ხალხის ძალა

ხალხის ძალა
სტატუსი	მოქმედი
ქვეყანა	საქართველო
ხელმძღვანელობა
თავმჯდომარე	სოზარ სუბარი
გენერალური მდივანი	დიმიტრი ხუნდაძე
რეგიონული მდივანი	ვიქტორ ჯაფარიძე
აღმასრულებელი მდივანი	გურამ მაჭარაშვილი
პოლიტიკური მდივანი	მიხეილ ყაველაშვილი
საერთაშოისო მდივანი	ეკა სეფაშვილი
ისტორია
დაფუძნდა	2 აგვისტო 2022 (მოძრაობა) ; 18 მარტი 2024 (პარტია)
პოზიციები
იდეოლოგია	ნაციონალ-კონსერვატიზმი ; პოპულიზმი ; სუვერენიზმი ; ევროსკეპტიციზმი
პოლიტიკური პოზიცია	მემარჯვენეობა, ულტრამემარჯვენეობა
წარმომადგენლობითობა
პარლამენტი	8 / 150
საკრებულოები	0 / 2 058
ფერები	ლურჯი ; შინდისფერი

ხალხის ძალა — პოლიტიკური პარტია საქართველოში. თავდაპირველად მოძრაობის სახით დააფუძნეს „ქართული ოცნებიდან“ წასულმა დეპუტატებმა. 2024 წლის 18 მარტს დაფუძნდა როგორც პარტია, რომლის თავმჯდომარედაც სოზარ სუბარი იქნა არჩეული.^[2]

ისტორია

2022 წლის 28 ივნისს მიხეილ ყაველაშვილმა, სოზარ სუბარმა და დიმიტრი ხუნდაძემ „ქართული ოცნება“ დატოვეს, რაც პარტიის ინფორმაციით, საჯარო ინფორმაციის საკითხზე უთანხმოებამ გამოიწვია.^[3] 2022 წლის 2 აგვისტოს „ქართულ ოცნებას“ გამოყოფილმა დეპუტატებმა (მათ შეუერთდა გურამ მაჭარაშვილიც) მოძრაობა „ხალხის ძალა“ დააფუძნეს.^[4]

2022 წლის 2 აგვისტოს ღია წერილი გაავრცელეს „ქართული ოცნებიდან“ წასულმა დეპუტატებმა, სოზარ სუბარმა, დიმიტრი ხუნდაძემ, მიხეილ ყაველაშვილმა და გურამ მაჭარაშვილმა, სადაც მათ საზოგადოებრივი მოძრაობა „ხალხის ძალის“ დაფუძნების შესახებ განაცხადეს, რომლის უმთავრეს მიზნადაც „საქართველოს ეროვნული ინტერესების დასაცავად საზოგადოების სიმართლის აღჭურვა“ დაასახელეს.^[5]

2022 წლის 4 ოქტომბერს ცნობილი გახდა რომ მოძრაობა „ხალხის ძალის“ წევრმა და საქართველოს პარლამენტის დეპუტატმა ვიქტორ ჯაფარიძემ ტელეკომპანია „პოს ტვ“-ის წილების 52% შეიძინა.^[6]

2022 წლის 4 ოქტომბერს „ქართული ოცნების“ რიგებიდან „ხალხის ძალას“ კიდევ 5 დეპუტატი შეუერთდა (ეკა სეფაშვილი, ვიქტორ ჯაფარიძე, დავით კაჭარავა, დაჩი ბერაია და ზაალ მიქელაძე),^[7] რის შედეგადაც „ქართულმა ოცნებამ“ საპარლამენტო უმრავლესობა დაკარგა.^[8] სოზარ სუბარის თქმით „ხალხის ძალის“ გარეშე, ფრაქცია „ქართულ ოცნებას“ 75 დეპუტატი დარჩა და დამოუკიდებლად უმრავლესობა აღარ აქვს, თუმცა ისინი საპარლამენტო უმრავლესობის შემადგენლობაში რჩებიან.

2022 წლის 29 დეკემბერს „ხალხის ძალის“ წევრებმა განაცხადეს რომ უცხოური დაფინანსებით მოქმედი არასამთავრობო ორგანიზაციებისა და „მედიაში სიცრუის გავრცელების რეგლამენტაციის“ შესახებ კანონპროექტებს დაარეგისტრირებენ, რომლებიც „საუკეთესო დასავლურ პრაქტიკას“ ეფუძნება.^[9]

2023 წლის 15 თებერვალს ცნობილი გახდა რომ „ხალხის ძალამ“ „უცხოური გავლენის აგენტების შესახებ“ კანონპროექტი შეიმუშავა რომელსაც უახლოეს დღეებში დაარეგისტრირებდა. შემოთავაზებული კანონპროექტის თანახმად, არასამთავრობო ორგანიზაციები და დამოუკიდებელი მედია, რომლებიც იღებენ თავიანთი დაფინანსების 20%-ზე მეტს საზღვარგარეთიდან, გამოცხადდებიან უცხოური გავლენის აგენტებად.^[10]

2024 წლის 17 იანვარს მოძრაობის წევრმა გურამ მაჭარაშვილმა განაცხადა რომ მოძრაობა განიხილავდა პოლიტიკურ პარტიად ჩამოყალიბებას.^[11]

2024 წლის 18 მარტს დაფუძნდა პარტია „ხალხის ძალა“.^[12] 2024 წლის 20 მარტს პარტიის მთავარმა კომიტეტმა მმართველი რგოლი დაამტკიცა.^[13]

2024 წელს პარტიის დეპუტატებმა მხარი დაუჭირეს კანონპროექტს „უცხოური გავლენის გამჭვირვალობის შესახებ“.^[14]

შედეგები არჩევნებში

საპარლამენტო

არჩევნები	ლიდერი	ხმები	%	მანდატები	+/–	სტატუსი	კოალიცია
2024	სოზარ სუბარი	1 120 053	53,93	8 / 150	ახალი	მთავრობა (ქო–ხძ) (2024)	ქართული ოცნება
2024	სოზარ სუბარი	1 120 053	53,93	8 / 150	ახალი	ოპოზიცია (2024–)	ქართული ოცნება

სქოლიო

↑ Parties, Parliaments and Polling Averages: Georgia. Europe Elects. ციტირების თარიღი: 17 აპრილი, 2026.
↑ „„ხალხის ძალის" მთავარი კომიტეტის სხდომამ პარტიის სტრუქტურა დაამტკიცა“. იმედი. 20 მარტი 2024.
↑ „სუბარი, ყაველაშვილი და ხუნდაძე ქართულ ოცნებას ტოვებენ“. On.ge. 28 ივნისი 2022.
↑ „„ხალხის ძალა" - სუბარმა, ყაველაშვილმა, ხუნდაძემ და მაჭარაშვილმა მოძრაობა დააფუძნეს“. რადიო თავისუფლება. 2 აგვისტო 2022.
↑ „"ხალხის ძალა" - ოცნებიდან ფორმალურად წასულებმა საზოგადოებრივი მოძრაობა დააფუძნეს“. ფორმულა. 2 აგვისტო 2022.
↑ „"ვიქტორ ჯაფარიძემ, POS TV-ის წილების 52% შეიძინა, რაც ხელს შეგვიწყობს სათქმელის საზოგადოებამდე კიდევ უფრო ფართოდ მივიტანოთ" - სუბარი“. Ambebi.ge. 4 ოქტომბერი 2022.
↑ „„ოცნებიდან“ გასულებს მმართველი პარტიის კიდევ 5 დეპუტატი შეუერთდა“. სივილ ჯორჯია. 4 ოქტომბერი 2022.
↑ „ქართულ ოცნებას პარლამენტში უმრავლესობა აღარ აქვს“. სივილ ჯორჯია. 4 ოქტომბერი 2022.
↑ „„ხალხის ძალა“ NGO-ების საქმიანობისა და მედიაში სიცრუის გავრცელებაზე კანონპროექტებს წარადგენს“. სივილ ჯორჯია. 29 დეკემბერი 2022.
↑ „„ხალხის ძალამ“ უცხოური გავლენის აგენტების შესახებ კანონპროექტი შეიმუშავა“. სივილ ჯორჯია. 15 თებერვალი 2023.
↑ „მაჭარაშვილი: ხალხის ძალის პოლიტიკურ პარტიად ჩამოყალიბებას განვიხილავთ“. ტაბულა. 17 იანვარი 2024.
↑ „პარტია „ხალხის ძალა“ დაფუძნდა“. პირველი არხი. 18 მარტი 2024.
↑ „„ხალხის ძალამ“ მმართველობითი რგოლი დამტკიცა“. პირველი არხი. 20 მარტი 2024.
↑ „სია: ვინ დაუჭირა „აგენტების კანონს“ მხარი პირველი მოსმენით“. რადიო თავისუფლება. 17 აპრილი 2024.

[1] Parties, Parliaments and Polling Averages: Georgia. Europe Elects. ციტირების თარიღი: 17 აპრილი, 2026.

[2] „„ხალხის ძალის" მთავარი კომიტეტის სხდომამ პარტიის სტრუქტურა დაამტკიცა“. იმედი. 20 მარტი 2024.

[3] „სუბარი, ყაველაშვილი და ხუნდაძე ქართულ ოცნებას ტოვებენ“. On.ge. 28 ივნისი 2022.

[4] „„ხალხის ძალა" - სუბარმა, ყაველაშვილმა, ხუნდაძემ და მაჭარაშვილმა მოძრაობა დააფუძნეს“. რადიო თავისუფლება. 2 აგვისტო 2022.

[5] „"ხალხის ძალა" - ოცნებიდან ფორმალურად წასულებმა საზოგადოებრივი მოძრაობა დააფუძნეს“. ფორმულა. 2 აგვისტო 2022.

[6] „"ვიქტორ ჯაფარიძემ, POS TV-ის წილების 52% შეიძინა, რაც ხელს შეგვიწყობს სათქმელის საზოგადოებამდე კიდევ უფრო ფართოდ მივიტანოთ" - სუბარი“. Ambebi.ge. 4 ოქტომბერი 2022.

[7] „„ოცნებიდან“ გასულებს მმართველი პარტიის კიდევ 5 დეპუტატი შეუერთდა“. სივილ ჯორჯია. 4 ოქტომბერი 2022.

[8] „ქართულ ოცნებას პარლამენტში უმრავლესობა აღარ აქვს“. სივილ ჯორჯია. 4 ოქტომბერი 2022.

[9] „„ხალხის ძალა“ NGO-ების საქმიანობისა და მედიაში სიცრუის გავრცელებაზე კანონპროექტებს წარადგენს“. სივილ ჯორჯია. 29 დეკემბერი 2022.

[10] „„ხალხის ძალამ“ უცხოური გავლენის აგენტების შესახებ კანონპროექტი შეიმუშავა“. სივილ ჯორჯია. 15 თებერვალი 2023.

[11] „მაჭარაშვილი: ხალხის ძალის პოლიტიკურ პარტიად ჩამოყალიბებას განვიხილავთ“. ტაბულა. 17 იანვარი 2024.

[12] „პარტია „ხალხის ძალა“ დაფუძნდა“. პირველი არხი. 18 მარტი 2024.

[13] „„ხალხის ძალამ“ მმართველობითი რგოლი დამტკიცა“. პირველი არხი. 20 მარტი 2024.

[14] „სია: ვინ დაუჭირა „აგენტების კანონს“ მხარი პირველი მოსმენით“. რადიო თავისუფლება. 17 აპრილი 2024.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]