კაწარეთი

კაწარეთი — ფეოდალური ხანის საეპისკოპოსოს ცენტრი კახეთში, ამჟამად ნასოფლარი საგარეჯოს მუნიციპალიტეტში, მდინარე ივრის მარცხენა ნაპირზე. ვარაუდობენ, რომ უძველეს ხანაში აქ კუხებისა და სუჯების ტომთა წარმართული რელიგიის ცენტრი იყო. გადმოცემით, ქართველთა განმანათლებელმა ნინომ აქ მიაღებინა ქრისტიანობა კუხ და სუჯ მთავრებს და მათ ქვეშევრდომებს. ქართული საეკლესიო იერარქიაში კაწარელი ეპისკოპოსი რიგით მეოცედ იხსენიებოდა.

იხილეთ აგრეთვე

• კაწარეთის სამება
• კაწარეთის საეპისკოპოსო

ლიტერატურა

• მუსხელიშვილი დ., ენციკლოპედია „საქართველო“, ტ. 4, თბ., 2018. — გვ. 580.
• მიტროპოლიტი ანანია ჯაფარიძე, საქართველოს სამოციქულო ეკლესიის ისტორია, ტ. I, თბ. 2012