მერლე იაგერი
| მერლე იაგერი | |
|---|---|
 | |
| დაბადების თარიღი | 19 ოქტომბერი, 1965[1] [2] (58 წლის) |
| დაბადების ადგილი | ტალინი |
| საქმიანობა | მსახიობი, მწერალი, კინომსახიობი და პოეტი |
| მოქალაქეობა |
 სსრკ ესტონეთი |
| ალმა-მატერი | ესტონეთის მუსიკისა და თეატრის აკადემია |
მერლე იაგერი (ესტ. Merle Jääger, ასევე ცნობილი როგორც Merka (ესტ. Merca) — დ. 19 ოქტომბერი, 1965, ტალინი) — ესტონური ტელევიზიის, თეატრისა და კინოს მსახიობი, პოეტი და მწერალი.
თეატრის მუშაკთა კავშირის წევრი (1990 წლიდან). ესტონეთის მსახიობთა კავშირის წევრი (1993 წლიდან). ესტონეთის მწერალთა კავშირის წევრი (2000 წლიდან).
ადრეული წლები და განათლება[რედაქტირება | წყაროს რედაქტირება]
მერლე იაგერი დაიბადა 1965 წლის 19 ოქტომბერს ტალინში. სწავლობდა ტალინის 46-ე საშუალო სკოლაში და ტალინის საბუნებისმეტყველო მეცნიერებათა საშუალო სკოლაში.[3] მამაისი რკინიგზის მუშა იყო, დედა კი — ბუღალტერი.[4]
1983 წელს, სკოლის დამთავრების შემდეგ, იაგერი სწავლობდა სამსახიობო და თეატრალურ ხელოვნებას ტალინის სახელმწიფო კონსერვატორიაში (ახლანდელი ესტონეთის მუსიკისა და თეატრის აკადემია), რომელიც დაამთავრა 1988 წელს. მისი მასწავლებლი იყო კალიუ კომისაროვი.[5]
მის თანაკლასელებს შორის იყვნენ მსახიობები ელმო ნაიგანენი, პირეტ კალდა, დაიან აჰმედი, კილი პალმსარი, რაივო ტამი, რაინ სიმული და ენ რეჰემანი.
კარიერა[რედაქტირება | წყაროს რედაქტირება]
სამსახიობო მოღვაწეობა[რედაქტირება | წყაროს რედაქტირება]
ტალინის სახელმწიფო კონსერვატორიის დამთავრების შემდეგ, მერლი იაგერი, 1988 წელს, გარკვეული შესვენებებით, მუშაობდა მსახიობად ქალაქ ტარტუს „ვანემუინის“ თეატრში. 1987 წელს მისი სადიპლიმო ნამუშევარი იყო, პრინცი ჰამლეტის როლი უილიამ შექსპირის ოპერაში „ჰამლეტი“, რომელიც შეასრულა ტალინში, დომინიკელთა მონასტერში და ოლგა სერგეევნა პროზოროვას როლი ანტონ ჩეხოვის ოპერაში "სამი და" (1988 წელი), „უგალას“ თეატრში, ქალაქ ვილიანდში. მისი პირველი ორი როლი „ვანემუინის“ თეატრში იყო, ფლორესი რობერტ თომას სპექტაკლში „ხაფანგი მარტოხელა კაცისთვის“ და ლედი მაკდაფი უილიამ შექსპირის მაკბეტში. ორივე როლი ითამაშა 1988 წელს.[5] „ვანემუინის“ თეატრში კარიერის განმავლობაში იაგერი გამოდიოდა სხვადასხვა საერთაშორისო ავტორისა და დრამატურგის სპექტაკლებში, როგორიცაა იოჰან ვოლფგანგ ფონ გოეთე, ოსკარ უაილდი, რენე ჰაივეი, ვიტოლდ გომბროვიჩი, ჟან ანუილი, ბილიანა სრბლიანოვიჩი, შარლოტა ჯონსი, ტომ სტოპარდი, ართურ მილერი, ალგოტ უნტოლა, ედვარდ ოლბი, კლაივ სტეიპლს ლუისი, ჟიულ სტინი, ელდენ როშე , ბრაიან ფრიელი, ძმები შერმანი, ტიმ ფერტი, ანტონ ჩეხოვი, რობერტ ჯეიმს უოლერი, ინგმარ ბერგმანი, ველმა უოლისი, ჯონ ბოინტონ პრისტლი, კანდერ და ები და რეი კუნი. „ვანემუინის“ თეატრში დასამახსოვრებელ სპექტაკლებს შორის იყო როლები, დაწერილი ისეთი ცნობილი ესტონელი დრამატურგების და ავტორების მიერ, როგორებიც არიან კაუკსი ილე, ედუარდ ვილდე, ოსკარ ლუცი, ილმარ კულვეტი, ბერნარ კანგრო, ქეთი ვატმანი, მადის კივივი, ანდრუს კივირეჰკი, ანდრა ტეედე და მეელისი. ფილმმა რამდენიმე საერთაშორისო ჯილდო მიიღო და ესტონეთმა ოფიციალურად წარადგინა საუკეთესო უცხოენოვანი ფილმის კატეგორიაში ოსკარის 80-ე დაჯილდოებაზე.[6]
2006 წლიდან მერლე იაგერი ასევე თამაშობდა იუმორისტულ საზაფხულო სპექტაკლებში ქალაქ ტარტუს თეატრში. მან დაწერა ორი პიესა: „საუნი“ და „კოლხოოსი“, რომლებიც თეატრში დაიდგა 2008 და 2009 წლებში, შესაბამისად, თავად იაგერის მონაწილეობით.[7] იგი ასევე ხელმძღვანელობდა Taarka Heritage Theater-ს, სამოყვარულო თეატრალურ ჯგუფს, რომელიც დაარსდა სეტოს პოპულარიზაციისა და კულტურისა და თვითმყოფადობის შესანარჩუნებლად.[8]
მან ითამაშა რამდენიმე სატელევიზიო როლი. პირველი მნიშვნელოვანი როლი, რომელიც ითამაშა 1992 წელს, ორნაწილიან დრამატულ ფილმში „Soo“, ჰილდას როლია. ფილმი ეფუძნება ოსკარ ლუცის 1914 წლის ამავე სახელწოდების რომანს (თავდაპირველად სახელწოდებით Kirjutatud on...).[9] 2009 წელს კრიმინალურ ექვს ეპიზოდიან სერიალში „Kelk the Bloodhound“, მან ითამაშა მიას როლი. მერლე იაგერი ასევე გამოჩნდა რამდენიმე ესტონურ ტელესერიალში, მათ შორის: Office Revenge (2013), Pillow Club (2014) და Viimane võmm and Restart (2015).[4]
1988 წელს მერლი იაგერის დებიუტი შედგა რეჟისორი ელო ტუსტის მოკლემეტრაჟიან ფილმში „Noid“, მცირე როლით. მისი პირველი მნიშვნელოვანი როლი მხატვრულ ფილმში, იყო რეჟისორ კარენ კაერის 2005 წლის ისტორიულ კომედიაში „რაზმი“. მან შეასრულა მე-13 საუკუნის ესტონელი ლიდერის ლემბიტუს ცოლის, ლემბალას როლი. ამას მოჰყვა, ისტორიის მასწავლებლის როლი, რეჟისორ ილმარ რაგას ფილმ დრამაში "კლასი". გარდა ამისა, 2007 წელს იაგერი გამოჩნდა რეჟისორ კადრი კიუსაარის საოჯახო დრამატულ ფილმში „მაგნუსი“ ,სადაც ითამაშა დედის როლი. 2011 წელს ითამაშა რეჟისორი მარტ კივასტიკის დრამაში „ერთი ჩემი მეგობარი“, მსახიობ არნე-მატი უკსკულასთან ერთად. ასევე მისი მონაწილეობითაა მხატვრული სრულმეტრაჟიანი ფილმები: „Õnn tulb magades“ (2016), „Green Cats“ (2017) და „Homecoming 2: A Wedding and a Funeral“, რეჟისორ რენე ვილბრეტის 2016 წლის კომედია „Homecoming“-ის გაგრძელება.[10]
2019 წელს რეჟისორ ჰარდი ვოლმერის ისტორიულ კომედიაში, „იოჰანეს პიასუკეს ცხოვრება“,[11] ის გადაიღეს მე-20 საუკუნის დასაწყისის სეტოს ხალხური მომღერლის, ჰილანა ტარკის როლში.
გარდა ამისა, იაგერი ასევე გამოჩნდა უამრავ სტუდენტურ და მოკლემეტრაჟიან ფილმებში, მათ შორისაა ევას როლი 2006 წლის კომედიაში „Stranger - Save Valdis in 11 Chapters“ (რეჟისორი რასმუს მერივო).[12]
მერლე იაგერი არის თეატრის მუშაკთა კავშირის წევრი (1990 წლიდან) და ესტონეთის მსახიობთა კავშირის წევრი (1993 წლიდან).[13]
პოლიტიკური მოღვაწეობა[რედაქტირება | წყაროს რედაქტირება]
მერლე იაგერი არის ტარტუს საქალაქო საბჭოს წევრი და კულტურის კომიტეტის წევრი. წარსულში იგი იყო პარტია „სამშობლოს“ და ესტონეთის თავისუფალი პარტიის წევრი.[14][15]
მან 2014 წელს მონაწილეობა მიიღო ესტონეთის ევროპარლამენტის არჩევნებში, დამოუკიდებელი ესტონეთის პარტიის სიით, თუმცა უშედეგოდ, მან მხოლოდ 178 ხმა მიიღო.[16]
პირადი ცხოვრება[რედაქტირება | წყაროს რედაქტირება]
მერლე იაგერს ჰყავს ქალიშვილი ქორწინებიდან, რომელიც განქორწინებით დასრულდა. ის ამჟამად ურთიერთობაშია რეჟისორ იმრე ტუმეოკსთან. ოჯახი ცხოვრობს ფერმაში, ესტონეთის სოფელობინიჩეში, ვურუს ოლქში.[17][18][19]
მსახურობდა ესტონეთის შეიარაღებულ ძალებში. ის არის ესტონეთის თავდაცვის კავშირის აკადემიური განყოფილების წევრი ქალაქ ტარტუში.[20]2000 წელს ის გახდა ესტონეთის მწერალთა კავშირის წევრი.[4]
სქოლიო[რედაქტირება | წყაროს რედაქტირება]
- ↑ Person Profile // კინოფილმების ინტერნეტ-მონაცემთა ბაზა — 1990.
- ↑ Eesti biograafiline andmebaas ISIK
- ↑ Tartu Postimees დაარქივებული მარტი 25, 2022 საიტზე Wayback Machine. Näitleja Merle Jääger elab nii nagu meeldib. 4 July 2002. Retrieved 22 April 2018.
- ↑ 4.0 4.1 4.2 Eesti Entsüklopeedia დაარქივებული მაისი 1, 2021 საიტზე Wayback Machine. Jääger, Merle. Retrieved 22 April 2018.
- ↑ 5.0 5.1 Vanemuine დაარქივებული მაისი 3, 2021 საიტზე Wayback Machine. Merle Jääger. Draamanäitleja; Vanemuise Teatris Aastast 1988. Retrieved 22 April 2018.
- ↑ Eurochannel დაარქივებული დეკემბერი 30, 2019 საიტზე Wayback Machine The Class, the movie — Ilmar Raag — Estonia. Retrieved 23 April 2018.
- ↑ Hansahoovi Teater დაარქივებული თებერვალი 2, 2019 საიტზე Wayback Machine. Productions. Retrieved 23 April 2018.
- ↑ Sirp ja Vasar დაარქივებული მარტი 25, 2022 საიტზე Wayback Machine. Kuidas müüa Eesti ajalugu? Kas nagu setusid? 11 August 2012. Retrieved 23 April 2018.
- ↑ arhiiv.err.ee დაარქივებული ნოემბერი 3, 2021 საიტზე Wayback Machine Soo. Retrieved 23 April 2018.
- ↑ Märjamaa Rahvamaja დაარქივებული ივნისი 23, 2018 საიტზე Wayback Machine Klassikokkutulek 2: Pulmad ja matused. 9 January 2018. Retrieved 25 April 2018.
- ↑ Kopli Kinokompanii დაარქივებული მაისი 1, 2022 საიტზე Wayback Machine Johannes Pääsukese tõeline elu 2019. Retrieved 3 February 2019.
- ↑ Eesti Ekspress დაარქივებული აგვისტო 9, 2019 საიტზე Wayback Machine Tulnukas" — Eesti kõige ropum film? 21 May 2016. Retrieved 23 April 2018.
- ↑ Märjamaa Rahvamaja დაარქივებული ივნისი 23, 2018 საიტზე Wayback Machine Klassikokkutulek 2: Pulmad ja matused. 9 January 2018. Retrieved 25 April 2018.
- ↑ Postimees დაარქივებული ივნისი 23, 2018 საიტზე Wayback Machine Merle Jääger kandideerib Tartus VIKi nimekirjas. 24 August 2013.
- ↑ delfi.ee დაარქივებული ივნისი 23, 2018 საიტზე Wayback Machine Riigikogu valimistulemused. 6 March 2011.
- ↑ Euroopa Parlamendi valimised დაარქივებული თებერვალი 13, 2015 საიტზე Wayback Machine Võrdlusarvu alusel jagatud mandaadid. Retrieved 25 April 2018.
- ↑ publik.delfi.ee დაარქივებული აპრილი 26, 2018 საიტზე Wayback Machine Värskes ajakirjas Naised! Merle Jääger elab kummitavas majas: ta oleks justkui oodanud meid. 8 October 2015. Retrieved 25 April 2018.
- ↑ publik.delfi.ee დაარქივებული ივლისი 8, 2017 საიტზე Wayback Machine. TOP 10: Suudlused, kallistused ja meelitused ehk lembehetked presidendi vastuvõtult . 22 February 2016. Retrieved 25 April 2018.
- ↑ Õhtuleht დაარქივებული აპრილი 26, 2018 საიტზე Wayback Machine Merle Jääger andis Seto talule uue elu! 22 July 2017. Retrieved 25 April 2018.
- ↑ Heino Elleri nimeline Tartu Muusikakool დაარქივებული აპრილი 26, 2018 საიტზე Wayback Machine Kontserdisarja «Sõna jõud» III külalised on Mikk Sarv ja Merle Jääger. 2 February 2015.