ჰეიკე დრეხსლერი
_(cropped).JPG) | |
| პირადი ინფორმაცია | |
|---|---|
| დაბ. სახელი | Heike Drechsler |
| დაბ. თარიღი | 16 დეკემბერი, 1964[1] [2] (59 წლის) |
| დაბ. ადგილი | გერა[1] |
| სიმაღლე | 181 |
| წონა | 68 |
| საიტი | heike-drechsler.com |
| ქვეყანა | გერმანია და გდრ |
| ჯილდოები | ორდენი ბადენ-ვიუტემბერგის წინაშე დამსახურებისთვის, Patriotic Order of Merit in gold, ხალხთა მეგობრობის ვარსკვლავის ორდენი, Bislett medal, Hall of Fame des deutschen Sports, Sportsman of the year, Q93291420? და Honorary citizen[3] |
ჰეიკე გაბრიელა დაუტე-დრეხსლერი (გერმანული წარმოთქმა: [ˈhaɪkə ˈdʁɛkslɐ] (
მოსმენა); დ. 16 დეკემბერი, 1964) — გერმანელი ყოფილი მძლეოსანი, რომელიც წარმოადგენდა აღმოსავლეთ გერმანიას და მოგვიანებით გერმანიას. ყველა დროის ერთ-ერთი ყველაზე წარმატებული სიგრძეზე მხტომელი. ის არის ყოფილი მსოფლიო რეკორდსმენი და მესამე ადგილზეა ყველა დროის საუკეთესოთა სიაში 7,48 მეტრიანი ნახტომით 1988 წელს. ქარის დახმარებით მისი რეკორდული ნახტომი 7,63 მეტრია. ჰეიკემ ეს 1992 წელს სესტრიერში შეძლო და დღემდე ყველაზე შორი ნახტომია, რომელიც ქალ სიგრძეზე მხტომელებს დაუფიქსირებიათ. ის ერთადერთი ქალია, რომელსაც ორი ოლიმპიური ოქროს მედალი აქვს მოპოვებული სიგრძეზე ხტომაში, 1992 და 2000 წლებში.
დრეხსლერმა ასევე მოიგო ოლიმპიური მედლები 100 მეტრზე და 200 მეტრზე სპრინტში 1988 წელს, ვერცხლის მედალი 100 მეტრზე 1987 წლის მსოფლიო ჩემპიონატზე და არის ყოფილი მსოფლიო რეკორდსმენი 200 მეტრზე 21,71 წამით 1986 წელს.
ბიოგრაფია[რედაქტირება | წყაროს რედაქტირება]
დრეხსლერი დაიბადა გერაში, ბეზირკ გერაში, აღმოსავლეთ გერმანიაში (ახლანდელი თიურინგია, გერმანია). თინეიჯერობისას იგი აქტიური იყო თავისუფალ გერმანელ ახალგაზრდებში და 1984 წელს აირჩიეს აღმოსავლეთ გერმანიის ფოლკსკამერში.
თავისი კარიერის დასაწყისში, როგორც თინეიჯერი, ძალიან კონკურენტუნარიანი სიგრძეზე მხტომელი იყო. დრექსლერმა გადაინაცვლა სპრინტის ელიტარულ სამყაროში 1986 წელს, 21 წლის ასაკში. იგი დაქორწინდა ანდრეას დრეხსლერზე 1984 წლის ივლისში და მას შემდეგ გამოდიოდა ჰეიკე დრეხსლერის სახელით. მას წვრთნიდა ერიხ დრეხსლერი, თავისი სიმამრი.[4]
ოლიმპიური წარმატების გარდა, დრეხსლერმა მოიგო ორი მსოფლიო ჩემპიონატი სიგრძეზე ხტომაში (1983 და 1993 წლებში), ასევე ოქროს მედლები სიგრძეზე ხტომაში და 200 მ სპრინტი მსოფლიო შიდა ჩემპიონატზე 1987 წელს. არაერთი წარმატება ჰქონდა ევროპისა და გერმანიის ჩემპიონატებში. დრეხსლერის ყველაზე დიდი მეტოქე სიგრძეზე ხტომაში იყო ჯეკი ჯოინერ-კერსი, რომელთანაც კარგი მეგობრობა აკავშირებდა.
1986 წელს დრეხსლერმა ორჯერ გაათანაბრა მარიტა კოხის 200 მეტრზე სპრინტის (21,71 წამი) მსოფლიო რეკორდი, დაამყარა ორი მსოფლიო რეკორდი სიგრძეზე ხტომაში და გაათანაბრა ერთი 1985 და 1986 წლებში.
რონ კეისის (ავსტრალიელი სტატისტიკოსის) მიერ დაწერილი სტატიის თანახმად, 1986 წელს დრეხსლერმა მნიშვნელოვნად გააუმჯობესა თავისი 100 მ და 200 მ სპრინტის შედეგები. ერთ სეზონში ის 11,75 წამიანი გარბენიდან ჩამოვიდა 10,91 წამამდე. მისი 200 მ სპრინტი 1986 წლის სეზონში გაუმჯობესდა 23,19 წამიდან 21,71 წამამდე (რაც უტოლდებოდა მსოფლიო რეკორდს).
მისი 21,71 წამიანი გარბენი 200 მეტრზე შესრულდა −0,8 მ/წმ სიჩქარის წინა მხრიდან მომავალი ქარის პირობებში. შედარებისთვის, მარიტა კოხის გარბენისას, 1979 და 1984 წლებში, ორივე შემთხვევაში ზურგის ქარი უბერავდა.
დრეხსლერის მიერ დაფიქსირებული 21,71 წამიანი გარბენი ერთ-ერთი ყველაზე სწრაფია ქალთა მძლეოსნობის ისტორიაში.
1986 წლის ოქტომბერში მას მიენიჭა ხალხის მეგობრობის ოქროს ვარსკვლავი (მეორე კლასის) სპორტული წარმატებისთვის.[5] რამდენიმე გერმანული ვებსაიტი, მათ შორის საკუთარი, ამტკიცებს, რომ ჰეიკე დრეხსლერი 1999 წელს მძლეოსნობის საერთაშორისო ორგანიზაციამ გამოაცხადა „საუკუნის სპორტსმენად“. ეს არ არის მთლად სწორი: ის შეიყვანეს სიაში,[6] მაგრამ ჯილდო გადაეცა ფანი ბლანკერს-კოენს.[7]
პირადი რეკორდები[რედაქტირება | წყაროს რედაქტირება]
სიგრძეზე ხტომა[რედაქტირება | წყაროს რედაქტირება]
- 1983: 7.14 მ ბრატისლავაში / (იუნიორებში)
- 1985: 7.44 მ აღმოსავლეთ ბერლინში
- 1986: 7.45 მ ტალინში
- 1988: 7.48 მ ნოიბრანდენბურგში[8]
- 1992: 7.63 მ სესტრიერში[8]
დრეხსლერის სარეკორდო ნახტომი 1992 წელს სესტრიერში განხორციელდა 2.1 მ/წმ სიჩქარის ზურგის ქარით. იმისათვის, რომ ეს ჩათვლილიყო მსოფლიო რეკორდად, ქარის სიჩქარე 2 მ/წმ-ზე მეტი არ უნდა ყოფილიყო. ნახტომი 11 სანტიმეტრით აღემატება ამჟამინდელ მსოფლიო რეკორდს.
200 მეტრი[რედაქტირება | წყაროს რედაქტირება]
ჰეპტატლონი[რედაქტირება | წყაროს რედაქტირება]
დოპინგზე ბრალდებები[რედაქტირება | წყაროს რედაქტირება]
აღმოსავლეთ გერმანიისთვის ასპარეზობისას ბევრი ბრალდება იყო დოპინგის მოხმარების შესახებ. კარიერის განმავლობაში მას არასოდეს ჩაუგდია ნარკოლოგიური ტესტირება; თუმცა, ყველა აღმოსავლეთ გერმანელ სპორტსმენს, რომელიც საზღვარგარეთ ასპარეზობდა, გამგზავრებამდე ტესტირებას უტარებდნენ, რათა დოპინგი არ აღმოეჩინათ.[12] 2001 წელს BBC-ის განცხადების მიხედვით, მან აღიარა, რომ გაუცნობიერებლად იღებდა აკრძალულ ნივთიერებებს 1980-იანი წლების დასაწყისში თავისი გუნდის ექიმების ბრძანებით.[13] 1991 წელს, აღმოსავლეთ გერმანიის დაცემის შემდეგ, ბრიჯიტ ბერენდონკმა და ვერნერ ფრანკემ აღმოაჩინეს რამდენიმე თეზისი და დისერტაცია, რომლებიც ციტირებდნენ გდრ-ის დოპინგის ყოფილ მკვლევარებს სამხედრო სამედიცინო აკადემიის ბად სააროვში. სამუშაოს საფუძველი იყო სახელმწიფოს მიერ ორგანიზებული დოპინგის პრაქტიკის რეკონსტრუქცია, რომელშიც ჩართული იყო გდრ-ის ბევრი ცნობილი სპორტსმენი, მათ შორის ჰეიკე დრეხსლერი. მინიშნებები იყო, რომ ჰეიკე დრეხსლერმა გამოიყენა ორალური ტურინაბოლის მაღალი დოზები და დამატებით ტესტოსტერონ ესტერის ინექციები შეჯიბრებამდე 1982 წლიდან 1984 წლამდე.[14] 1993 წელს დრეხსლერი დაუპირისპირდა ბრიჯიტ ბერენდონკს და უჩივლა მას სასამართლოში.[15] ამ შემთხვევაში, გამოქვეყნდა დოზირების სრული წლიური განრიგი და სპორტული შესრულების განვითარების სქემები დოზის რაოდენობის მიხედვით. დრეხსლერმა სარჩელი წააგო.[16][17] თუმცა, დრეხსლერმა განაგრძო ტიტულების მოგება 1989 წლის შემდეგ, როდესაც გახდა გაერთიანებული გერმანიის გუნდის წევრი, სადაც რეგულარულად იტესტებოდა.
.jpg)
რესურსები ინტერნეტში[რედაქტირება | წყაროს რედაქტირება]
- Daute-Drechsler rzutyiskoki.pl დაარქივებული 2018-09-17 საიტზე Wayback Machine.
- Home page of Heike Drechsler
- ჰეიკე დრეხსლერი IAAF-ზე
- 2015 Interview
სქოლიო[რედაქტირება | წყაროს რედაქტირება]
- ↑ 1.0 1.1 Deutsche Nationalbibliothek Record #123302358 // ინტეგრირებული ნორმატიული ფაილი — 2012—2016.
- ↑ World Athletics database
- ↑ https://gera.de/sixcms/detail.php?id=15722
- ↑ Heike Drechsler.
- ↑ „Hohe staatliche Auszeichnungen verliehen“ [Awarded high state awards]. Neues Deutschland (გერმანული). 42 (243). 15 October 1986. p. 6. დაარქივებულია ორიგინალიდან — 23 September 2018. ციტირების თარიღი: 23 September 2018.
- ↑ Fehler. ციტირების თარიღი: 8 October 2005
- ↑ IAAF International Association of Athletics Federations - IAAF.org - News - Article.
- ↑ 8.0 8.1 http://www.iaaf.org/statistics/toplists/inout=o/age=n/season=0/sex=W/all=y/legal=A/disc=LJ/detail.html IAAF All time stats
- ↑ 9.0 9.1 "Ewige" Bestenliste der deutschen Leichtathletik. leichtathletik.de (27 September 2012). დაარქივებულია ორიგინალიდან — 24 დეკემბერი 2013. ციტირების თარიღი: 24 February 2013
- ↑ National Lists of Germany (Men). apulanta.fi. ციტირების თარიღი: 24 February 2013
- ↑ 11.0 11.1 Track and Field all-time. alltime-athletics.com. ციტირების თარიღი: 24 February 2013
- ↑ Janofsky, Michael (29 November 1990). „Drug Use by Prominent Athletes Reported“. The New York Times.
- ↑ http://news.bbc.co.uk/sport2/hi/athletics/specials/european_athletics/2082599.stm BBC
- ↑ Brigitte Berendonk: Doping documents – From Scientific Research to Cheating.
- ↑ ↑ Cf Uwe Mueller / Grit Hartman: Forward and forget it!
- ↑ ↑ Brigitte Berendonk: Doping documents – From Scientific Research to Cheating.
- ↑ ↑ Brigitte Berendonk: Doping documents – From Scientific Research to Cheating.