ტროპოსფერო

მასალა ვიკიპედიიდან — თავისუფალი ენციკლოპედია
დედამიწის სფეროების რუკა

ტროპოსფერო (ძვ. ბერძნ. τροπή — „შემობრუნება“, „შეცვლა“ და σφαῖρα — „სფერო“) — დედამიწის ატმოსფეროს ქვედა ნაწილი, რომელშიც სიმაღლესთან ერთად ეცემა ტემპერატურა. ტროპოსფეროს საშუალო სიმაღლეა: პოლარულ განედებში 8-10 კმ, ზომიერში 10-12 კმ, ტროპიკულში 16-18 კმ, ტროპოსფეროს თავზე განლაგებულია სტრატოსფერო, რომლისგანაც იგი გამოყოფილია გარდამავალი ფენით — ტროპოპაუზით. ტროპოსფეროში მოქცეულია ატმოსფეროს ჰაერის მასის 4/5-ზე მეტი. საშუალო ატმოსფერული წნევა ტროპოსფეროს ზედა საზღვარზე ზომიერ განედებში შეადგენს დედამიწის ზედაპირთან არსებული ატმოსფერული წნევის — 1/4-ზე ნაკლებს, ტროპიკულ განედებში — 1/10-ზე ნაკლებს, ტემპერატურის საშუალო ვერტიკალური გრადიენტი შეადგენს 0,6°C-მდე.

ტროპოსფეროს ნაწილს, რომლის ფარგლებში რელიეფის ხელსაყრელი პირობების შემთხვევაში შესაძლებელია წარმოიქმნას და იარსებოს მრავალწლოვანმა თოვლნარებმა და მყინვარებმა ეწოდება — ჰიონოსფერო.

იხილეთ აგრეთვე[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]