ხევისწყალი
| ხევისწყალი | |
|---|---|
 |
|
| ქვეყნები |  საქართველო |
| სათავე | გურიის სერი |
| სიგრძე | 32 კმ |
ხევისწყალი — მდინარე დასავლეთ საქართველოში, ჩოხატაურისა და სამტრედიის მუნიციპალიტეტებში. სათავე აქვს გურიის სერის სამხრეთ კალთაზე, 850 მ სიმაღლეზე, მწვერვალ საყინულის (1204 მ) მახლობლად. ერთვის რიონს მარცხნიდან სოფელ ვაზისუბანთან. სიგრძე 32 კმ. საზრდოობს თოვლის, წვიმისა და მიწისქვეშა წყლით. საშუალო წლიური ხარჯი შესართავთან 4 მ³/წმ. ვახუშტი ბატონიშვილი ხევისწყალს საჯავახოსწყლად მოიხსენიებს.[1]XIX საუკუნიდან ხევისწყალი წარმოადგენდა საზღვარს გურიისა და იმერეთის საჯავახოს შორის. იმ პერიოდის დოკუმენტში ხევისწყალი მოხსენიებულა როგორც ქვენათი და ქვაფათა.[2]
ლიტერატურა[რედაქტირება | წყაროს რედაქტირება]
- გიგინეიშვილი გ., ქართული საბჭოთა ენციკლოპედია, ტ. 11, გვ. 452, თბ., 1987 წელი.
