ჩაბარუხისწყალი

ჩაბარუხისწყალი — მდინარე გორის მუნიციპალიტეტში, პატარა ლიახვის მარჯვენა შენაკადი. სათავე აქვს გერმუხის ქედის სამხრეთ-აღმოსავლეთ კალთაზე 2815 მ სიმაღლეზე. სიგრძე 11,6 კმ, აუზის ფართობი 37,3 კმ². საზრდოობს თოვლის, წვიმისა და მიწისქვეშა წყლით. წყალდიდობა იცის გაზაფხულზე, წყალმოვარდნები ზაფხულსა და შემოდგომაზე, წყალმცირობა — ზამთარში. საშუალო წლიური ხარჯი შესართავთან 1,32 მ³/წმ.

ლიტერატურა

• აფხაზავა ი., ქართული საბჭოთა ენციკლოპედია, ტ. 11, გვ. 68, თბ., 1987 წელი.