სკოტ უილსონი

მასალა ვიკიპედიიდან — თავისუფალი ენციკლოპედია
Jump to navigation Jump to search
სკოტ უილსონი
Scott Wilson by Gage Skidmore 2.jpg
მშობ. სახელი Scott Wilson
დაბ. სახელი უილიამ დელანო უილსონი
დაბ. თარიღი 29 მარტი, 1942
თომასვილი, ჯორჯია, აშშ
გარდ. თარიღი 6 ოქტომბერი, 2018 (76 წლის)
ლოს-ანჯელესი, კალიფორნია, აშშ
გარდ. მიზეზი ლეიკემია
ეროვნება ამერიკელი
მოქალაქეობა აშშ-ის დროშა აშშ
საქმიანობა მსახიობი
აქტიური 1967–2018
მეუღლე(ები) ჰარვენლი უილსონ
ჯილდოები კინომსახიობთა გილდიის ჯილდო

სკოტ უილსონი (ინგლ. Scott Wilson), დაბადების სახელი უილიამ დელანო უილსონი (ინგლ. William Delano Wilson; დ. 29 მარტი, 1942, თომასვილი, ჯორჯია, აშშ — გ. 6 ოქტომბერი, 2018, ლოს-ანჯელესი, კალიფორნია, აშშ) — ამერიკელი მსახიობი, ოქროს გლობუსის პრემიის ნომინანტი 1981 წელს.

ბიოგრაფია[რედაქტირება | წყაროს რედაქტირება]

დაიბადა პატარა ქალაქ თომასვილში, ჯორჯიის შტატში. 1961 წელს, 19 წლის ასაკში ლოს-ანჯელესში გადავიდა საცხოვრებლად. 1967 წლიდან დაიწყო მსახიობად მუშაობა. დებიუტი შედგა ფილმში „შუაღამის სიცხე“.[1] კარიერის ერთ-ერთი მთავარი როლი შეასრულა რიჩარდ ბრუკსის ფილმში „ცივსისხლიანი მკვლელობა“. მთელ მის კარიერაში შეასრულა 60-ზე მეტი როლი, რომელთაგან უმრავლესობაში მეორე პლანზე ითამაშა. 2007 წელს მიიღო კინომსახიობთა გილდიის ჯილდო.[1] 2001–2006 წლებში მონაწილეობდა ტელესერიალ „CSI: დანაშაულის ადგილში“, აგრეთვე „საიდუმლო მასალებსა“ და „სამართალი და წესრიგში“. 2011 წელს ითამაშა ჰერშელ გრინის როლი ტელესერიალ მოსიარულე მკვდრებში, რომლისთვისაც კრიტიკოსებისაგან კარგი შეფასება დაიმსახურა.[2] წესით მას სერიალი მეორე სეზონის ბოლოს უნდა დაეტოვებინა, მაგრამ ამ შეფასების წყალობით იგი ჯერ მესამე, ხოლო შემდეგ მეოთხე სეზონშიც გამოჩნდა.[3]

1977 წლიდან დაქორწინებული იყო ჰარვენლი უილსონზე. მათ შვილი არ ჰყოლიათ.[1]

2018 წლის 6 ოქტომბერს გამოცხადდა, რომ სკოტ უილსონი სერიალის მე-9 სეზონშიც დაბრუნდებოდა, მაგრამ ამავე დღესვე იგი გარდაიცვალა. გარდაცვალების მიზეზი ლეიკემია გახდა.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 1.2 Scott Wilson- Biography. Yahoo!. დაარქივებულია ორიგინალიდან - 2012-10-31. წაკითხვის თარიღი: 2012-09-16.
  2. Bruce Fretts. (28 ноября 2011) Cheers & Jeers: The Walking Dead's Great Scott Wilson. TV Guide. დაარქივებულია ორიგინალიდან - 2012-10-31. წაკითხვის თარიღი: 2012-09-16.
  3. Lesley Goldberg. (18 марта 2012) 'The Walking Dead' Dissection: Glen Mazzara and Robert Kirkman Spill on the Bloody Finale. The Hollywood Reporter. დაარქივებულია ორიგინალიდან - 2012-10-31. წაკითხვის თარიღი: 2012-09-16.